👽💀 قصــــــــص رعــــب💀👽
👁🗨🎴الاستراحه المهجوره👁🗨🎴
➰ *الجزء الثاني*➰
✭✭مسكت امي على جنب ، يمه من اللي فتح لهم الباب ؟؟ ردت علي وقالت يقولون الباب كان مفتوح من قبل !! ودقوا الباب عشان عمك بيدخل عشان اتغطى ويوم شافوا محد رد ف دخل عمك وبدا يرد طرييييق طررريق هذي هي السالفة ، الحمدلله اللي كنت خايفه منه م صار وكلام أختهم الصغيرة ان اخوي الصغير هو الي فتح واضح انها م تدري عن شي وقالت كذا ، جت الساعه 1 بالليل وعاد تعرفون البنات سهر وفله ولو نطلع بالشارع محد درى عنا لان مافي احد يمشي برا ، وكانت هذي خطتنا منها نبي نكسر الروتين ومنها امهاتنا نايمين كلهم و مايدروون عن شي والورعين نايمين بعد اجل هذا وقتنا ! ، الكل لَبْس عبايته وناوين نمشي خطوات طويله بهالظلام المرعب !! وطبعا نسيت اقولكم بنات عمتي الثانيه نايمين معنا بالاستراحة يعني صرنا بالاستراحة ثلاث عوائل ، وكلنا ي البنات طلعنا ، بدينا نمشي بخطواتنا الخفيفه ، وصوت الضحك والسوالف ونسترجع ذكرياتنا ، الا قالت وحده من البنات وش رأيكم نقول لكم قصه جن ؟؟؟ عاد هذي وقتها ... قالتها باستهبال لكن م امداه تخلص من كلامها الا شفنا رجال من بعيد وكان يركض باتجاهنا !! كان يركض وتحركاته غريبه كان لابس شي ابيض وكانه كفن !!! م قدرنا نشوف وجهه كان يركض على ورى يعني معطينا ظهره !!! عاد وقتها تجمدت رجلينا من الخوف ! وماكان عندنا الحل الوحيد الا الركض !! كل وحده تركض وكأنها تقول انا مالي دخل فيكم نفسي نفسي !!
✭✭وماكان عندنا الحل الوحيد الا الركض !! كل وحده تركض وكأنها تقول نفسي نفسي !! الكل وصل البيت لكن كان الباب مقفل !!! تسكر من الهواء ! يالله ماهو وقته وش نسوي الحين كنّا نشوف الرجال الغريب ذاك او الجني قاعد يركض وتزيد سرعته باتجاهنا ، ثلاث من بنات عمتي يبكون لان عرفنا ان نهايتنا قربت !! والباب باقي شوي ونكسره لكن مثل م قلت لكم ان الاستراحـه كبيييييييييره وأمهاتنا كلهم نايمين ، لحظه لحظظه خلونا ندخل من قسم الرجال ، و باب قسم الرجال لازم نلف من الجهه الثانيه ، على طول كل وحده راحت هناك ، لكن يوم وصلنا سمعنا صوت من الجهه الثانيه صوت خطوات كثيره وسريعه !! اضطرينا اننا نتغلب على خوفنا ونروح نشوف من اللي هناك !! رحت انا وكم وحده من بنات عمتي ، مشينا خطوه خطوه ورجولنا ماهي قادرة تشيلنا من الرعب اللي كنّا عايشينه ، وصلنا للجهه الثانيه تمسكت بالجدار وميلت راسي لعلي اشوف من اللي هناك ، وهنا احد ضرب راسي ومن قوه الضربه فقدت توازني واغمى علي !! رغغغغد رغد ، صحيت وكانوا متجمعين حولي !!! بنات عماتي كلهم بِسْم الله وش صار لي !! ناظرت فيهم وكانوا يضحكون !! ايه يضحكون ! كانوا يقولون لي اللي ضربتك وحده منا !!! طلع يوم بنروح للجهه الثانيه من الخوف كل وحده راحت مكان تحسب هو الأقرب ومثل م قلت لكم حنا مجموعه كثيره ثلاث عوائل يعني تقريبا كنّا 21 بنت ، ف انقسمنا وحنا م ندري ، ف هم سمعوا صوت الخطوات وحنا سمعنا صوت خطواتهم .. وحنا نحسب اننا كلنا كاملين وهم يسحبون نفسهم كاملين ، فلما اقتربت منهم هم يحسبونك ذاك الشخص ف اخذوا اقرب خشب عندهم وضربوك وصار اللي صار .
