-قومي يا نور يا حبيبتي يالا حتي يوم فرحك نايمه للظهر امال هتجوزي تعملي ايه بس مش عارفه
-يووة يا ماما انا قمت اهوة وبعدين انا عاجبه اسر كده هو قالي انا هعلمك كل حاجه
-ربنا يسعدك يا حبيبتي يارب ويطمن قلبي عليكي مش عارفه هبعد عنك ازاي
قامت نور وحضنت مامتها ومامتها خدتها في حضنها وقعدت تبكي صعبان عليها فراق بنتها الوحيده ونور كمان عيطت
-بس بقي يا ماما كفايه الله يعني بلاش اتجوز وربنا الغي الجوازه خالص ومتزعليش يا ست الكل
ضحكت مامتها وقالت
-تلغي ايه علشان اسر يجي يهد الدنيا دا بقاله سنه مستنيكي يعني لو كنا اخرنا الجواز كمان شويه كان جه خطفك
-انتي هتقوليلي دا مجنون ويعملها
-ربنا يسعدكوا يا حبيبتي يلا بقي علشان كده هتتأخري وصحابك زمانهم جايين
نور باست مامتها من خدها
-حاضر يا احلي ام في الدنيا
☆☆☆☆☆☆☆☆☆☆
نور راحت البيوتي سنتر هيا وصحابها وجهزت في المعاد وجه اسر ودخل علشان يجيبها وساعه ما شافها وقف مصدوم من جمالها وطلتها وبرائتها اللي بتنط من عينيها
اسر رمي بوكيه الورد اللي في ايديه وجري عليها حضنها وفضل يلف بيها كتير ونور كانت فرحانه جدا قلبها هينط من الفرحه
اسر نزلها ومسك ايديها وباسها وخدها وطلعوا علي القاعه
كان فرحهم جميل والكل كان فرحان بس الفرحه الاكبر كانت من نصيب اسر كانت فرحته باينه عليه جدا طول الفرح مطلعش نور من حضنه كل رقصه كان معاها وقطعوا التورته سوا وطبعا مسك الشوكه علشان ياكلها في بوقها بس بدل ما يحط التورته في بوقها راح جاي شددها عليه وباسها في بوقها ونور اتحرجت جدا جدا قصاد الناس وكده وفي نص الفرح اسر شال نور وطلع بيها من القاعه وراحوا علي بيتهم اسر شالها ودخلها من باب الشقه ونزلها في اوضه النوم
-واخيرا يا نوري بقيتي ملكي وفي حضني ومراتي يعني هبوسك براحتي بقي
-دا علي اساس انك مكنتش بتبوس يا قلب نورك
ضحك أسر وقال
-لا بس بوس النهارده مختلف تعالي وانا اقولك
جريت نور منه وقالتله لا متقوليش حاجه اطلع بره
-اطلع فين انا مش طالع في حته انسي ومتجرنيش وراكي كتير
-لا اطلع بررره ولسه نور بتجري وطلعت وقفت فوق السرير
فجأه لقيت نفسها واقعه علي السرير واسر فوقها اسر مقدرش يقاوم جمالها باس شفايفها برقه جدا وقالها قومي يلا غيري علشان نصلي سوا وانا هطلع اغير بره
وقام اسر وجه يمشي نور ندهت عليه
-اسر
-عيون أسر
-ممكن تفتحلي سوسته الفستان قبل ما تمشي
-بس كده ومالك بتقوليها وانتي مكسوفه قوي ليه كده بموت في خدودك لما بتقلب فرواله كده وميل علي خدودها وباسها وهو بيبوس في خدودها فتحلها السوسته ونور محستش غير وايده ماشيه علي ظهرها
-نور انا هطلع احسن انا خلاص كده مبقتش قادر
سابها وطلع ونور فضلت تضحك عليه غيرت ولبست سيدال وطلعت وصلوا سوا وبعد الصلاه
- اجيبلك تاكلي يا عمري
-لا مش عايزه مش جعانه
اممم وانا بقول كده بردوا يلا بينا
وراح قايم شايلها علي كتفه ودخل الاوضه ودخل معاها دنيا جديده اول مره يدخلوها هما الاتنين سوا دنيا كلها حب وعشق ولهفه قلبين كانوا بيتمنوا اليوم واخيرا اتجمعوا
