_ تتجوز أسماء
جملة والدته قالتهاله من ساعات .. صدمته وقتها جمدته .. معرفش يرد و لو كان هيرد كان هيقول ايه .. وقتها معرفش ليه مرفضاش و ببساطة قال لأ .. ليه في اللحظة دي ظهرت صورتها و مقالش أختي الي فضل يقلها ٢٧ سنة ؟! .. أفكار كتير خطرت في باله وقتها زي بالظبط الأسئلة الكتيرة الي بتهاجم عقله دلوقتي ..
_ الي واخد عقلك
= محمود ! انت هنا من بدري
_ مش قوي .. مال وشك
= مفيش .. بس منمتش من امبارح
_ اممم .. ايه يعني بتحب مثلا
اتجمدت نظرته .. وللمرة التانية اتلجم لسانه
_ ايييه .. معاذ رحت فين
= هاه
_ لا انت شكلك مش فايق اقلك روح رّوح ارتاح
= ......
_ قوم يا عم مستنى ايه
قام معاذ وخرج من الشركة ... فضل ماشي و بيفكر .. ايه الي حصل .. ايه كل التشويش الي بيحيط بيه دا .. ليه كل الغيوم الي حواليه دي .. هو مش المفروض اتفق مع نفسه انه مهما يحصل يقول الي في قلبه .. ويفضل صريح معاها ؟!
طيب ليه مقالش لأ ..
معقول يكون قلبه موافق .. وهو الي مش ..
لا مستحيل .. هو عارف نفسه .. بيتحكم في قلبه ... أكيد قلبه مش مخبي عنه حاجة .. ممكن ؟ .. مستحيل ..
فضل ماشي و مش عارف على فين .. بعد ما تعب من التفكير قرر يرجع البيت .. اول ما دخل الشارع لمحها واقفة ... قرب بخطواته ..
وسمعها بتتكلم بنبرتها المعتادة ...
_ جرا ايه يا ولية يا سفاحة انتي .. كيلو الطماطم مغلياه اربعة جنيه ! اربعة جنيه يا مفترية .. اشحال مكنتش مفعصة و الدود فيها قد كدهوت
= كدهوت !!!!
_ وانت ايه جابك انت كمان
= معلش يا امو شوقي خليها علينا المرادي
_ خد تعالى هنا هي ايه الي تخليها عليك انا مش واخدة من الولية النصابة دي حاجة
= لمي الدور احنا في الشارع .. خدي يا امو شوقي و الباقي عشانك
_ كريم اوي الواد ! ... وبعدين الطماطم بتاعتها مش هتتعمل ابقا كلها انت بقا
= لسانك الي اطول منك دا عايز قطعه
_ نزل ايدك يا معاذ بدل ما انا الي اقطعهالك و و اسلقهالم عالغدا انهردا
= طب و الله فكرة حتى الباية متبقاش لوحدها
_ هيهيهي .. الواد ظريف و بيقول نكت اهو
= اتا مش قلت شعرك دا ميطلعش
_ هو ايه اصله دا .. بيطلع غصب عني
= لمي يا روح خالتي
_ ملكش دعوة انت يا روح خالتي
= نفسي اقلك حاجة و تعمليها من اول مرة
_ مش كل حاجة نفسنا فيها لازم تتحقق
= يا واد يا عميق
_ لا انا اعجبك جدا
= طب اطلعي داري شعرك دا بدل ما اخلي امو شوقي تناولني مقص و اقصهولك
_ لا وانت الصادق .. دي هتجبلك مكنة حلاقة
فلتت منه ضحكة و إتأمل ملامحها .. باين عليها موصلهاش الخبر .. تصرفتها عفوية .. و كلامها معاه مفيهوش ارتباك او قلق او حتى نظرة اضطراب .. طبيعية .. طبيعية زي ما عهدها من طفولتها .. طبيعية زي ما عنيها بتقول كلها برائة ...
_ ايه بتبصلي كدا ليه
= هاه
_ اه تلاقيك بتقول في نفسك هديك الاربعة جنية امتا .. لا يا اخويا انا مضربتكش علي ام ..
