والله احبك يشهد الله علي لما اشوفك ابتسم صدقني مو بيدي

5

فراس: أسيل من أسيل
أحمد :عمي يبكي
حمد(بعدتفكير): أسيل من ذي لا تكون اللي أمس
خالد(بأستهزاء): يعني تظن قالت لعمي عنك وأهو بكى من الصدمه
الكل:هههههههههههههههههههههههههههه
حمد(عصب) : جــــــــب زين
محسن وسعد(بفرح) أحلف أسيل بنتك
فهد: أسيل أختي
أحمد: ياااااااااه 18سنه
فراس: أييييييييييش خلونا نسمع
عبدالوهاب: أسيل ياقلبي وينك
أسيل: موجوده يالغالي
عبدالوهاب: بشوفكم أنتي وخواتك وأمــ....(سكت)
أسيل : يبه أحنا بخير وأمي بخير للحين تذكرك
عبدالوهاب: أهي للحين زعلانه مني
أسيل: لا يبه أهي عرفت الحقيقه
سعد(يأشر له) يفك السبيكر
عبدالوهاب(يفك السبيكر):يبه عمامك وأهلك عندي
أسيل:شخباركم عمي سعد ومحسن
سعد:بخير وأنتي وخواتك
أسيل:بخير
محسن:نبي نشوفك أنتي و خواتك
أسيل:أنا أشوفك كل يوم
محسن(متفاجئ) شــلــون
أسيل:بقلبي يا عم يبه بقولك شئ
عبدالوهاب:شنو يبه
أسيل:سكر السبيكر أنا أسفه بكلم أبوي بشئ خاص
عبدالوهاب(يسكر السبيكر) هلا يبه
أسيل: يبه وقف الفلوس اللي تدزها لخالي
عبدالوهاب:الــفــلـــوس
سعد (يأشر له أي فلوس)
عبدالوهاب(يأشر له لحظه) لـيـه يبه
العيال يتسألون أي فلوس شنو السالفه
محسن(بحزم) يا عيال سكتوا ولا صوت
محسن (مد يده وأخذ التلفون وفك السبيكر)
اسيل(ما أعرفت شنو تقول) أنا..أنا..أقصد
عبدالوهاب:ليه يبه الفلوس اللي أدزها لكن ما تكفي
أسيل:يبه والله والله ماكنا نعرف أنك تدز مصرف شهري لنا عن طريق خوالي إلا من فتره قصيره
عبدالوهاب:مافهمت أيش تقصدين
أسيل:أقصد أنا ماأخذنا ولا فلس من الفلوس اللي تدزها لخالي ما عطوناااااااااااااا ولا ذكروهن يتقاسمون بينهم
عبدالوهاب: من متى
أسيل:هههههه من 18سنه
سعد(متفاجئ ) معقوله
أسيل:يبه كنت فاتح السبيكر ليه أنا قلت لك بينا
محسن: ماحنى غرب أنا عمك
أسيل: مو قصدي عمي يبه اقطع الفلوس أرجوك
سعد: طيب ليه ماتجين تاخذينهن
أسيل: لأنا مو بالرياض بالدمام
عبدالوهاب: الدمام
أسيل: أيه لازم أسكر
عبدالوهاب(يسكر السبيكر) أسيل
أسيل: ياعيون أسيل
عبدالوهاب:يبه انتن وين لا تقولين الدمام الخط بالرياض صح
أسيل: ههههههههههههه وأنا أقول طالعه على منو ذكيه
عبدالوهاب:ههههههههههههههههه
الكل تعجب يضحك والفضول يذبحهم
أسيل: يبه أنا شفتك مره ياحلوك يبه
عبدالوهاب: ووووووووين
فهد: شنووو
عبدالوهاب: تقول شافتني
أسيل: ههههههه يسألونك
عبدالوهاب: هههههههه أيه
أسيل: مقدر أحدد لك المكان صعب يبه شفت عمي محسن بعد
عبدالوهاب( يطالع لمحسن) وشفتي محسن وعرفتيه
محسن(متفاجئ ) شافتني
أسيل: يوووووووه يايبه عصبي عمي محسن
عبدالوهاب: هههههههههههه صحيح أهو كذا
