تجلس نور في غرفه صغيرتها تلاعبها وتهتم بها فهي ملجأها الوحيد الذي ينسيها همومها ومشاكلها وخصوصا في الفتره الاخيره فمنذ شهر تقريبا وهيا لم تري اسر لم تلمحه لم تملي عينها من ملامحه التي تعشقها لم ترتوي من حبه وحنانه افتقدته كثيرا جدااا عادت بذاكراتها ابي الوراء متذكره اخر خلاف بينهم ادي الي ترك اسر المنزل
فلاش
اسر بغضب . ممكن افهم ايه لزمته الي انتي عملتيه النهارده ده عاجبك الفضايح دي يعني
نور . وانا هعمل ايه يعني واحده كلمتني قالتي جوزك بيخونك وبعتتلي صورك محستش بنفسي غير وانا قدامك وبضربها وبجيبها من شعرها
اسر . طب اساليني وافهمي الاول بدل ما تضربي الست وتعمليلي مشاكل في شغلي
نور . وانا كنت اعرف منين ان الست دي بتشتغل معاكوا
اسر بعصبيه . ما انتي لو كنتي سألتيني كنتي عرفتي لكن لا اسهل حاجه عندك تتهمي اسر بالخيانه وتضربي الست وتفضحي الدنيا في مكان عام انا مش عارف هتبطلي امتي جنانك ده
نور . بقي كده يا اسر انا مجنونه طب طلقني
انصدم اسر من طلب نور فهو كان يريد معاتبتها علي ما فعلته وما سببته من مشاكل مع عميله تعمل لديهم في الجهاز بسبب غيرتها المجنونه لم يرد اسر عليها ظل صامتا
استوعبت نور ما تفوهت به وحاولت التبرير ولكن اسر لم يمهلها الفرصه فتركها وغادر
مر شهر عليهم لم تره لم يحاول الاتصال بها لم تلمحه حتي اشتاقت له كثيرا جدااا تود الذهاب له والاعتذار منه ولكنها مدركه كميه الاخطاء التي فعلتها فكيف ستواجهه وماذا ستقول له وكيف ستعتذر عما بدر منها في حق حبيبها كيف طاوعها قلبها في نطق تلك الكلمه فاسر حبيبها وحياتها ولم تتخيل حياتها من دونه فحياتها جحيم لم يهون عليها سوي تللك الصغيره الجميله التي تعتبر قطعه من اسر بكل تفاصيلها فهي الوحيده القادره علي اخراج نور من وحدتها وحزنها
انتشلها من بحر احزانها وتفكيرها صوت جرس الباب فذهبت وفتحت الباب
-نوررر اذيك محدش بيشوفك ليه بقي
-تعالي يا شهد اذيك يا حبيبتي
-لا انا مش جايه فين روكه حبيبه عمتو
-امم يعني انتي جايه علشانها زي كل يوم
- ايوه انا هدخل اجيبها من جوة
دخلت شهد وحملت الصغيره وهمت لتغادر بها ولكن استوقفتها جمله نور
-هو اسر تحت
تلعثمت شهد في الرد فقالت نور بحزن
- انا عارفه انك كل يوم بتاخديها ليه علشان يشوفها وعارفه كمان ان روحه فيها وميقدرش يستغني عنها
-وروحه فيكي انتي كمان
- كان زمان يا شهد لكن دلوقتي لا دا بقاله شهر مفكرش حتي يسال عليا
-ومين قالك انه مبيسالش عليكي دا مش بيبطل سؤال عنك انا معرفش المشكله الي بينكوا ايه بس انا حساه مجروح قوي وفي نفس الوقت هيموت عليكوا لو تشوفي لهفته وهو بيسالني عليكي
اشرق وجه نور تلقائيا بعد سماع حديث شهد عن اسر
اكملت شهد قائله
- بصي انا هنزله روكا علشان ميمومتنيش وهرجعلك نتكلم ونشوف هنرجعه ازاي
- اوك مستنياكي
ذهبت شهد وتركت نور وائها متخبطه تفكر كيف تستعيد زوجها الذي اشتاقت له كثيرا
رجعت شهد مره اخري الي نور وتحدثا كثيرا واخبرتها كم هي حاله اسر سيئه من دونهم وانها يجب ان تصلح ذلك الوضع في اقرب فرصه واستمروا في التخطيط لذلك
