والله احبك يشهد الله علي لما اشوفك ابتسم صدقني مو بيدي

4

الـــــــــبـــارت الـــرابـــع
*************************************
عايشه:اسيل أسيل أصحي بسك نوم
أسيل(تحضن المخده)خليييييييني ليه مصحيتني
عايشه:وليه ما أصحيك الساعه صارت 10
أسيل:أف أف أفففففففف ليه كذا عيوش عاد مازن كان توه بيلبسني الشبكة
عايشه:هههههههه طيب قومي لا تسمعك أمك
أسيل:طيب( ترجع تحضن المخده وتغمض) خليني أنام 10دقايق يلبسني الشبكة وأقوم
عايشه:منتي صاحيه هههههههه ( تتلفت حولها وأبتسمت وأهي تطالع لكوب ماي وتكته على أسيل) قوووووووومي
أسيل(تشهق) أهئئئئئئئئئئئئئ يا الخايسه عوييييييش أوريك
عايشه(تنحاش من الغرفه للمطبخ ) يمه يييييييمه
الأم:علامك
عايشه(تتخبى ورى أمها) شوفي أسيل
أسيل(غرقانه ماي)عويش يالخايسه
الأم(تطالع لأسيل وعايشه)غرقتيها ماي حشى بزارين مو حريم متى تكبرن
عايشه:عيت تصحى يمه شسوي
الأم:روحي بدلي ملابسك وبسك نوم
أسيل:ماأبي أبي حقي بالأول
الأم:أسيلوووه روحي بدلي وياويلك إذا سويتي شئ
أسيل(تضرب برجلها بالأرض بعصبيه)ظلم ظلم لييييييييييييه كذا
الأم(بعصبيه)ظلم يله ذلفي يارقدانه(نايمه)
نجود(تدخل بسرعه) يمه يمه خالي وصل ومعه عائلته الكريمه
أسيل(تتأفف)أفففففففف أيش جابهم
الأم:عييييييييب يله طلعي غيري ملابسك
وسميه(تدخل)السلام عليكم
الكل:وعليكم السلام
وسميه:شلونك ياأم عايشه
أسيل: ينقال لها أم عبدالله
وسميه(تتصنع البسمه)أيه نسيت أم عبدالله
عبدالله أرضعته زهره مع أسيل ماعندها أولاد الكل يناديها أم عبدالله وأهو بار فيها وأكثر من أمه وسميه اللي مو معطيته أي أحساس بأنها أمه عكس دلوعتها عابد والحنان اللي فقده عند أمه وسميه حصله عندأمه زهره
ترفه:السلام عليكم(حبت راس عمتها)
الكل:وعليكم السلام
أسيل(تبتسم)ترووووووووووفه
ترفه(تفتح أيديها)أسوووووووووله
أسيل تضم ترفه ويحبن بعض أهن بنات خال وعمه بس مكانة كل وحد بقلب الثانية فوق كل شئ
نجود:الحمد لله والشكر
عايشه:ياااربي على هالحب ذا كله لترفه
أسيل(تمسك يد ترفه)تعالي عندي لك سالفه
ترف:يله معاكي
نجود:أنا بروح عند نجد
عايشه:نجوووووود والغدا من يساعدني
وسميه(تبي تفتك) يووووووه ماسملت على عمي
عايشه:مالت عليك تحججي بشئ ينصدق جدي أول واحد سلمتي عليه تحسب بطلب مساعدتها
الأم(بحزم)عيب مهما يكون وسميه أم رجلك لازم تحترمينها
عايشه(ترفع أديها تدعي) ياجعلي للموت قبل أخذه حسبي الله عليك ياخال لو أبوي عايش كان مارضى باللي تسويه فينا
الأم(تضم بنتها بحنان) يمه لا لا تدعين خليها على الله
عايشه:سامحيني يالغاليه ضايقتك
نجد(تدخل ركض وأهي معصبه) يمه يمه
الأم:بسم الله عليك يمه فيك شئ
نجد(بعصبيه)خالي قال لجدي أن عايشه وعابد عرسهم بعد شهر
الأم وعايشه(بصدمه) شنووووووووووووو
