آواخر ديسمبر

المقدمة❤️

قبل ما انزل الرواية في جزئية نبي نوضحها الجزء الاول من الرواية احداته قديمة من 2012
كان لازم ندكره في الرواية لآن حيترتب عليه حاجات تانية بعدين قصة نصيب قصة حقيقة100% وكل الكلام الي كتبته صاير وع السان الشخصيات وقصتها فيها احداث واااجده وهذا كله ما بديت في الاحداث معتصم كان اول حدث اما الباقي كان مع شخصيات جديده وصدقوني في احداث واجده ومش متوقعه

#رواية_آواخر_ديسمبر

المقدمة
قصة حقيقة
نصيب وعت ع صوت تلافونها ايرن
نصيب:-ااوووف تو وقت اتصال اخطوووني
شافت الرقم وطلع رقم غريب
نصيب:-(بصوت متعصب ) هااا
الشاب:-مرحبا كيف الحال
نصيب:- اي حال تفضل ياخوي شن تبي
الشاب:- ممكن تردي بآسلوب لآني نبي نحكي معاك في موضوع يانصيب😏
نصيب خافت :-تفضل شن تبي ومن وين تعرف اسمي
الشاب:-مش مهم تو بعدين تعرفي اني نبي صاحبتك ريم وماعرفت نوصلها الا عن طريقك ياريت لو تكلميها ليا
نصيب بنفاذ صبر :-اوووووف شن دخلني فيك تي امشي شوف حد ثاني 😒
الشاب (بنبره حاده):-تكلميييييها ولاشنوو
نصيب:-به😒
الشاب:- ايه هكي خليك كويسة
نصيب:- بصوت واطي وتقلد في صوته ايه هكي خليك كويسه😒
الشاب:-شنوو
نصيب:-شي شن اسمك😒
الشاب:-معتصم
وسكر الخط
نصيب:-مصح وجها 😒
اتصلت نصيب بصاحبتها ريم
ريم:-اهلين حبي
نصيب:-هلا ريمو كيف حالك
ريم:-تمام وانتي
نصيب:-تمام بنقولك اتصل بيا ولد اسمه معتصم وقالي يبيك
ريم:-نصيب انتي عارفه اني نحب ولد خالي وهو ايحبني
نصيب:-ايه عارفه بس قلت انقولك
ريم:-تمام حبي قوليله ماتبيك وهي مش متع جو العلاقات
نصيب:-تم
سكرت نصيب من ريم وكلمت معتصم
معتصم:-ايوا
نصيب:-قاتلك ماتبيش وهي مش متع الجو هذا واتحب ولد خالها
معتصم(بخيبة امل):-تمام
طبعاً هذي المقدمة من الاتصال هذا حتتغير حياة نصيب 360 درجة يا ترى للآفضل او لا ؟؟؟
اولاً خلي انعرفكم ع الشخصيات
نصيب مواليد 95بنت طيوبة حنطية وعيونها كبار ونقشها ع الاسود شعرها طويل قصيره الحاصل طرف شخصيتها هادية عصبية مزاجية تحب الناس امها (هنية) وباتها(يوسف) عندها 4 خوات مريم الكبيرة (1990) ريهام(2002) منال(2004) وروز (2006)
وعندها 5 خوت الكبير جهاد (91)
رائد(93) نبيل(96) علاء (2010)
محمود(2014)
عندها بنت عم مقربة رانيا م(2000)
مواصفاتها قصيره عيونها كبار نقشها ع الاسود شعرها طويل لتحت ظهرها لسانها طويل 😂بس كيوت عصبية لآبعد الحدود ونفس الوقت بارده تافها تحب تضحك وواخده الحياة ببساطه

تعالوا نحكوا عن معتصم
طبعاً معتصم شخصية غامضة مش طويل ولا قصير متوسط الطول عريض حنطي ملامحه حاده عليه عيون ايهبلو😂 المهم شخصيته قوية وجدي وانسان كان حط شي في راسه ايديره مرح نوعاً ما ، ايحب يختلط في الناس محبوب وكان قال فعل ايحب العناد وعنده ديما هو الصح ولازم كلمته تمشي م(92) يقرا اقتصاد

اصحابه المقربين احمد وسيف
احمد مواصفاته طويييل عريض وعنده عضلات اشقر شخصية صعبه نظام الجدي الي ما يضحك بكل كئيب غامض هو ومعتصم صحبه من لما كانوا صغار ما يتحمل شي في معتصم
طبعاً عنده قصه في الرواية وقصته غريبه وحنعرفوها بعدين

سيف هذا في عالم تاني انسان حياته الضحك والهياجه ديما بمقالبه باااارد واخد كل شي ببراده عكس معتصم واحمد مواصفاته طويل ورقيق اسمر وعنده لحية وعنده غمازات ديما يضحك بيش ايبينهن 😂
رغم برادته الا ان كان فصل ما يشوف قدامه عصبي بكل
طبعاً هما نفس عمر معتصم

انجوا ل وداد صاحبة نصيب المقربه
متوسطة الطول بيضه شعرها قصير نفس عمر نصيب تزوجت وهي صغيره تقرا ثانية ثانوي من صاحب باتها عدبها كان ديما يضرب فيها كانت حياتها جحيم نتيجة الواقع المؤلم الي كانت اتعيش فيه قعدت تلجآ لحاجات غلط لعلاقات وحاجات واجده رغم حياتها الا انها كانت تحب نصيب وكانت ديما تنصح فيها كانت ماتبي نصيب ادير نفس الشي الي ادير فيه هي كانت ماتبيها ادير علاقات ولا تكلم شباب ولو بقصد القرايا كانت ماتبي نصيب تبدا كيفها كانت غريبه بطبعها كل شي حلال عليها بس حرام ع نصيب رغم اطباعها وافعالها المش حلوه الا انها كانت صاحبه كويسه طبعاً عندها دور كبير في الرواية نتيجة النقص الي عندها حتسبب مشاكل وحاجات واجده كلهم حنعرفوهم بعدين

وريم الي الي كان يبيها معتصم
مواصفاتها قصيره مليانه بيضه عيونها ملونات طيبة وع حالها تحب ولد خالها وايحبها

هديم الشخصيات الرئيسية وباقي الشخصيات حتعرفوهم في الرواية
نلقا تفاعل نبدا في تنزيل الحلقات❤️💋