تاني يوم الصبح نور نايمه في حضن اسر بعد ليله حب جميله قضوها سوا واسر كان حنين جدا معاها وكان خايف عليها
اسر صحي فضل يتأمل في نور وهيا نايمه ويفتكر تفاصيل ليله امبارح ويبتسم علي رقتها وبرأتها وردود افعالها اسر اتعدل شويه وباس نور من خدودها ونور بدات تصحي
-صباح الحب والجمال يا عمري قومي بقي مش كفايه نوم
-سبيني انام كمان شويه يا ماما
-قلب ماما قومي يلا
نور فتحت عينيها لقيت نفسها متكتفه في حضن اسر وعمال يضحك عليها نور فضلت تضرب فيها وتقوله
-وسع كده انت بتضحك عليا
اسر كتف ايديها ورفعهم فوق راسها ونزل علي شفايفها وباسها بوسه كلها حب هو خلاص ادمن شفايفها مبقاش قادر يبعد عنهم واخيرا بعد عنها شويه
-صباح الرقه والجمال والعسل اللي بينقط من شفايفك
نور استخبت في حضنه
-صباح النور يا حبيبي
-يااااه لو تعرفي بحبك قد ايه يا نوري
-وانا كمان بحبك قوي
طب قومي بقي علشان انا عملك مفاجأه حلوة قوي
-بجد مفاجأه ايه قول قول بسرعه
-لا مش هقول هاتي بوسه الاول
-يا ربي منك يا أسر خد بوسه اهيه وباسته في خده
-مصلحجيه بس بموت فيكي
-قول بقي قول بليييز بليييز يا عمو الظابط
ضحك اسر
-طب تعالي يا قلب عمو الظابط لما اقولك بصي يا قلبي انتي هتقومي دلوقتي تجهزي نفسك علشان نلحق ميعاد الطياره
-طياره ايه اوعي تقول ان انا مسافرين
-بالظبط كده مسافرين ايطاليا ما هو مش ينفع مطلعش مع القمر ده علي شهر عسل
-عااااااااااااا انتي احلي اسر في الدنيا كلها هات بوسه بقي بموت فيك وربنا ❤❤❤❤
نور كانت في قمه سعادتها وهيا بتجهز حاجتها علشان مسافره مع اللي اسر قلبها وخلاها تحبه من اول نظره مع عمو الظابط بتاعها هيا وبس من كتر السعاده اللي هيا فيها كانت حاسه ان هيا بتحلم حلم جميل جدا جدا ومش عايزة تصحي منه طول عمرها
جهزت نور حاجتها هيا واسر وطلعوا علي المطار خلصوا ورقهم وركبوا الطياره بس نور كانت متوتره جدا وخايفه لان دي اول مره تركب فيها طياره
-ايه يا حبيبتي مالك اهدي متخفيش مفيش حاجه
-انا مش خايفه انا عادي جدا
اسر حط ايده عليها وقربها منه وخدها في حضنه ومسك ايدها باسها وهمس في ودنها
-وحشتيني جدا مش عارف هستحمل كل ده ازاي لغايه ما نوصل الاوتيل واستفرد بيكي
نور دابت في حضنه ولمسه ايديه ونبره صوته في ودنها واتكسفت وخدودها احمرت من كلامه
-اسكت بقي يا اسر انا مكنتش فاكراك قليل الادب كده 🙈🙈
-هههههههههه بقي كده يا نوري انا قليل الادب هو انا لسه عملت حاجه انتي لسه مشوفتيش قله الادب يا قلبي
-اسر
-وربنا اسر هيموت وياكل الفرواله اللي في خدودك دي دلوقتي حالا
اسر ميل عليها وباسها في خدها ونور نسيت قلقها وخوفها من الطياره وفضلت في حضن اسر لغايه ما وصلوا مطار ايطاليا
بعد ما خلصوا اجرائتهم خرجوا وركبوا تاكسي وراحوا علي الاوتيل نور كانت مبهوره بالمناظر اللي قدامها والاماكن اللي كانت بتشوف صورها معقوله دلوقتي هيا موجوده فيها ومعاها حبيبها