الأم:أنتي متأكده
نجد:أيه والله يمه
عايشه(بصدمه) شهر شهر يمه حنى أتفقنا بعد 4شهور (لفت لنجد) عابد هنا
نجد:أيه موجود لا وراز عمره وشاقه حلقه هالأبتسامه
عايشه(بعصبيه) ززززززين أنا رايحه له
الأم:عايشه عايشه تعالي يمه أهدي
نجد(ركضت لأسيل )أسييييييييييييييل أسيييييييييل
أسيل(طلعت بسرعه على صراخ نجد)خير شفيك
نجد:لحقي عايشه
ترفه(طلعت)أكيد عرفت عن العرس
أسيل(تلتفت لها وتعقد حواجبها)أي عرس
ترفه:أبوي حدد العرس بعد شهر
أسيل:شنوووووو
نجد:وعايشه معصبه
أسيل(تلف لفتها) أنا أتصرف
نزلت والأصوت عاليه برى البيت والكل معصب
عايشه(بصوت عالي وبعصبيه)عااااااااااابد
وسميه:قصري حسك
عايشه(تلف لها)رجاء أنا أتكلم مع عابد مو معك
الأم:عايشه أهدي يمه
عايشه:أعوذ بالله عابد أتفقنا العرس بعد 4شهور
عابد:أبوي وأمي يقولون كذا أحسن
أسيل:ولييييييه وأنت ماعندك شخصيه تقرر وتشوف شنو الأحسن
الخال(بعصبيه)أسيلوووووه أنطمي
أسيل:شنووو يا خال أيش تغير
وسميه:الولد كبر ولازم يعرس
أم أسيل:ما فيه فرق بين شهر و4شهور ننتظر
الخال(بحزم)لا بعد شهر
عبدالله(بعصبيه)عااااابد تكلم
عايشه:ليه كذا يا عابد يااارب أموت وأفتك من كل هذا يا رب
نجد:لا تدعين على نفسك عساهم اللي يضايقونك
أم أسيل(بحزن)تعالي يمه خلينا ندخل الله يعين
نجود:الله على الظالم
الخال(بعصبيه)تدعين علي
أسيل:ليه أنت الظالم حشى لله
أسيل:أسمع يا خال أمي وخواتي داخل هذا أنا وأنت ومرتك وجدي وهذا ولدك عابد وعبدالله أخوي بتكلم وأشهدوا على كلامي له
الخال(بإستهزاء)خير يا بنت عبدالوهاب
أسيل:قلتها بنت أبوي عبدالوهاب أنت عارف من أبوي ومن عمامي والله بدقه يكونون هنا
الخال(بتعجب)تعرفين فين هو وأنه ما مات
أسيل:إيه عرفت صدفه قبل شهر
الجد:شفتيه
أسيل:لاء بس قريب
وسميه:يهب كيف عرفتي
أسيل(تأشر على خالها)من هذا
الخال:مني كييييييييييييييف
أسيل:لما تبي تسرق أسرق على حجمك
وسميه:ووووجع تقولين لخالك يسرق
الخال(عصب ووقف يبي يضربها) يا حيوانه
الجد(بعصبيه) حدك يا خلف
الخال:ما تسمع شنو تقول ما تحترمني
أسيل:أهدى يا خال أهدى
عبدالله:أسيل يعني أبوك مو ميت
أسيل:لاء عاااااااااايش
الجد(يطالع ولده)لييييييه قلتو لنا أنه مات بحادث لييييييه
الخال(يبرر)لأن اللي سواه وسووووه في أختي قوي شلووووون ترجع له ما نرضى على كرامتنا
أسيل:كذب أنت وخالي متعب رفضتو رجوعه لنا أكيد بس بعرف كيف ما اصر يأخذنا منكم
أم أسيل(بحزن) أنا بقولك
أسيل(تلف متفاجئه)عارفه أن أبوي حي
أم أسيل:إيه عارفه بس أنتي كيف عرفتي
أسيل:أنا أشتغل بمستشفى عمي محسن مع ترفه وفي يوم جانا رجال لفت نظري حسيت براحه لوجه ولما شفت ورقه التحليل لسكري عرفت أنه أبوي واستفسرت من الممرضات وأكدا ليه أنه عبدالوهاب محسن الــ.....
