#يمامه_خلف_القضبان#البارت الرابع والعشرين
غدير وسام *********
طبت نوسه ضميته جوه رجلي ماخليتها تشوفه
نوسه .. هي انتي خاف امي تسئلج احد يجي من نطلع لو يطلعن البنات كليلها لا ويا ويلج اذا حجيتي كلمه عن الي يصير متدرين شيصير اتتي حامل يجوز توكعين من الدرج لو تزلكين بالحمام وخطيه الي بطنج خاف يموت
جان اكو تهديد مبطن بكلامها
وصدك باليل سئلتني
يمامه . ها لا محد يجي
لعد شبيهم المنطقه راح يشيلوني يكولون بيتج مشبوه الله لايوفق الي يتبله عليه وعلى بناتي
كامت متطلع تبقه تراقب واذا طلعت تخلي اسماعيل بالبيت اسمع ناس تجي تكلها شيلي
وهي محتاره
بيوم كالت رايحه اشوف بيت واسماعيل محصل شغل طلعو .وبس راحن هنا مارسن نشاطهن
تاكدت بيومها مستحيل ابقه خصوصا بعد ما بالصدفه سمعتهن يتفقن ويا هذا الشافني
لج نوسه اريدها كلش عششت بدماغي
ولك حامل .. حتى تلعب النفس
اريدها هسه انتي شعليج وشتردين انطيج
بس تجيب وهي الك وداعتك ههههه
اتصلت بزينه من ضيمي . بس ردت اسمع صوت شخص ارتاحله
هلو زينه اني يمامه
هلا يمامه ولج وين انتي
موجوده شلونج
احجي وين انتي شاهين كلب الدنيا عليج
ليش يكلب الدنيا مو طردني حتى بيت مؤيد ماخلاني ولج زينه ذلني وبهذلني طلعني بالشارع ومافكر وين اروح وهو يدري ماعندي غيركم
اني حجيتله كلشي ومتندم
وشيفيد ندمه
زين كليلي وين انتي اجي اخذج اني وفريد
لا ماكدر
ولج بس اطمن عليج
راح اسده .زينه
زينه عليج بروح ابوج كليلي وين واوعدح شاهين ميدري بيج
يمامه ..اني يم خاله ام اسماعيل . بس عليج الله لاتكليله
وين يعني
بس يم ام اسماعيل وبس يله مع السلامه .
سديته منها . وبجيت . زين شمنتظره ابقه لمن يدخلن عليه رجال لازم اطلع اشوفلي مكان بس وين اروح
أنت تقرأ
يمامة خلف القضبان
Storie d'amore#يمامه_خلف_القضبان# قصة جديدة للكاتبة غدير وسام قصة قوية جدا اتوقفت نظراتي على الباب متوقعه ان تطرقه انتظار ....قلق ... ترقب .لهفة ...خوف خليط من المشاعر تعكسها تعابير وجهي ومرائتي المهترئه انظر الى ملامحي الشاحبه خلف ظ...
