_ مين ؟!!!
قرب معاذ خطوة و عنيه على رمزي ثابته ...
_ أسماء مين ؟!!
= أسماء بنت خالتك
هبت رياح .. حركت خصله من شعره الناعم .. اهتزت عنيه .. نبض قلبه نبضة معرفش سببها .. بريق ملاحظهوش .. وثبات فعل متوقع
_ معاذ. . رحت فين
= من امتا
_ هو ايه دا
= من امتا وانت تعرفها
_ انا معرفهاش و لا عمرنا اتكلمنا انا بس شفتها معاك صدفة اما جيت ازورك في مرة
= ........
_ معاذ
= رمزي انت
وصح تفكيره بجملة معاذ التي جاءت قاطعة كل كلماته ...
_ أنا بحبها
***********************
_ أهواك و اتمنى لو أنساك و أنسى روحي وياك و ان ضاعت تبقى فداك لو تنساني و انساك و اتاريني بنسى جفاك و اشتاق لعذابي معاك و القي دموعي فكراك أرجع تاني
كان صوتها .. واقفة في المطبخ بتحضر الأكل .
من بعيد كان واقف بيراقبها بابتسامة ناعمة .. ابتسامة معرفش مصدرها .. قرب خطوة وصوتها بيتخلل لأذنه بهدوء ... وفي لحظة دخل المطبخ و لسانه بيمرر معاها كلمات الاغنية ...
_ والاقيك مشغول و شاغلني بيك .. وعنيا تيجي في عنيك و كلامهم يبقي عليك و انت تداري و أراعيك و اصحي من الليل اناديك قوم ياللي شاغلني بيك برد ناري
رمقته بنظرة استهجان .. ورجعت تعمل الاكل ..
_ صوتك حلو يا امو اربعة و اربعين
= مطلبتش رأيك
_ ايه يعني هتفضلي قالبة وشك كدا
= ان كان عاجبك
_ على فكرة المفروض انا الي ازعل مش انتي يا أسماء
= يسلام وهو مين الي سحبني وسط الناس وجراني وراه مش انت
_ انتي اشتغلتي من ورايا ! خرجتي من البيت من ورايا
= انا معملتش حاجة غلط .. وبعدين وانت مالك اصلا ... ولي أمري ولا تكونش ولي أمري
_ متعليش صوتك و الا طبق البامية هيترزع في وشك
= طب اعملها يا معاذ و شوف هعمل فيك ايه
_ هتعملي ايه يعني دا انتي كلك على بعضك شبرين و نص
= كدا .. طب انا هوريك الشبرين و نص دول هيعملوا فيك ايه
ورجعت تنتبه للأكل .. وهو منتبهش للأكل نهائي .. اتأمل جانب وشها .. عنيها انفها وشفتاها ... رموشها الطويلة و حاجباها المتساويان .. خصلة شعرها المتمرد عن حجابها البسيط و لمعة عنيها ...
_ انتي بتدمعي
= دا البصل يا روح خالتي
وابتسم بهدوء .. التفتت في لحظة ...
_ اييييه هتفضل تبحلق كتير وسع خليني اجيب الملح
= فين و انا اجيبهولك
_ وراك ... الأبيض الي هناك دا
= خدي
_ ممكن تتمشي بقا عشان انت زاحم الدنيا هنا
= تمام
وقبل ان يخرج .. نادت عليه
_ معاذ
= امممممم
_ عدس مش بامية
وابتسم و خرج ...
وعلى مائدة العشا ...