محسن( رفع حاجبه) كذا شنو
عبدالوهاب: تقول انك عصبي
الكل: هههههههههههههههههههههههههههههههههههههههههههههههه
سعد: يعني ما شافتني أنا بعد
أسيل: بلغ عمي سعد قريب راح أشوفه
عبدالوهاب: وليه ما تخليني أشوفكن
أسيل: في هذا الوقت صعب ورانا سفر بعد كم يوم صدقني يبه أول مانرجع نكلمك وأقابلك
عبدالوهاب: والله
أسيل: والله بس سفرتنا مطوله شوي يله مع السلامه
عبدالوهاب: مع السلامه وسلمي على الكل
روابي( أخذت جوالها) فرحان خالي
عبدالوهاب فرحان كثييييييير أخيرا لقيتهن
روابي خبرت الكل عن سالفة بنات خالها عبدالوهاب البعض فرح والبعض كتم غيضه وفيه شخص ماشارك بالأحداث منعزل بنفسه
على المراجيح لوحدها
: ليه الحلو جالس لوحده
بشاير( بعصبيه )أيش دخلك
:إذا أنا مادخلني أجل من دخله ياحبي
بشاير( تلف بعصبيه) أنت ما تفــ........ ههههههههههه أحمد ياشينك أذا غيرت صوتك وأنا أقول من من عيال عمامي الجريئ
أحمد: علامك بشوره
بشاير:متضايقه شوي
أحمد: أحنا بهذا المكان الحلو وتقولين متضايقه
بشاير( بحزن)مو المكان الناس اللي بالمكان
أحمد(يدزها بعد ماجلست على المرجوحه) طيب من من الناس اللي هنا ضايقوك
بشاير: أحمد خلاص لا تزيد قوتها
أحمد: ههههههههه مو خابرك خوافه
بشاير: واااااااااااااي أحمد بسسسسسسسسسس أحمد
أحمد: تمسكي عدل لا تطيحين هههههههههههه
بشاير:هههههههه أحمد والله أقول لأبوي ووووووووووووقف
من خلف النخيل كان فراس يراقب بشاير وأحمد
فراس: ياحلوك وياحلو ضحكتك وين كنتي متخبيه عن عيوني كيف رفضتك ورفضت هالجمال صدق غبي يوم صدقت أمي وتركتك
أحمد(يوقف المرجيحه) هاااه خلاص راحت الضيقه
بشاير: قطعت نسمي كيف ماتروح ههههههه
أحمد: أنا كم بشاير عندي أقطع نسمها حاضرين للطيبين
بشاير(يدق جوالها) لحظه حموووود..... ألو هلا ترفه
ترفه: ياعمر ترفه بشوره كيفك
بشاير: بخير وأنتي
ترفه: تمام
بشاير: أنتي بالرياض
ترفه: أجل بكون بالصين أيه بالرياض
بشاير:خخخخخخخ بايخه ودي أرد البيت ماأحب المزرعه مافيها خصوصيه
ترفه: طيب أنا بعد بالمزرعه عند جدي
بشاير: والله من معك
ترفه: مع عبدالله وعمتي وبناتها أيش رايك تجين وتوسعين صدرك عندنا
بشاير: والله قكره لحظه......(تلف لأحمد) أحمد صديقتي هتا ممكن توديني ساعه بس ساعه أجلس معهن ما موجود غير أخوها
أحمد: مافيه مانع بس بعد صلاة العصر
بشاير(تبتسم) ألووووو ترفه خلاص بعد صلاة العصر
ترفه: نستناكم باي
بشاير: باي
أحمد(يحط أيدينه على كتفها) ماعاش من يضايقك روحي لخواتك
بشاير: أن شاء الله
فراس: صادق ياأحمد ماعاش من ضايقك وفراس موجود أشوفك على خير ياقلبي
فــــــــــــي الــــــمــــجــلـــس....
