#آواخر_ديسمبر
#قصة_حقيقية
#للكاتبة_Hano
#الحلقة_الثامنة.
فهلْ ترجعُ الدارُ بعدَ البُعد آنسةً
وهلْ تعوُد لناَ آيامُناَ الآولْ💔!
.
.
.
.
.
ناض معتز فجآه
وركب في سيارته وطلع يجري
بعد دقايق القي روحه قدام بيت رانيا
معتز:- ليش ايصير معاي هكي ليييش الدنيا مُصره تكسرني تااني
وفجآه فتح باب السياره وسحب سلاحه ونزل
قعد يرمي فوق
الجيران طلعوا مخلوعين
كمل مخزن كامل وركب في السياره
كان منهااار كانت طريقة رمي الرصاص هي الحاجه الوحيده الي اتهدي فيه
حس ان جرح جديد انفتح عليه💔
ترن ترن
معتز:-(تنهد ورد) ايواا
حنان:- تي وييينك هايت مُصر اتقلقني عليك و
معتز:- (قاطعها) يماا بالله عليك الي فيا مكفيني توا نروح
حنان:- فيك شي اوليدي
معتز:- ما فيا شي
حنان:- معتزز ماتكدب عليا نعرفك ره
معتز:- ما فيا شي (وسكر)
______________________
نبيل:- مستحيله نقدر نستوعب رانيا الي معتبرها اختي اتكون خطيبتي ومرام الي تمنيتها طول عمري ماتكون ليا
اااه شن بندير توا 💔
____________________
ابراهيم:- ههههههه
نصيب:- عليك دكريات حلوه ههههه
ابراهيم:- ومره واني صغير عمري 7 سنين تقريباً ندكر فيها في القايله قلبنا الدنيا اني وخوي وباتي راقد طلعنا الجنان ع اساس مزردين ولعنا النار وتولع في النخله امتعنا ويطلع باتي تي ضربنا ضرب وياريت شعفنا ديما بمشاكلنا هههههه
نصيب:-ههههههههه مشطنكم
ابراهيم:- (وتغير صوته) هذا زمان بس توا كل شي تغير
نصيب:- اي عاد كبرتو بس بظلوا نفس الجو ومقربين لبعض
ابراهيم:-(تنهد تنهيده طويله ) ياريت
نصيب:- ليش مش موجود خوك ؟
ابراهيم:- كل شي تغير يانصيب اي حق شن صار معاك في العمل
نصيب:- (حساته يتهرب من الاجابه ) مزال ما حصلت
وقعدو ايهدرزو
_____________________
ناضت رانيا وكالعاده كانت تتمنى انها اتكون في حلم تعبت من معاملة هلها ليها وتعبت من كل شي
رانيا:- نضت صليت ومشيت ع طول المدرسة
سليمة:-شووفي جت
سعاد:-عندها وجه اتجي بعد الي داراته
رانيا:-صباح الخير
ماحد رد عليها شافن فيها من فوق ل لوطا وفاتن
رانيا:-وقفت مستغربه ومش فاهمه شي
ساره:- هااي حبي
رانيا:- اهلا
ساره:- خيرك قالبه وجهك
رانيا:- ساره اخطيني
ساره:-خيرك العفو
رانيا:- خيرهم ايتغامزو عليا
ساره:- لالا من يقدر يتكلم عليك غير انتي تتخايلي
رانيا:- تي حتى الآبلات معاملتهم تغيرت مش عارفه خيرهم
ساره:-تتوهمي احبيبه
__________________
كان معتز طول الليل ساهر
كان منهار غير ايكابر حب رانيا من قلبه حس انها هي الوحيده الي رممت جروحه وقدرت تحي فيه حاجات ماتت من زمان💔
قرر ان ينسى رانيا وايركز في شغله
كان يحساب رانيا خاناته وكانت من البداية تبي نبيل
قرر ايسكر ع باب الحب وايركز في حياته وشغله
طق طق طق
معتز:- خشش
اكرم:- خيرك قالب وجهك شن صاير معاك
معتز:- مش ناقصك اخطاني
اكرم:-الحق مش فيك بنقولك
معتز:- شن تبي
اكرم:- نبي سيارتك
معتز:-وخيرها سيارتك
اكرم:-ماخيرها شي غير مليت منها
اكرم:- ها شن قلت
معتز:- اقلب وجهك عني خيرلك مزال نتكلم بآدب
اكرم:- تي مبردك الزح وانت ديما متنكد تي افردها فدينا ره 😒
وناض
_____________________
نوال:- وينك حبيبي اليوم استحشتك
جهاد:- قاعد غير كنت مشغول
نوال:- ما استحشتني بيبي 🥺
جهاد:- اكثررر منك حبيبي
نوال:- عارف الفتره الي فاتت قريب متت لآنك بعيد عني ماكنتش متخايله انشوفك مع غيري
جهاد:- الله غالب
نوال:-تحبها
جهاد:- تي شن اتقولي انتي
نوال:- ليش خطبتها كان ماتحبها😏
جهاد:- (تنهد)خطبتها ع سبه ننساك
نوال:- وما قدرت صح 💔
جهاد:- اي ماقدرت💔
نوال:-نحبك😭
جهاد:-نموووت فيك
أنت تقرأ
آواخر ديسمبر
حركة (أكشن)قصة حقيقية تحكي عن بنت عانت في حياتها والقت نفسها قدام تحديات صعبه يا ترى هل حتتغلب عليهم او لا!؟