قضت نور واسر اربع ايام في ايطاليا عدوا عليهم زي الحلم كانوا طايرين من علي الارض بالنهار فسح وخروج وباليل اسر ما بيصدق يبقوا لوحدهم ويعيش معاها عشقه بطريقته ويدوبوا هما الاتنين كانهم روح واحده اسر بقي مدمن لتفاصيلها طفولتها جمالها انوثتها وشقاوتها اللي مبتنتهيش
في اليوم الخامس من شهر العسل نور واسر كان بيتمشوا وبيتصوروا سوا وبيهزروا ويجروا ورا بعض واسر كل تركيزه مع نور وبس وهو بيجري مخدش باله فخبط فجاه في واحده كانت ماشيه فاتفاجا بيها ووقف وساعدها واعتزرلها بس البنت كانت رجليها وجعاها جدا ومش قادره تمشي عليها فاسر حاول يساعدها ويسندها علشان يقعدها علي مقعد قريب
نور بصت وراها ملقيتش اسر لمحته من بعيد زي ما يكون واقف مع حد قربت منهم وشافت اسر وهو ساند البنت دي وزي ما يكون في حضنه نور فضلت واقفه مكانها تتفرج عليهم ودمها بيغلي مين دي وليه اسر ماسكها كده اسر شافها ساب البنت وراحلها
-ايه دا سبتها ليه اتفضل روح كمل اللي كنت بتعمله انا راجعه الاوتيل
-استني بس افهمي الموضوع الاول ايه اللي انتي بتقوليه ده
-لا مش عايزه افهم حاجه كفايه اللي انا شوفته
وجريت نور من قدامه واسر جري وراها لكن ملحقهاش كانت ركبت تاكسي ومشيت ولحسن الحظ كانت عارفه اسم الاوتيل ورجعت عليه اسر هو كمان اخد تاكسي ورجع وراها علي الاوتيل بسرعه
نور قاعده في الاوضه عماله تعيط ومنظرهم قدام عينبها مش راضي يروح فجأه لقيت خبط جامد علي الباب وصوت اسر بينده عليها
-نور افتحي الباب دا بقولك احسن ما اكسره
قامت نوروفتحت الباب
-عايز تقول ايه دا انا شوفت كل حاجه بعينيا
-ايه اللي انتي شوفتيه بعنيكي ده اديني فرصه اشرحلك الموقف
-لا مش عايزه اسمع منك حاجه واتفضل اخرج بره انا عايزه ارجع مصر حالا
اسر اضايق اكتر ان هيا مش مدياله فرصه حتي يوضحلها ومدايق اكتر علي زعلها ودموعها اللي جنننوه مش مستحمل يشوفها كده قدامه
نور دارت ضهرها لاسر ولسه كانت هتمشي اسر شدها جامد ووقفها قدامه
-لا هتسمعي اللي هقوله الاول اولا دي واحده انا خبطتها وانا بجري وراكي و رجلها ما كنتش قادره تمشي عليها مش هسيبها واقعه في نص الشارع وامشي
ثانيا بقي لما اكلمك تقفي وتسمعيني الاول قبل ما تاخدي اي موقف لازم يكون عندك ثقه فيا اكتر من كده
ثالثا بقي اول واخر مره يا نور تمشي وتركبي تاكسي لوحدك انتي فاهمه ولا مش فاهمه
اسر كان بيتكلم بعصبيه جدا وبعدين سابها وخرج
نور بعد ما اسر سابها وخرج فضلت تراجع في نفسها وفي اللي هيا عملته وازاي هيا اتسرعت وما ادلتوش اي فرصه يتكلم حتي وسابته ومشيت بس هيا كمان عقلها وقف لما شافت البنت دي قريبن منه كده ما استحملتش حد يقرب منه او يلمسه لان هو من حقها هيا وبس
فضلت نور تفكر كتير وهيا قاعده مستنيه اسر في البلكونه لغايه ما نامت وهيا قاعده
رجع اسر من بره كانت الساعه عدت 12 دخل الاوضه بص علي السرير ملقاش نور بص حواليه لقي باب البلكونه مفتوح دخل البلكونه لقيها نايمه ودموعها علي خدها شالها نور بتلقائيه وهيا نايمه لفت ايديها حوالين رقبته حطها علي السرير ونور مفكتش ايديها من رقبته ودخلت في حضنه اكتر اسر مقدرش يقاوم اتعدل ونام جنبها وخدها في حصنه وراح في النوم
