جنوني وعنادك بقلم ديدي

8

فلاش باك

زاهر : هاي سارة ازيك

ساره : هاي زاهر I'm fine انت عامل ايه

زاهر تمام امال اخبار الشله ايه محدش باين منهم لا اسر ولا جو ولا حتي ادم

ساره : ليه انت متعرفش

زاهر باهتمام : معرفش ايه هوا فيه جديد

ساره بضيق: اصل اسر و فريده هيتخطبوا قريب

زاهر : بجد مكنتش اعرف بس الواد اسر ده طلع لعيب و اد كلامه عرف يوقع البت

ساره باهتمام: ازاي

زاهر : ها لا ابدا متخديش في بالك ده موضوع ما بينا

ساره بخبث ودلال : كده برضو يا زاهر هتخبي عليا انا برضو طب انا مخصماك

زاهر : وانا اقدر علي زعلك يا جميل

ساره بانتصار:؛ طب يلا قول انت هتخبي عليا.

زاهر و قد وقع في الفخ (غبي) : ابدا ده كان رهان بيني و بينه انه يقدر يوقع فريده في حبه

ويخليها من حريم كازنوفا مانتي عارفاها طالعة فيها و مناخيرها في السما

بس الواد اسر معلم جاب رجلها زي غيرها

سارة بسخريه: طبعا هوا فيه حد يقدر يفلت من كازنوفا لو حطه في دماغه

ساره و قد بدي عليها التفكير في امر ما

ساره في نفسهاحزينة لا بس كده جاتلي ع الطبطاب اضرب عصفورين بحجر

اوقع بين اسر و فريده وازلها شويه )ابتسامه شريره

زاهر : هاااااااي ساره روحتي فين

سارة وقد انتبهت الي زاهر : ها لا ابدا معاك

سوري يا زاهر لازم امشي افتكرت حاجة مهمة لا زم اعملها see you soon

زاهر : اوك باي يا قمر ومتنسيش تقوليلي علي ميعاد الخطوبه ها

ساره و هي تبتعد بابتسامه خبيثة : شور يا بيبي استني اخر الاخبار

باك

زاهر : هوا ده كل اللي حصل

اسر بعصبيه ممزوجة بسخريه: طبعا و الست ساره ما صدقت

و اذاعت الخبر في كل النادي وفريده عرفت يعني بغباءك

وهطلتك ع الست زفته بتاعتك وقعتني في مشكله مع فريده ملهاش حل

زاهر بحسن نيه: طب وانا اعرف منين ان ساره هتعمل كده

يوسف : خلاص بقي اللي حصل حصل هنعمل ايه

اسر من ناحية هعمل هعمل كتير بس اشوف وش الزفته ساره ديه

ها قد اتت سارة من بعيد (استلقي وعدك يا حلوة)