أحمد: السلام عليكم
الشباب: وعليكم السلام
فهد: وين رحت أنت قلت بتروح الحمام(وأنتو بكرامه) تأخرت
أحمد(يجلس) ياأخي شفت بشاير ورحت أسولف معها جالسه بروحها
خالد: فيها شئ
أحمد: لاأبدا متضايقه شوي عادي بس كلمت صاحبتها وأتفقت معها العصر تروح لها
فراس : السلام عليكم
الشباب: وعليكم السلام
حمد: وأنت بعد وين رحت ضعت
فراس( يبتسم) قريب أقول من يلعب بلاستيشن سباق سيارات رباعي
حمد:أنا ألعب بس فهد مو بفريقي هذا شرطي
الكل:ههههههههههههههههههههههههههههههههه
فهد(يطلع جواله) مالت عليكم ماأبي ألعب....... ألو هلا وغلا بالغاليه أقول تعالي أنا أنتظرك بره بنتمشى يله باي
حمد: خساره لو ماأبي ألعب كان رحت معك
فهد: وليه قاط وجهك
حمد: عادي أختي وولد عمي
فهد( يوقف) وووووووول بس الحمد لله أنها أختك بالرضاعه بس
حمد:وووووووووووول أنت رح لها لا تجيها ضربت شمس
فهد: بسم الله عليها
فراس: أخلصووووووو أنا وسلمان فريق وحمد أحمد فريق
حمد: وخالد
فراس: هذا مايحب اللعب عطه كتاب عن كيفية معالجة الأمعاء الدقيقة والغليظة أيه يحب
الكل:ههههههههههههههههههههههههه
خالد: تتطنز يافريس والله أنا أثقف نفسي بالطب أنت تثقف نفسك بكيفية المغازله الحديثه
فراس: ياعم أنا دكتور مغازله بفخر
خالد: ووووول عليك
حمد( ببرائه) ترى أنا ماخربني غير فراس
أحمد: عاد أنت بروفسور مغازله مو دكتور
فراس: ووووووول كاشفينك
حمد : أقول نلعب أحسن
**************
روابي: وين بتروحين
بشاير: عند ترفه وبنات عمتها
روابي: من أنا أعرفها أنا أعرف كل صاحباتك
بشاير : لا ترفه ممرضه معنا بالمستشفى ماصار لها 5شهور تعينت مع بنت عمتها كانت الأولى على الدفعه
روابي: شاطره مرررررره ليه مادخلت طب دامها كذا
بشاير: أهي ميولها طب بس خالها رفض
روابي: وليه خالها وليه وين أبوها أو أخوها أو أمها
بشاير: يتيمه الأب عايشه مع أمها وخواتها عند خالها وأخوها لا يحل ولا ير بط الأملا بيد الخال
روابي: ألا هي شسمها
بشاير: أسيل
روابي( متفاجئه) لا تكون بنت عمي عبدالوهاب
بشاير:ههههههههه لاأنا مثلك ضنيت بنت عمي بس عمي ماعنده ولد وأمها ينقال لها أم عبدالله
روابي: تصدقين لوهله قلت خلاص حصلناهم الله يلم الشمل على بعض عمي وبناته
بشاير: تروحين معي
روابي: لا أيش يوديني
بشاير: أسيل فارسه تموووووووت بالخيل عندها فرس الوضحه
روابي: بنت فارسه شوقتيني
بشاير" منتي فارسه بعد ماشاء الله عليك
روابي: شكرا أخجلتي تواضعي
بشاير: تجين معي
روابي: بقول لأمي أذا وافقت أروح
*************
أسيل(تتصفح المجله) من قلت راح يجي
ترفه: صاحبتي بشاير
أسيل: ماأعرفها
ترفه: أول مره تجينا شفتيها
أسيل: أنا وين
ترفه: بالمستشفى عندنا
أسيل(ترفع نظرها لها) أهي مريضه عندنا
ترفه: لا أهي بنت الدكتور محسن صاحب المستشفى
أسيل( تشهق) إهئئئئئئئئئئئئئئئئئئئئئئئئئئئئئئئئئ
ترفه(بخوف)علاااااااااااااااامك
أسيل(تمسكها وتهزها بعصبيه) مجنوووووووووووونه ليييييييه سويتي كذا
ترفه( خلاص بتموت من الخوف) و...و...و...والله بس عزمتها
أسيل(هدتها وحطت أديها على راسها) ياربي أيش أسوي أيش أقول لها
ترفه: مخترعه من زيارة بنت الدكتور لنا تراها حبوبه وطيبه ومتواضعه
أسيل: أييييييه و لأنها بنت عمي محسنياهبله محسن محسن ال.........
