والله احبك يشهد الله علي لما اشوفك ابتسم صدقني مو بيدي

29

################################################# ###

الـــــــــــــــــــــــــــــــــــبــــــــــــ ــــــــــــــــ 29 ـــــــــــــــــــــــــــــــــــارت

################################################## ###

في اليوم الثاني ..........

صحت أسيل على صوت الباب يتسكر عرفت ان حمد صحى طالعة ساعتها كانت 1 الظهر بسرعه أخذت دش وصلت وسرحت شعرها سوت مكياج خفيف مو ثقيل ولبست دراعه تركواز مشكوكه بخيوط فضيه طلعت ما حصلت حمد بالجناح نزلت وأهي نازله سمعت أم حمد تسأله عنها
حمد : نايمه تعرفين يمه العرائس بروح أصحيها
أسيل (دخلت تتصنع الحيا) : السلام عليكم
الكل : وعليكم السلام
حمد تعجب من نزولها ظن أنها ماراح تنزل بعد الكلام اللي سمعته منه البارح إلا غصب
الأم : تعالي يمه صباحيه مباركه
أسيل(تحب راسها وتجلس جنبها) : الله يبارك فيك يمه
الأم : حلوه من فمك يمه
أسيل : منتي بحسبة أمي
مناير : مبرووووووووك يا مرة أخوي
أسيل : الله يبارك فيك الفال لك يا رب
حمد(في خاطره) : لامو صاحيه هذي علامها مصدقه عمرها عروس ضنيت أنها تعتكف بغرفتها اليوم شنو ما تحس
الأم : يمه حمد حمد
حمد : هاه هلا يمه
الأم : اللي مآخذ عقلك (تطالع لأسيل) تتهن
أسيل نزلت رأسها تتصنع الحياء و ابتسمت
حمد مو قادر على حركاتها استفزازيه قام وطلع للمكتب وصفق الباب دليل غضبه
أسيل (في خاطرها) : توك عساك بالحال وأردى هييييييييييييين ههههههههههههه عارفتك ما تقاوم حركات النسوان مو غلط يوم سميتك مزواجي ههههههههههههه
مناير : أسوله شنو رايك بالبيت
أسيل : ماشاء الله يهبل
الأم : أول مره تدخلينه صح
أسيل : أيه
سيرينا(الخادمه) : مدام غدا خلاص
الام : يله حياك على الغدا
أسيل (حبت تتصنع الأهتمام) : يمه وحمد
مناير : ياهوووووووووه مقدر من أول يوم أهتمام
الأم : ذكري الله الله يوفقهم
مناير : أمين