الجد:زهره أنتي عارفه ولا قلتي ليه وأنا أبوك
أم أسيل(تدمع عيونها) يبه سامحني متعب وخلف هددوني أني إذا فكرت أرجع له راح يزوجوني غيره وبناتي أبوهن يأخذهن مني سكت مو رغبه مني غصب عني أبيه وأبي بناتي
الخال(يبرر)إحنا سوينا كذا عشان التهمه اللي أتهموك فيها
أم أسيل(بعصبيه)لا يا أخوي دام أنكشف كل شئ و عبدالوهاب عرف الحقيقه أني شريفه و عفيفه وأن أخته ومرته السبب وكان بيكلم أبوي
أسيل(بدموع على خدها)بيرجعك يمه
أم أسيل:إيه يمه بس طمع خوالك رفضوا وقالوا أن ولد خالتي سطام تزوجني وأنتقلت معه ومع بناتي للدمام ولأنه طيب وحنون ما حب يحرمني من بناتي وياخذهن وطلبوا منه يصرف على البنات وكان يدخل مبلغ ضخم بحساب خلف كل شهر ولكن أخواني وطمعهم كانوا يتقاسمون المبلغ بيناتهم
الخال(مصدوم من اللي يسمع) كيف عرفتي
أم أسيل: ياخوي ربك اللي كشفكم على حقيقتكم سمعتك من 10أيام تكلم متعب بالشرقيه تقوله بكره عبدالوهاب بيدخل المبلغ بحسابي تبي أسحبهن لك أو أحولهن لحسابك
وسميه(تلف لخلف) دوم أنت كذا تخرب كل شئ
عبدالله(انصدم من اللي سمع معقوله امه وابوه) حتى أنتي يمه مشتركه معهم
الجد:ماشاء الله طابخينها سواااااااا
وسميه(بأرتباك) لا لا لاااااااا ما أعرف
الجد(عصب ورفع عصاه) قم قم أطلع من مزرعتي قممممم وخذ معك ذي السوسه وذا اللي بلا شخصيه يله
الخال: يبه أسمع
الجد(زادت عصبيته) أأأأأأطلعووووووو
الخال(بعصبيه وقف) قومي نادي بناتك
أسيل(تصيح وحطت وجها بين أديها) الله لا يسامحكم الله لا يسامحكم
وسميه( رجعت لهم ومعها أمل) يله خلنا نمشي
الخال: وترفه
وسميه: تبي تجلس خلها تولي
الجد(بعصبيه) عساكم تولون أنتو ييييييييييله
عبدالله: جدي هد الله يخليك لنا
أم أسيل: يايبه خلاص مضى 18سنه
الجد: 18سنه يغشون ويخدعون عبدالوهاب 18سنه والنفقة اللي ملككم
أم أسيل: أنا وبناتي مانبيها مو محتاجين لها
الجد: حرام يابنتي أول مانعرف بس ألحين لا هذا نصب
عبدالله: جدي صادق هذا نصب لازم يعرف ويوقف التحويل
أم أسيل: يبه كيف نوصل له
أسيل(بعد صمت) أناعندي رقم بس رقم الدكتوره روابي
أم أسيل: روابي من تقصدين لا تكون بنت أمينه
أسيل: أيه بنت عمتي أمينه
عبدالله: أنتي تشتغلين في مستشفى عمك محسن كيف ماأكتشفك أنك بنت أخوه أقصد الكارنيه(بطاقة العمل)
أسيل:دوم أخبيها خفت إذا عرفونا ياخذونا
الجد:مو لهذي الدرجه وأنا جدك
أسيل:جدي خفت بعد يعتقدون ان نبي فلوس
عبدالله:أسيل حججك مو مقنعه
أسيل:مو عارفه ليه أتجنبهم
أسيل(في نفسها)خايفه بدايه أرتباطي فأهل أبوي نهايه لأرتبطي بمازن دوم البنت عندنا مظلومه ياولد عمها ياولد خالها إذا جاء مازن و قرر يخطب ويرتبط ذيك الحزه أرجع كل شئ ماباقي شئ على رجوعه أنتظر
أم أسيل:أسيل أسيل علامك سرحانه
أسيل:هاه هلا