ترفه: أسفه وربي ما تنبهت أسفه
أسيل(تاخذ نفس وتحاول تهدى) من بيجي معها
ترفه: أخوها أحمد أظن
أسيل( تمسك يدها وتوقف) تعالي لازم يعرفون
نجود(دخلت) السلام عليـ....
أسيل(قاطعتها ومسكت يدها ) تعالي انتي بعد
نزلت للخيمه تحت
نجد: ههههههههههههه الظاهر معاقبتكن
أسيل( بعصبيه) جب انتي
الجد: علامك معصبه
أسيل : قعدن أسمعن ياخواتي بنات عبدالوهاب بقول لكن حقيقه ماتعرفنها
الأم( بخوف) أسيل أجليها مو ألحين
أسيل: يمه في ناس مهمين بيجون العصر ولازم نستعد
عبدالله : هههههههه منو خطاطيب لك
أسيل: خخخخخخ بايخ أسكت ولا أدوس على رجلك ألحين
الجد: من اللي راح يجي العصر ولهذي الدرجه خايفه
أسيل: بشاير وأحمد عيال عمي محسن
البنات أنصدمن عمهن محسن مضى 18سنه ماشافوا عمامهم ولا عيالهم حتى أخوانهم ياما قال الخال انهم ما يبون أي صله فيهم يكرهونهم
الأم: كيف عرفو مكانا
ترفه: أسفه بشاير صاحبتي من عمر وماعمري دققت على الأسم ودقت وعزمتها
الأم(تبتسم) لا يمه عادي وعسى أن تكرهو شئ وهو خير لكم
نجود: بعد18سنه نشوفهم الله يرحمك يابوي
أسيل: أبوي حي ما مات
البنات( بصدمه) حـــــــــــــــــــــــي
عايشه: أبوي حي مو ميت مثل ما الكل قال كيييييف
نجد: حي أأأأأأأأأأبوي وليه خبيتو عنا
أسيل: مافيه وقت أخبركن بعدين بس ألأحين مدري شلون أتصرف أذا سولفنا أخاف نطري أبوي
ترفه( وكأنها تذكرت شئ) لحظه مره سألتني عنك ولما قلت أسمك أسيل عبدالوهاب قالت بنت عمي سألتني شنو ينقال لعمتي( يعني أم من) قلت بحكم أنا متعودين نقول لها أم عبدالله قلت ينقال لها أم عبدالله
قالت عمي ماعنده أولاد من خاله زهره بس بنات
أسيل( بفرح) متأكده
ترفه : أيه
نجد: تعرف أسمائنا
ترفه: لاء دوم أذكر أسيل وعبدالله لها
عايشه( تطقها بشويش على كتفها) طايحات من عينك
ترفه: ههههههه لا والله غاليات بس لأن عبدالله وأسيل دوم سوالف ودقات وطلعات
الجد: أسمعن وأنا جدكن ربك ياأسيل يحلها شفتي
أسيل: الحمد لله بس لو ذكرنا أسمائنا يصير فضول لما يسولفون لأهلهن
عبدالله( بستهزأ) غيرنها هههههههه
أسيل( نطت وحبت راسه) مشكور على الفكره
عبدالله: أمزح والله
أسيل: أنا ما أقدر أغير أنتن
نجد( تبتسم) عندنا بنت أموت فيها وأسمها روان بسمي نفسي روان
نجود(تضم نجد) دامي توأمتك بسمي نفسي رزان
عبدالله: مثل رزان المغربي
نجود: ووووووووع ماأحبها
عايشه: علامها تهبل خصوصا ببرنامج ألبوم كانت راقيه وحـ
أسيل( تضربها على كتفها بشويش ) الأخت هيييييييييه نسيتي الموضوع خلينا من رزان ولا نوال خلصينا أختاري الأسم
عايشه( تطالع أمها) يمه تسلفيني أسمك ساعه وحده
الأم : هههههههههههه طيب بس رديه سليم بدون عاهات ولا تدفعين غرامه
الكل :هههههههههههههههههههههههههه
*****************
كانت جالسه تحت المظله في الحديقه الخلفيه وعابسه الوجه
حمد(شافها سرحانه وحب يخوفها مشى بشويش) بووووووووووووووووه
روابي: يييييييييييمه خرعتني
حمد: هههههههههههههههههههه
روابي:.......................