كان طول الوقت يأكل وأهو ساكت ميت غيض منها كيف ما كسر شوكتها كيف و أهي قدامه باين عليها يا جبل ما يهزك ريح تضحك و تسولف و تتدلع والنعومه لااااااااااااااااا
مناير : أسوله على فكره اليوم خالتي زهره بتجي
أسيل(بفرح) : أمي متى
الأم : المغرب موبس أمك كل العائله بيجتمعون هنا يمه حمد وصيت على البوفيه
حمد : أيه يمه سمحولي الله يغنيكم
أسيل (شافته يصعد فلازم تصعد بعده) : سمحولي
الأم : وين ماكلتي
مناير(تغمز لها) : يمه الحبيب صعد خليها
أسيل : منوره خلاص
الأم (تبتسم) : يمه روحي
أسيل صعدت ودخلت بشويش لغرفتها وسكرت الباب ما يمديها تجلس إلا أنفتح الباب بسرعه
أسيل : بسم الله
حمد(بعصبيه) : شايفه جني
أسيل : علامك قاعده أسمي
حمد(يمسك يدها بقوه) : قصري حسك فاهمه ....... وبعدين شنو اللي تسوينه تحت
أسيل (تتألم) : أأأأأي شنو سويت ماسويت شيء والله
حمد : والدلع والمياعه والحيا اللي مولايق
أسيل (قدرت تبعد يده وبعدت عنه) : مو أنت تقول ماتبي أحد يعرف أجل أكشر أعصب ويسألوني شنو فيك
حمد (زادت عصبيته) : مجنونه
طلع وصفق الباب وركضت وقفلته
أسيل : مامجنون غيرك هين والله لأجننك زود وزود (طالعت نفسها بالمرايه) عارفتك ياحمد مو غرور بنفسي بس أنت ضعيف قدام أي أمرأه هههههههههههههه الله يذكرك بالخير يا ألحان كل شيء عنك ياحمد أعرفه منها بالأول كنت غبيه صدمات ورا صدمات تجيني من كل صوب بس لما صحيت للواقع وكلامك أمس صحاني من غفلتي من ناحية نقاط ضعفك ألحين عرفتك خلني أتجهز أفضل ولاحقه عليك
تجهزت أسيل للعشى العائلي لبست فستان أحمر للركبه كان بكم واحد عليه ستراس ذهبي ونعال (وأنتو بكرامه) ذهبي ربط لنص الرجل لففت شعرها من تحت ورفعت غرتها (القصه ) بمشبك أحمر بذهبي تعطرت وطالعت الساعه 6 المغرب طلعت من غرفتها تبي تطلع من باب الجناح
حمد (بنفس اللحظه طلع من الغرفه) : وقفي
أسيل (معطيته ظهرها) : خير
حمد (قرب منها ومن يدها لفها) : لما أكلمك لا تعطيني ظهرك
أسيل(رفعت نظرها له وبهدوء) : حاضر
حمد بلع ريقه يتأمل عيونها بالظلال السموكي وجمال هيأتها
حمد : يله خلينا ننزل
نزلت معه أقصد وراه كاتمه ضحكتها من شكله ونظراته الفاضحته خافت تضحك يعصب والبيت كله ناس وحمد ما يهمه أحد
تنحنح ودخلوا والكل يلولش ويبارك لهم طلع حمد للشباب وأسيل أول ماشافت أمها حضنتها ومسكت نفسها عن الصياح
الجده : شلونك يالعروس
أسيل : بخير جده
الجده : تعالي عندي
شهد : أووووووه الجده الظاهر تبي تعطي أسيل دروس بالزواج
الجده : ووووووجع يم وجه وسيع أنعدم الحيا
الكل : هههههههههههههههههههههههه
شهد : أفاااااااا ياجده يعني بطه صرت
الجده : أيه إلا تعالي وافقت على ولد سلمى ولا بعدك ياويلك لو رديتيه
شهد : والله ما آخذه المعصقل
الجده (بعصاها تاشر لها) : معصقل بعينك أنا ماني عارفه ليه محسن ياخذ رايك بالأساس
شهد : ما أبيه مااااااااااااااا بيه
طلعت شهد ومناير ووجدان وراها << أصحاب عاد
أسيل (تجلس) : ليه جده خليها تفكر توه اليوم خاطب ما يمديها تقرر
الجده : هذا ولد الغاليه سلمى وأهي تطول تاخذه
بشاير : ياجده عارفه أنهم دوم خناق ما يصلحون
الجده : يصكها (يضربها) على فمها تنطم
شهد (سمعتها ورجعت بعصبيه) : لا والله يصكني والله بس يجرب لأكسر يده وأخذ ماراح آخذه
أم أحمد : شهد خلاص مناير وجدان خذنها من هنا
أسيل (في نفسها) : ياحليلك ياشهد محد راد عليك اذا جدتي قررت والله كاسره خاطري
الجده (تطلع من جيبها علبه) : خذي عساه مبروك
أسيل(تاخذ العلبه) : شنو هذي جده
الجده : هدية زواجك فتحيها
أسيل (تفتحها) : واااااااااااو تهبل مشكوره يا أحلى جده
هيام وروابي يتسابقن يشوفنها
روابي (تغمز للجده) : حركات يا جده حلوه الأسواره
الجده : ما عمري قصرت مع وحده فيكن الفال لكن
هيام وروابي (طالعن بعض) : أميييييييييييييييييييييييين
الجده : أخص يالبنات هالزمن ما يستحن
الكل : ههههههههههههههههههههههههه
: السلام عليكم
