جنوني وعنادك بقلم ديدي

27

في الصباح ارتدت فريده ملابسها و انتظرت ادم ليقلها الي مكان

مشروعهما

اتي ادم وتحدث: الله اكبر ايه يا فريده اللي انتي لابساه ده

لا مش للدرجة ديه يعني

فريده:وماله لبسي ان شاء الله ماهو زي الفل

وكانت فريده ترتدي

(سلوبيت جينز واسفله تي شيرت ازرق

وكوتشي وعلي راسها كاب ) فكانت تبدو كبليه صبي الميكانيكي

ادم:هههههههههههههههه ..... لا مش ممكن انتي رايحة تشتغلي علي توكتوك

فريده:يا سلام ماهو ده اللبس اللي ينفع هناك

ادم:بس مش للدرجة ديه يافريده كده هيفتكروكي جايه

(فعال....شخص يعمل بحمل الرمل والطوب في المواقع) مش المهندسه

فريده:لا هما متعودين علي كده .......

وبعدين قبل ماتتكلم علي لبسي شوف نفسك الاول لابس ايه

ادم:ماله لبسي ماهو عادي اهو

فريده:انت رايح تشتغل في موقع ولا رايح تتفسح

ايه لبس بيض شم النسيم اللي انت لابسه ده

ادم وكان يرتدي (بنطلون جينز وفوقه قميص مشجر باللون الاخضر وكوتشي )

ادم:اسكتي انتي متفهميش قي اللبس

ده احلي قميص في الوكاله انتي عارفة انا جايبه بكام ده ....

.ده بشئ وشويات يا امي يلا بقي اركبي

فريده بفرحه: ايييييه ده ....انت جبتها

ادم:اكيد هوا انا ليا بركه غيرها ديه هيا اللي بتسد معانا في الاوقات ديه

فريده وهي مقبله عليها حبيبتي الغاليه

كل هذا عن سياره شيفورليه ايمبالا 67

فريده وهي تمسح علي السياره حبيبتي المرشيدش

يلا بسرعة يا ادم علشان نلحق نوصل قبل الزحمه

ادم:وتلحقي تسلمي علي زوزو وعم ابراهيم مش كده

... قولي .. قولي ماتتكسفيش

فريده :اكيد طبعا هو انا اقدر اروح هناك

قبل ما اعدي عليهم كل يوم و اخد بركات دعواتهم

ادم:اكيييييييد ولا سندويتشاتهم

فريده بضحكه:لا متقلقش السندويتشات

هتلاقي انشرااااااح جيباهملك اول ماتعرف انك هناك