حمد( لاحظ انها متضايقه) علامك روبي زعلانه
روابي: وووووووووووووع كم مره قلت لك لا تقولي روبي ما أحب هالأسم
حمد: ههههههههههه طيب أيش فيك
روابي: طلبت أمي بروح مع بشاير ورفضت
حمد: أنا عارف أنها صاحبت بشاير أنت أيش دخلك
روابي(تلف له) أنا أبي بنت عمتها
حمد: تعرفينها صاحبتك
روابي: لاء بس سمعت عنها وجاني فضول أشوفها
حمد( بفضول) أيش سمعتي عنها
روابي(تطالعه بنص عين فاهمه حركات حمد) أيش دخلك أنا كل صاحبه أعرفها وشافتك وقلت لها ( تقلد صوته) أحم أحم أنا حمد بن فهد تعطيك رقمها ما أدري مصدقات تبي تتزوجهن أحس أني مذنبه
وذنب هالبنات اللي تكلمهن وقلت توووووووووووووبه أتعرف على بنات والسبب سوالفك
حمد: ههههههههههههههههههههه هالكثررر حاقده على هههههههههههههههه
روابي( تكتف أيديها وتبوز) أيييييييييييه تركت كل صاحباتي والسبب أنهن يكلمنك وتربيتي ماتسمح لي أعرفهن
حمد( يوقف) خلاص أنا بالأول كنت بقنع أمي أمينه تخليك تروحين
روابي: أحلف راح تقول لها
حمد( ببلاهه مصطنعه) بالأول بالأول ألحين لاء هونت دامك ماتبين تقولين عنها
روابي: خلاص حلاص بقولك عنها بس عشان أشوفها وربي يسامحني أسمها أسيل
حمد( متفاجئ) أسيل بنت عمي
روابي: ههههههههههه لا أسيل غير لأن أخوها أسمه عبدالله وعمي ماعنده أولاد شباب من خاله زهره
حمد( رد جلس شده الموضوع) أخوها عبدالله أيه كملي
روابي: بشاير تقول أنها فارسه بالخيل وعندها فرس أسمها الوضحه
حمد(يبتسم وفي نفسه) أهاااااااا وأخيراااااا وااااااااااااااااااااااو ( يلف لروابي) خلاص راح تروحين بس لازم أروح محرم لك
روابي( بعصبيه) حميييييييييييييييييييييييد عارفتك وعارفه سوالفك
حمد( يبتسم ويغمز لها) مالي دخل مافيه روحه إلا رجلي على رجلك
روابي(كتفت أيديها) كيييييييييييييييفك الله يستر على البنت منك
حمد( يوقف) بروح أقول لأمي أمينه وأحمد باي ياحلوووو
روابي: باي
****************
في بيت الخال.........
