_ سيب إيدي جاك ضربة في إيدك
= بتعلى صوتك عليا في الشارع يا أسماء
_ آه بعلي صوتي عليك في الشارع يا معاذ هتعمل ايه
= اطلعي فوق حالا
_ و ان مطلعتش
= اطلعي فوق يا أسماء عشان مدكيش قبمين على وشك الي شبه الطبق دا
_ طبق ! طب مش طالعة يا معاذ وريني هتعمل ايه
= يعني مش خايفة
_ هات الي عندك
= طيب .. افتكري انك الي قلتي
* وفي لحظة لقت نفسها مرفوعة من الارض *
_ انت اتجننت يا معاذ نزلني
= اما ارميكي فوق
_ انا مش هسكت و ربنا لقول لامك
= دا انا الي هربي اهلك بس اما افضالك
_ بتعملي فيا كدا عشان يتيمة و حزينة و مكسورة الجناح و ..
= ومليش حد في الدنيا يلا يا اختي شغلي الاسطوانة
_ يعني انا زن
= دا انتي مفهوم خام عن الزن
_ نزلني الناس بتتفرج علينا
= صباح الخير يا ميرفت
_ انا مش قلتلك متكلمش البت دي
= اه مهو عشان كدا بكلمها
_ نزلني .. نزلنااااي
*"*******************
_ محمود !
= نعم يا أروى
_ عاوزة اقلك على حاجة
= مش وقته يا أروى .. مشغول
_ يا محمود ارجوك
= ورايا شغل
_ محمود الموضوع مهم و من زمان و
= اما ارجع يا حبيبتي .. اما ارجع هسمعلك
* وباسها فوق جبينها و مشي *
********************
_ مالك يا معاذ يا بني
= مهموم اوي يا عم فاروق .. داير على كعوب رجليا بدور على شغل و بردو مفيش فايدة
_ لا حول و لا قوة الا بالله مهندس قد الدنيا و مش لاقي شغل
= انا راضي بأي شغلانة و الله غير الهندسة اديك شايف العيشة صعبة ازاي
_ على قولك يا بني عندك الداكتور عيسى اهو يدوب الي رايح على قد الي جاي
= محدش بيشتغل بشهادته الا الي مسنود في البلد .. و احنا اخر طموحنا اننا نشتغل لو معانا كلية ايه
_ متشلش هم بكرا يا بني .. سيبه للي خلقك و خلقنا كلنا .. من عنده يحلها
= يا رب
* طلع معاذ الشقة الي كان عايش فيها مع والدته و بنت خالته أسماء .. خبط على الباب و استقبلته أسماء الي كانت لابسه مريلة المطبخ و شعرها مفرود بعشوائية *
_ يا ساتر يا رب .. طلعت من اني داهية يا كائن انت
= هاهاها .. ظريف اوي يا خفة
_ اوعي خليني ادخل بابمعلقة الي اطول منك دي
= احترم نفسك
_ انا مش عارف مش باينة من الارض وصوتك يجيب اخر الشارع كدا ليه
= اوعي تكون فاهم اني هعديلك الي عملته الصبح دا .. دنا هخرب بيتك
_ بيت ايه يا حسرة .. وسعي وسعي
_ انت جيت يا بني
= اه يا ست الكل
_ طمني يا معاذ عملت ايه
= هعمل ايه بس يا أمي لفيت كعب داير و بردو مفيش فايدة
_ معلش يا بني.. ربنا يفرجها من عنده
= اخدتي الدوا
* ظهر التوتر على ملامح روح ولكنها ابتسمت بثبات *
_ اه .. أ ..أخدته
= متاكدة ؟
_ اه يا بني كتر خيرك
= طيب انا هدخل اغير هدومي و اصلي
_ ربنا يتقبل منك يا حبيبي
* دخل اوضته ... وقبل ما يدخل الباب خبط *
_ أسماء ؟
= امك مخدتش الدوا
_ ايه ؟
= الدوا خلص بقاله اسبوع وهي مش راضية تقلك
_ ليه
= عشان متزودش عليك .. واضحة يعني
_ طب امشي يا امو اربعة و اربعين انتي امشي