✭✭ف اخذوا اقرب خشب عندهم وضربوك وصار اللي صار .. الحمدلله الضربه ماكنت قويه بس كانت كفيله انه يغمى عليك ، جلست وكان ماصار شي ، بنات وش رأيكم نطلع مره ثانيه !!! ي خيي خلونا شوي نحس بالمغامرة ، كلها يومين ونفترق ، وهالمرة بنروح وبنشغل القران يعني ماارح يصير لنا شي ، وافقوا الاغلبيه يعني انا 9 من البنات والباقين قرروا يجلسون او بالاصح يراقبونا من بعيد ، لا تسئلوني ليه رحتوا هناك ؟ ماكان فيه جواب على هالسؤال لان كل اللي يدور في عقلي وقتها اننا نفلها وننبسط ، مشينا وكنا مشغلين القران وأبعدنا عن الاستراحـه وماحسينا ابد لان كنّا نسولف وسوالفه ورى سالفه لحد م وقف صوت القران !!! وكان السبب ان النت م كان يوصل لهناك يعني الواي فأي في الاستراحـه وانقطع الإرسال لأَنِّي أبعدت عنه ، م انتبهنا ان صوت القران وقف لان كان صوت سوالفنا عااالي ومندمجين مع السالفة اللي تقولها بنت عمتي ، تعبنا من المشي وقررنا نرجع للاستراحـه ونبدأ نتكلم للبنات عن شجاعتنا وان م صار لنا شي ومن هذا الكلام ، لفينا على ورا على أساس اننا بنرجع للاستراحـه وكانت الصدمه !!! ، الشخص اللي كنّا شايفينه قبل طلع لنا من جديد !! جاء في لمحه بصر !! ماكنا مستوعبين هالشي ، كان ورآنا بالضبط !!! يعني مافي اي مهرب الا اننا نستشهد ونسلم نفسنا لقضا ربي وقدره ، اعوذ بالله من الشيطان الرجيييييم كان صوت بنت عمتي ، بدت تقرا بالسور والآيات وكان الصوت جميل صوت يشرح النفس الكل لف يبي يشوف من عنده هذا الصوت وكانت بنت عمتي ، والمصيبه الشخص اللي شفناه م اختفاء كان ثابت في مكانه ، احلف لكم بالله انه ثابت في مكانه م تحرك !!! للحين نظراته تدور حولينا !! وفجاءه !!!
الشخص اللي شفناه م اختفاء كان ثابت في مكانه ، احلف لكم بالله انه ثابت في مكانه م تحرك !!! للحين نظراته تدور حولينا !! وفجاءه !!! بدا يتكلم وينطق !! وكان يقول " نحن قوم من قبيله قازلي ونحن مسلمين !! ان لم تئذوننا لن ناذيكم ولكن لا نستطيع ان نردع صغار الجن عنكم " واختفاء في لمحة بصر ، كلنا مو مستوعبين لحد م سمعنا صراخ البنات اللي عند الباب ويقولون اركضوا اركضوا !! ركضنا على طول ودخلنا الاستراحـه مو مستوعبين اللي صار !!' هذا واقع ولا خيال !! طريقه كلامه الغريبه وشكله وملابسه المتقطعة !! علمنا باقي البنات وش صار لنا ! وماصدقوا الا لما حلفنا لهم لان الكلام م يتصدق ابد ! قررنا كتم الموضوع بيننا ، م ودنا ينتشر الخوف بين الحريم الكبار فـ راح يبدون يخافون علينا ان يصير لنا شي ومارح ينامون لان راح يشيلون هم ، شلنا الموضوع من راسنا آلما جاءت الساعه 8 الصباح وكل وحده اخذت اقرب بطانيه ونامت ، كنّا ناوين ننام من بدري لكن اجواء الصباح هي اللي أجبرتنا ننام بذا الوقت والفطور اللي جاء متاخر ، وانا في نص نومي ،، صحيت وكانت المصيبه امي وعماتي الكبار كانوا مشغلين أغاني وشيلات والصوت كان معبي الاستراحـه !!!! دخلت عليهم بسسسررررعه ، طفوو الأغاني طفووووها أنتم وش تسوون !!!! وش تسوووووووووون !!!!! امي قاعده تناظر فيني و واضحة عليها معصبه وبنات عماتي يناظرون فيني ويغمزون يعني شغلي السماعات حقتهم عشان م يشكووون بالوضع كلها دقيقتين ويخلصون وفجاءه سمعنا صوت وكان من برا
يتبع ٣