عابد: يبه أيش نسوي ألحين
الأب: لا تحاتي عرسك مثل ما خططنا بعد شهر
الأم( من غير نقس) وأبــــــــــــــوك
الأب: مالكم دخل العرس بسيط والسكن عندنا وغصب عنهن راح يقبلن لأن مالهن مكان ثاني غير هالبيت
عابد: والمهر يبه
الأب( بعصبيه) مهي محتاجه مهر معاشها يكفيها تجهز نفسها فيه
الأم: نستفيد منه حنى أولا فيه
عابد: لا تنسى تقول لعمي متعب عشان يرتب أموره ويجي من الشرقيه هنا
الأب : خلاص أخبره بعد شهر العرس
الأم(تلف لبنتها) أنتي ما خلصتي من هالتلفون
أمل: ثواني يمه صاحبتي نوف تسولف لي عن عرس أخوها
الأم( توقف) زين أذا خلصتي شيلي التلفون بغرفتي بحط الغدا لكم
أمل( بهمس) هلا... نواف
نواف: ههههههههه حسبي الله على أبليسك سويتيني بنت
أمل: معليش سامحني
نواف: تمونين أموله متى أشوفك
أمل : حبيبي ماحنى شايفين بعض من يومين
نواف: أوووووووووه ذيك تسمينها شوفه أبي أجلس معك بعيد عن الكل
أمل: بروحنا صعب حبيبي
نواف: لييييييييه ماأنت زوجة المستقبل لازم ناخذ ونعطي مع بعض
أمل(بفرح) زوجتك
نواف( بخيث) زوجتي وحبيبتي وأم عيالي بعد أمل أنا كلمت أبوي وأمي ووافقو أخطبك بس أبوي مسافر لباريس ولما يرجع راح أتقدم لأهلك ولازم أخطط معك لمستقبلنا
أمل: بشوف ظروفي وأشوفك يله باي
نواف: باي ياقلبي
****************
نعود للمزارع.........
نزل أحمد وحمد وروابي وبشاير ودخلن البيت والشباب دخلو بيت الشعر وسلموا على الجد وعبدالله وجلسو...
عبدالله: حياكم الله
حمد: الله يحييك هاه عبدالله شلون رجلك
أحمد: تعرفه حمد
حمد: هذا اللي قلت لك عنه أمس بغيت أدعسه
عبدالله جت سليمه
أحمد(كتم الضحكه في نفسه.. وأناأشوف أصرارك على الروحه منت هين) كيفك ياعم
الجد: بخير وسهاله حيالله الشباب
حمد وأحمد: الله يحييك
الأم ( جابت الصينيه القهوه والشاي) حيالله من جانا
حمد وأحمد: الله يحييك ياخاله
الأم : أسمحولي بروح للبنات
عبدالله: تفضلي يمه
عبدالله( يصب قهوه ويقدمها) هذي الساعه المباركه اللي شرفتونا
الجد: أقدعوا ياعيال ترى البلح من مزرعتي
حمد( ياخذ حبه) ماشاء الله تزرع ياجد
الجد: ما يبيلها شئ ياولدي
أحمد( يلف لحمد) حمد ليه ماتزرع في المزرعه وتذوقنا مثل هالزين
حمد: ما أعرف تعلمني ياجد
الجد: أبشررررر ياولدي
حمد: تسلم ياجد خلاص أجيك الأسبوع الجاي أتقفنا
الجد: هههههههههه خلاص أتقفنا
عبدالله: فنجانك ياحمد
حمد: تسلم
الجد: إلا أنتو من عياله أنا أعرف الناس اللي هنا بس أول مره أشوفكم
أحمد: أنا أبوي ينقال له محسن محسن ال.... دكتور بالرياض
عبدالله: وأنت دكتور بعد
أحمد: لاأنا عسكري وهذا ولد عمي حمد بن فهد رجل أعمال
عبدالله: ماشاء الله أسمحلي ماعرفتك بالأول ألحين ذكرتك
حمد: ذكرتني ليه انت شايفني قبل هذي المره
عبدالله: بالبنك بنك........ لما مره جيت تودع مبلغ أنا موظف فيه
الجد: ماشاء الله ( مد الفنجان لعبدالله) عبدالله قهونا
عبدالله: تبشر
نـــــذهــــب للــبـــنــات<<<< ما أحب الفصحى
ترفه: ماقلتي لي أن الدكتوره روابي يتجي معك
روابي: أي دكتوره محنا بالمستشفى روابي وبس
بشاير(تطالع أسيل) بصراحه روابي جايه معي عشان أسيل
أسيل( متفاجئه) عشاني