نور صحيت من النوم تاني يوم لقيت نفسها نايمه في الاوضه ومفيش حد معاها مع انها وهيا نايمه كانت حاسه ان اسر جنبها بس صحيت تدور عليه ملقتوش
قامت نور اخدت شور وغيرت هدومها لقيت الروم سيرفس بيخبط علي الاوضه فتحت لقيت اسر باعتلها فطار ولقيت تليفونها بيرن
-اسر انت فين
-افطري كويس وخلصي اكلك ومتخرجيش من الاوضه لوحدك وانا شويه كده وهاجي
-اسر انت لسه زعلان مني
-وهزعل ليه علي العموم انا شويه وهاجي
اسر كان زعلان من نور علي قله ثقتها فيه وهو عارف ان هيا بتحبه وبتغير عليه بس عايز يعلمها تثق فيه اكتر من كده علشان كده قرر يقضي اليوم بره بعيد عنها علشان يعاقبها شويه وهو لو فضل معاها في نفس المكان مش هيقدر يقاوم وهيصالحها علطول
اسر فضل طول النهار بره ونور قاعده في الاوضه بتفكر في اسر وازاي هتصلح الموقف ده واسر وحشها جدا الوقت بيعدي عليها بصعوبه جدا وهو مش جنبها فقررت ان هيا اول ما يجي هتصالحه علطول
نور قررت تفاجيء اسر وتغير بيجامات وكاشات ميكي اللي بتلبسها وتلبس القميص الاسود اللي كان طلب منها قبل كده ان هيا تلبسه وهيا اتكسفت ومرضيتيش بس هيا قررت تتخلي شويه عن كسوفها
اسر دخل الاوضه ونور كانت لابسه قميص نوم اسود مثير جدا وكانت حاطه ميكب خفيف وبرفان هادي جدا كانت قاعده علي السرير وبتلعب في الموبايل بتاعها
اسر شافها كده وقف مكانه مش مستوعب اللي هو شايفه في لحظه كل غضبه وزعله منها اختفي وحل محله اللهفه والشوق والحب اسر مش مصدق عيونه من كميه الجمال والانوثه اللي موجوده قدامه ماكنش متخيل ان حبيبته بالجمال دا كله
نور شافته وشافت منظره اتبسطت من تأثيرها عليه بسهوله جدا وبدون اي مجهود.منها قربت منه وحضنته وباسته في خده بدلع وهمست في ودانه
-انا زعلانه منك علي فكره كده تسيبني كل ده قاعده لوحدي
-ها علشان انا غبي
ضحكت نور علي الحاله اللي هو فيها واسر مقدرش يستحمل شدها عليها ومنع ضحكتها بشفايفه واخد شفايفها في قبله عميقه وقويه جدا بيعوض بيها حرمانه منها يوم بحاله وبيعاقبها علي جمالها اللي طير عقله
بعد مده نور زقته براحه وبعدت شويه وكانت بتاخد نفسها بصعوبه
-انا مش عارف انتي عملتي فيا ايه جننتيني يا نور قلبي معاكي كلمه بحبك دي ولا حاجه في اللي انا بحسه معاكي بس ايه دا هو ميكي راح فين
-ايه دا انت مبتحبش ميكي
-لا طبعا مبحبوش انا بحب نوري وهيا لابساه بعشق نوري في اي حاجه تلبسها بعشقها في كل حالاتها بموت في تفاصيلها وبعدين احنا هنقضي الليله كلام ولا ايه انتي عليكي عقوبه ولازم تنفذيها
-عقوبه ايه.دي بقي
-عقوبه زعلي منك وعقوبه انك وحشتيني طول النهار وانا هتجنن عليكي وعقوبه جمالك الزياده وعقوبه القميص الاسود ده اللي يهبل عليكي وعامل فيا عمايل من ساعه ما شوفته
-ايه دا وانا مالي بقي انا مبحبش اتعاقب
-تعالي بس دا انا هخليكي تحبي العقوبه
وشالها اسر وراحوا علي السرير وخدها في عالم تاني عالم خاص بيهم هما بس لوحدهم ☆☆☆☆
#بقلمي_إيمان_العطار