الجد:دقي وأنا أبوك عليه قولي له حرام يقط فلوسه كذا على متعب وخلف
أسيل:أروح أجيب جوالي بس ما كنه الوقت حزت غدا
الجد:ليه الناس يصلون قبل الغدا والصلاة توها
أم أسيل:إذا ما تقدرين أنا أكلمه
أسيل:لا أقدر خلاص بروح أجيبه بس ما نقوله أحنا وين زين
الجد:ليه ما تبين تشوفينه
أسيل:خلاااااااص جدي بعدين أكلمه
أم أسيل:لا يمه ماراح نقول أحنا وين
أسيل(تبتسم) زين ثواني بس
************************************************** ********
الشباب يلعبون بلاستيشن
أحمد:حده حده
فراس:أحمد أكسر عليه الطريق لا يسبقك
حمد:ياأبو عبدالوهاب لا يسبقونا
فهد:أنا أنحولت أي سياره لي
الكل:ههههههههههههههههههههههههههههههههههههههههههههه ههههههه
حمد:الزرقا الزرقا الحمد لله والشكر ليه أخذتك بفريقي
جراح:قلتلك ألعب بداله تستاهل
روابي(جت تركض لهم أخذ نفس) حـ..حـ..حـ..حـمد
حمد(يوقف)روابي أيش فيك
روابي(تأشر على الجوال) خالي عبدالوهاب وين
حمد:في بيت الشعر علامك على الجوال
فهد:علامك روابي من اللي داق
روابي(تأشر لهم)بعدين بعدين
راحت روابي لبيت الشعر
فراس:علامها هذي
أحمد:تاشر على جوالها الظاهر مكالمه مهمه
فهد:خلونا نروح لهم
الشباب:بسرعه
روابي(تعطي الجوال لخالها)خالي كلم
عبدالوهاب:من
محسن:روابي من اللي متصل
روابي(تبتسم)كلم خالي وتعرف
عبدالوهاب: ألو
أسيل(بتردد) ألو
عبدالوهاب: روابي هذا صوت بنت
فهد: روابي تخلين أبوي يغازل
حمد(يدعي العصبيه) ليييييييييه روابي لييييييه كان عطيتيها أخوك حمد يكلمها
فراس:لازم الشياب لازم شنو فيهم الشباب كاهم حلوين لييييييه تخربين أبوي
أحمد: صادق علامهم الشباب
روابي(عصبت وبصوت عالي) بببببببببببببببببس( سكتت الشباب وأخذت الجوال من خالها) ألووو
أسيل: هلا روابي
روابي(تطالع خالها وتبتسم) معاك خالي عبدالوهاب خذ خالي
عبدالوهاب: روابي علامك مو صاحيه
روابي:خالي خذ يله خذ
عبدالوهاب(بعصبيه) نشوف اخرتها..... ألوووووووو
أسيل(بلعت ريقها صوته معصب) يبه
عبدالوهاب(تفاجئ) يبه
الكل( بصدمه) يــــــــبـــــــــه
أسيل(تحاول تتغلب على دموعها) أأأأأأأنا أسيل بنتك بنت زهره
عبدالوهاب:..............
محسن(يقرب من أخوه بخوف باين مصدوم) بسم الله عليك عبدالوهاب عبدالوهاب علامك
فهد( عصب ولف لروابي) رواااااابي أيش سويتي بأبوي ومن ذي
روابي( بخوف) م........م...... ما سويت شئ
عبدالوهاب(بعيون دامعه) أسييييييييييييييييييييييييل
*****************

أنــتـــهـــى الــبـــارت
*مكالمة أسيل لوالدها ماذا ستترتب عليها
*هل سيكتشف حمد أن أسيل الفارسة هي أسيل بنت عمه
*هل سيتم زواج عابد وعايشه ولا ستختلف الخطط بظهور الوالد لحياتهم
*شنو سالفة حمد وفراس مع زواج المسيار وهل سينكشف سرهم وتتحول لزواج شرعي
*علاقة أسيل بمازن هل ستستمر أم تنتهي