_ سيب ايدي يا معاذ
= انت تخرسي خالص ومتسمعنيش صوتك لحد ما نوصل
_ على فكرة انت فاهم غلط
= اخرسي يا أسماء بدل ما اديكي بالقلم قدام الناس
_ مش هخرس يا معاذ و انت لازم تسمعني
= أسماء ؟!
_ معاذ !!
_ في حاجة يا ولاد ؟
= لا يا حجة كتر خيرك
_ براحة يا بني مش شايفها خايفة ازاي
= هي مين دي الي خايفة يا خجة صلي على النبي كدا
_ بتقول حاجة يا بني
= لا يا حجة سلامتك
_ متخوفش مراتك منك يا بني
= مرات مين دا احتا لقيناها في الشارع
_ نعم يا اخويا
= انتي تخرسي خالص
_ الست لو في يوم حست بخوف من سندها وقتها هتسيب يا بني و مش هترجع ولو بالطبل البلدي
= شكرا يا حجة و الله بس انا لازم أمشي عشان انا لازم أربيها
_ تربي مين يا ابو تربي انت
= لامؤخذة يا حجة
شدها وراه ووصلوا للبيت ... بصلها بغضب و لمعت عينه بلونها العسلي الخاطف ... اما هي بصتله بثبات ...
_ لا وبجحة كمان
= متشتمش
_ يا بت يا امو كرامة
= هتعرف قيمتها اما امسح بيها البلاط و ميبقاش عندك كرامة
_ بت انتي
= نزل ايدك بدل مقطعهالك
_ أسماء !! .. اظبطي نفسك و شوفي بتتكلمي مع مين
= اظبط انت نفسك و شوف انا عملت كدا ليه ... شيل حمشنة الراجل الشرقي دي لانها مبتاكلش معايا
_ طااايب .. عملتي كدا ليه يا خرا
= اهو انت الي خرا
_ اخلصي
= خالتي كانت تعبانة طول المدة الي كنت بتلف فيها على شغل و الدوا خلصان بقاله شهور مش بس اسبوع انا قلتلك كدا عشان الفلوس الي معايا خلصت .. انا كنت بشتغل من وراك واجبلها الدوا ومحسسكش بحاجة لكن انت بني ادم ميهمكش الا شكلك و صورتك قدام الناس ازاي بنت خالة معاذ النصار تشتغل وهو لسه عاطل
= أسمااااء !
_ بلا أسماء بلا زفت .. انت مغرور و هتفضل طول عمرك اهم حاجة صورتك و نفسك و بس
= أسماء تعالي هنا ... أسماء بكلمك
لكنها دخلت و قفلت باب أوضتها عليها ... زفر بغضب واضح و غرز اصابعه في خصلات شعره الناعمة بلون القهوة .. وبعد تفكير خرج
*********************
_ مالك يا معاذ
= مفيش يا رمزي
_ دا وش واحد مفيش ؟! اومال لو في
= ابدا شوية مشاكل في البيت
_ مشاكل في البيت! هو انت في حد غير والدتك عايش معاكوا ؟
= أسماء بنت خالتي
_ احم .. هي هي الأنسة أسماء لسه معاكوا
= اه يعني هتروح فين
_ ط.. طيب انت اتخانقت معاها
= وايه الجديد منا دايما بتخانق معاها
_ .........
= مالك يا رمزي ؟
_ هاه .. ابدا ابدا .. مفيش حاجة .. يلا نكمل ؟
= نكمل
**********************
_ مالك يا أروى
= مالي ؟
_ عنيكي فيها حاجة ... عاوزة تقولي حاجة ؟
راحت جمبه و حاوطته بزراعها و اتنهدت بهدوء ...
_ فاطمة حامل
= طيب وايه المشكلة
_ حاسة انها مش مرتاحة .. انت مشفتش وشها اما قلتلها الخبر .. مش وش واحدة كمان شهور هتبقى أم !
= يمكن مش مصدقة او لسه البنج مأثر عايها
_ اول مقامت فضلت تزعق و تنادي على عمرو و عمرو وشه كان مخطوف و في حاجة غريبة بينهم واما مش قادرة افهمها
= احنا ملناش دعوة يا اروي
_ ازاي انا صاحبتها
= وهو جوزها .... يا أروى يا حببتي دول اتنين خلاص هيبقي بينهم رابط .. رابط اقوى من كلكتين من مراهق .. في روح هترتبط بيهم و هتربطهم
_ بس انا مش قادرة استحمل الكسرة الي في عنيها دي .. بتقتلني بالبطئ يا محمود