ترفه: أهااااااااه يعني مو عشاني
روابي: ههههههههههه وعشانك بس أنا أنجذبت نحو أسيل عشان الفروسيه اللي أظن تجمعنا
أسيل: أنتي تحبين الخيل
روابي: مرررررررره وأنا عندي البرنسيسه فرسي هدية أخوي وأنتي سمعت أنها الوضحه
أسيل: أيه جدي أهداها لي وأجي تقريبا كل أسبوع هنا
الأم: يمه حابه تشوفينها أشوفك متحمسه
روابي: ياليت ياخاله
عايشه: أسيل أيش رايك بسباق
أسيل: والله فكره هاه روابي أيش رايك برأي أختي زهره<<<< لاعبه الدور ^_^
روابي: موافقه بس مو لابسه بوت
أسيل: رزان روحي جيبي لها أنت مقاسك 39<<<<<< قلت لكم لا عبه الدور ^_^
روابي: أوكيه أنا 38 بس39 عادي ينفع
طلعن البنات من البيت بعد ماتلثمن وأهن يمشن بحركه لا أراديه لفت أسيل لبيت الشعر وجت عينها بعينه اللي عرفها كيف ينسى هالعيون وبكل جرئه أبتسم وغمز لها ^_*
أسيل( في نفسها) ووووووووووووووووجع وقح وقح ومغررررررررررررررررررر
الجد: هذلن وين رايحات
عبدالله: مدري بس الظاهر صوب الحظيره
حمد: أنتو كم خيل عندكم
الجد: 4 ثنتين لي ووحده لعبدالله ووحده لأسيل
أحمد: حمد من عشاق الخيل والفروسيه عنده5 خيول أصيله ونفسه بالسادس
حمد: أيه والله أنا شفت الوضحه وأعجبتني وأتمنى عندي مثلها بأي مبلغ
الجد: ههههههههههه صعب أسيل تموت بالوضحه ولا تستغني عنها هي عشقها وحبها بعد أمها
وتعالت أصوات صياح وتشجيع
الجد: عبدالله شف شنو هالصراخ
عبدالله ( يوقف) حاضر......... ( رجع بعد ثواني) هههههههههههه جدي ذي أسيل تتسابق مع وحده من البنات
حمد: أكيد روابي أختي هي تحب الفروسيه كثثثثثثير
الجد( يوقف) تعالو نشوفهن
الشباب: يله
أسيل وروابي يتلثمن بلفاتهن............
عايشه( ترفع الرايه) 1................2.................3...........أنط لقووووووووووو
نجد( تصفق) أسيييييييييييييييييييييل هوب هوب أسيييييييييييييييل
بشاير: روااااااااااااابي روابييييييييي سبقيها بسررررررررررررعه
نجود: عاااااااااااااشت أخت عبدالله يللللللللللللللللله
ترفه: يلللللللللللله بنااااااااااااات ( تصفر) واااااااااااو
الكل مستمتع بالسباق!!!!!!! وفجأه
الجد: عبدالله ماتلاحظ شئ
عبدالله( بقلق) والله كأن الجارح فيه شئ
الجد: والله كأنه عبدالله عبدالله وووووووووووقفه وقفه لا يصير شئ أسرع
أحمد: علامه
الجد( بصوت عالي ) أسيييييييييييييييييييييل يا أسيييييييييييييييل
عبدالله يركض رغم ألم رجله بس الجارح شكله مو طبيعي وأحمد وحمد يركضون معه وقرب من حلبة السباق وأشر لأسيل على الجارح كل خوفه يحصل مكروه للبنت
عبدالله( بصوت عالي) الجااااااااااااااارح الجااااااااارح وقفييييييييييييييييييييييييييييييييه
أسيل( تحاول توقف) رواااااااابي روابي وقفي
روابي(تعتقد أن أسيل تخدعها) لا ء لاااااااااااا
أسيل( عصبت) وقفي الجارح مو بخير وقـــــــــــــــــــــــــــفــــــــــــــــي
روابي: لااااااااااااااااااااااااااااااااا
حمد( صرخ) رواااااااااااااااابي

أنتهى البارت الخامس
* لقاء أسيل وحمد للمره الثانيه؟؟؟؟؟؟؟ ماذا سيحدث!!!!
* خطت أسيل بتستمر بنجاح أم ستكشف الحقيقه
* ماذا حدث اروابي هل أسيل قدرت توقفه أم فات الأوان