كاميليا وبعدين مين اللي قال ان فريده و اسر هيتخطبوا اصلا كلها اشاعات متصدقيش كل حاجة تسمعيها
فريده بنظرة لكاميليا بمعني يكفي : الله جاسمين باين فيه حد بينده عليكي
جاسمين: اه طيب انا هروح هناك
كاميليا: انسانه فضوليه تموت في النميمة
فريده : وانتي ما شاء الله عليكي ماصدقتي و لكلك لكلك لكلك معاها مش كده
كاميليا : شكلك مودك قالب بعد اللي حصل اهدي مش انتي اللي عملتي كده مش قولتلك بلاش
فريدة: احنا هنعيده تاني بقولك ايه انا علي اخري بدل ما اطلعهم عليكي
كاميليا : وعلي ايه منا عارفه جنانك بس برضو مش هسيبك بصي هبات معاكي النهارده و هنشوف هتعملي ايه
فريدة : اوك وانا هطلع بره شويه اصلي اتخنقت
كاميليا : علي فكرة هوا مشي
فريده باستغراب مصطنع: هوا مين اللي مشي
كاميليا : اسر اللي عنيكي بتدور عليه مشي هوا و يوسف من شويه
فريدة : هه اكيد راح يروق دمه بعد اللي حصل ميقدرش يضيع وقت كازنوفا
انتهت الحفلة مابين مزهول و حزين و شامت
في غرفة فريدة
كاميليا بنفاذ صبر :ياامي ارحميني كفايه عياط مش انتي اللي عملتي كده حد كان ضربك علي ايدك مش قلتلك بلاش من الاول
فريدة ببكاء: امال كنتي عيزاني اعمل ايه بعد ما عرفت اوافق عليه واكون ضحيه رهان بينه وبين صحابه و في الاخر يسبني لا مش انا اللي يتعمل فيا كده
كاميليا : امال بتعيطي ليه دلوقتي ها
فريده :بحبه بحبه اوي يا كاميليا مش قادرة اتخيل انه يعمل فيا كده معقول الانسان اللي حبيته من وانا عندي 14 سنه يطلع كده ده انا دخلت هندسه علشان اكون معاه كنت بحاول الفت انتباهه باي طريقة ويوم ما يقولي بحبك يطلع كذاب و بيتراهن عليا ليه عملتله ايه
كاميليا : فريده انتي عارفة ان اللي زي اسر مش بتاع حب و جواز هوا عمل كده علشان الرهان انا اصلا كنت مستغربه من قرار خطوبته ليكي فجاة كده
فريده برفعه حاجب وعصبيه : ليه ان شاء الله ماشبهش ولا ايه ماتعدلي كلامك امال
كاميليا : من ناحيه تشبهي تشبهي بلد بس مقصدش بس اسر كازنوفا يسيب معجبيه ويرتبط بواحده بس ده من رابع المستحيلات
فريدة :بس انا حبيته ومش قادرة ابعد عنه
كاميليا : بصراحة الواد يتحب مز كده وطول بعرض وعنيه رمادي حاجة كده استغفر الله العظيم تشيلك ذنوب
فريده بعصبية: نعم يا روح طنط انتي بتعاكسيه قدامي ماتتلمي شويه ولا سكتناله دخل بحماره اتلمي وعدي ليلتك اللي مش فايته ديه
كاميليا : الله انتي مش خلاص سبتيه وقولتيله كده سبينا ناخد فرصتنا بقي
فريده :شكلي كده هرتكب فيكي جنايه النهارده
كاميليا بهيام :هاااااااااااااااااااح بصراحة واد جامد اخر حاجة ولا عليه غمازات يا لهووووووووووووووووي
فريده وهي تبحث عن شئ ما : راح فين ده كان هنا
كاميليا : بتدوري علي حاجة يا ديدي قوليلي اساعدك
فريده وهي تمسك بمسطرة هندسيه كبيرة من الخشب : لا لقيتها
كاميليا باستغراب : هتعملي بيها ايه ديه يا فريده الوقتي
فريده : ابدا انا هفهمك غلطك و اصلحلك مخك
كاميليا : ازاي
فريدة : ابدا هفتح نفوخك واطلعه واغسله علشان يشتغل علي نضافة وبدات بالاستعداد لضرب كاميليا التي ركضت في زعر صارخه
كاميليا:عرفاكي مجنونه وتعمليها انتي هتطلعي عليا عرقك التركي فريده انا كنت بهزر والله بس علشان اخليكي تفكي من المود ده خلاص
فريده : ايوه كده اتعدلي
كاميليا : فريده انتي مالك سكتي مرة واحده كده ليه بتفكري في ايه
فريده بعد تفكير هوا انا اللي عملته ده صح مش كده انا كان لازم اعلمه الادب كاميليا بنظرة لفريده وهي غير مرتاحه:اه انتي بتفكري في ايه سكوتك ده بيخوفني انتي شكلك ناويه علي مصيبه ربنا يستر
فريدة باريحيه غير مناسبه لوضعها الحالي:طب ماكده قشطة امال انا قلباها دراما كده ليه وبعدين اكيد البيه بيروق في حته دلوقتي ولا همه حاجة وانا اللي بتحرق هنا خلاص بقي انا هفكني منه
كاميليا باندهاش: لا اشهد انك مجنونه رسمي امال العياط وبحبه والشحتفة اللي انتي كنتي فيها من شويه ديه ايه
فريده : عادي بصي انا قررت اعيش حياتي وهوريه انا مين
كاميليا بصي اعملي اللي انتي عايزاه اصلا المجانين في نعيم وانتي اصلا ابراج مخك طايرة من زمان
فريده : بتقولي حاجة يا كامي انتي رغايه النهارده كده ليه يلا نامي صدعتيني
كاميليا وهي تعدل نفسها للنوم :ابدا انا كنت بقولك هنام انا كمان تصبحي علي خير....... وبهمس اصلا اسر اترحم من جنانك
أنت تقرأ
جنوني وعنادك بقلم ديدي
Mystery / Thrillerاحببتك اكثر من حياتي وددت لو اني اتنفس عطرك بدلا من الهواء انام علي صوتك واحلم بك وافتح عيوني علي صورتك وهبتك حياتي وسعادتي ابكي لحزنك واطير لفرحك عندما اراك اشعر اني احلق في السماء اتناسي كل شئ غضبك غرورك وحتي جراحك انا كالسمكة في بحر حبك ان خرجت م...