أسيل (في نفسها) : أفففففففف هذي شنو جابها
دخلت أم طيف وطيف وباركن لأسيل وأسيل تتجنب طيف لأنها عارفه لسانها ينقط سم تشابه لحمد
أسيل : روبا
روابي : حلو روبا خير يا أسيلا
أسيل(تطقها على كتفها) : وجع كني سيلانيه
روابي : ههههههههه طيب يعني روبا شنو بنغلادشيه
أسيل : لا أنتي أحلى من البنغلاديشيه
روابي : طيب يالمصالح خير
أسيل(تلعب بأصابع روابي) : أبي أسألك شنو رايك بأخوي عبدالله
روابي(في نفسها) : ليه يا أسيل تفتحين الجروح أأأأأأأاااه (أبتسمت) من أي ناحيه
أسيل : من كل النواحي
روابي : والنعم فيه كفايه أنه أخوك بس أنا شنو دخلني فيه
أسيل(تغمز لها) : حبيت أسألك قبل يتقدم لك موافقه ولا لا
روابي (ما فهمت ولا فهمت بس ما ستوعبت) : يتقدم لي ليه
أسيل : يتقدم لك ليه يعني بيتزوجك شنو بيضمك لتحفه زواج علامك
روابي (من الصدمه وقفت مو مستوعبه) : ................................
أسيل(خافت ووقفت معها) : علامك روابي .... روابي ردي ..... رورو قلبي شفيك
روابي(تلف لها) : شنو قلتي عيدي
أم روابي : أسيل روابي فيكن شيء
أسيل : هاه لا عمه (تمسك يدها وتقعدها ) قعدي فضحتينا
روابي : أسيل شنو قلتي
أسيل : قلت عبدالله يبيك زوجه وحليله له
روابي : ونوره
أسيل : نوره من
روابي : بنت عمه
أسيل : عبدالله رافض نوره هي حسبة أخته مثل ترفه وأمل
روابي : ...........................
أسيل (شافت الدمعه بعيونها) : رورو علامك
روابي (مسحت الدمعه قبل تنزل وابتسمت) : بسألك أهو أختارني ولا أنتن
أسيل : والله أهو أختارك قال أنه يرتاح لك
روابي : عطيني فرصه أفكر وأصلي الأستخاره
أسيل : تأكدي أن قبولك أو رفضك لا يقلل من غلاتك
روابي : ريحتيني
قطع كلامهن طيف << كالعاده
طيف : إلا يا عروستنا شخبار شهر العسل
أسيل (ابتسمت غصب عنها) : أجلناه حمد مشغول بالشركه
عشان ماتعطيها مجال أكثر أستأذنت وراحت للمطبخ
أسيل : كيفك دادا
حليمه : هلا بالعروس
أسيل : أساعدك
حليمه : لا يابنتي عندي سيرينا وكات وأنتي عروس
أسيل : معليه حابه أشغل نفسي خليني أسوي قهوة المجلس
حليمه : لا يابنتي حمد مايحب حد يسويها غيري
أسيل : دادا تكفين
حليمه : طيب يله
أسيل (بفرح) : شكررررررررررررا
روابي : هاااااااااي أوووووه أسوله تسوي قهوة
أسيل : بعدها ما خلصت أول ما تخلص لك اول فنجان
روابي (تجلس) : أوكيه
بعد ما خلصت القهوة صبت لها ورابي قهوة وصب لدادا تذوقها وجلسن عند الطاوله يسولفن
حمد (جايب الدلال الفاضيه) : السلام عليكم
الكل : وعليكم السلام
حمد : دادا خلصت القهوة
حليمه : أيه ولا المفاجئه لك أن العروس هي اللي صلحتها
حمد طالع لأسيل وبكل برود أخذ القهوه وكتها (كبها) بالمغسله
حمد (لف لهم وعينه بعين أسيل) : أنا ما أحب يسوي القهوه غيرك يادادا
روابي أنصدمت من تصرفه كانت تظن بيفرح وحست بالأحراج من أسيل اللي بان على وجها أبتسامه أقرب للأستهزاء بتصرفه
أسيل أنقهرت حست بالاحراج قدام الدادا والخادمات يسويها بس ماحبت تبين له أبتسمت وأهي تغلي من الداخل
حمد أنقهر من برودها وبسمتها اللي أرتسمت على شفاها اللي حسها أستهزاء له
حمد : دادا جهزوا قهوة بسرعه
حليمه : أن شاء الله ثواني
أسيل(توقف) : سمحولي بروح أصلي العشاء
روابي (بعد ماطلعت أسيل بحزن) : الله يسامحك كسرت بخاطرها وأهي توها عروس
حمد : عشان ماتتلقف شنو تبي تخرب روتين متعود عليه
روابي : حمد هذي عروس كيف تتصرف معها كذا يوووووووه الكلام معك غلط خلني أروح أشوفها أحسن
حليمه : تفضل القهوة
طلع حمد وطلعت روابي لأسيل اللي سمعت جملة حمد الاخير روتين متعود عليه روابي دخلت الغرفه وشافتها تصلي ضنت بتلقاها تبكي منهاره بس فاجأتها أسيل بقوتها ورابي ماتعرف أن أسيل أنكسرت وأنحرجت بس رفضت تنزل دمعه بحضور حمد فضلت لين تختلي بنفسها بعد الصلاه نزلت تكمل السهره مع الكل وأهي لا بسه قناع الفرح والخجل بعد العشاء طلعت أخذت دش ونامت بعد ما بكت وحلفت ترد له الحركه وحمد كمل السهره مع الشباب بالأستراحه