آواخر ديسمبر

الحلقة الآولى❤️

#آواخر_ديسمبر❤️
#الحلقة_الآولى
رواية حقيقة
للكاتبة #Hano
مع بداية يوم جديد وعت نصيب وكالعادة نفس الروتين مشت المدرسة وتقابلت مع وداد وقعدت تحكيلها شن صاير فيها
وداد (بشهقة):- اني معاش نقدر نتحمل يا نصيب تعبت والله تعبت كل يوم نصبح ونمسي ع الضرب مافيش احترام مافيش تقدير

نصيب (بحزن):-اهذي حبيبتي
باهي كلمي بوك ماتسكتي

وداد:-هه قلتي انكلم بابا تي هو الي زوجني غصبب عني لصاحبه الي مافي يوم رحمني فيه تي اقسم بالله كرررهته نتقزز منه معاش نحب نشوف شكله نبي نطلق ايخوف يانصيب وانهارت بالبكي

ولما نصيب اتهدي في وداد كانت في عيون تراقب من بعيد
جي نهاية الدوام وروحت نصيب

[في جزئية نبي نوضحها ليكم قصة نصيب بدت من 2012 ع شان هكي دكرت التفاصيل لآن هداك الوقت كانت تقرا 3 ثانوي بعدها كل شي حنعرفوه تدريجياً ]

نصيب (بـ حيرة):- مكالمة من معتصم شن يبي !!
اتصلت بيه
معتصم:-ايوا
نصيب:-اهلا
معتصم:-كيف حالك
نصيب:-تمام
معتصم:-مافيش وانت😒
نصيب:-وانت😒
معتصم:-من ربي تمام
نصيب:-نسآل سؤال ؟
معتصم:-تفضلي
نصيب :-مش كنت تبي ريم ليش متصل بيا
معتصم:- كان اتصالي يزعج فيك قولي😒
نصيب:-مش قصدي هكي سؤال عادي
معتصم:-ايه 😒
وعم الصمت للحظات
معتصم:-شن جو القرايا
نصيب:-القرايا ولا تبي تسآل عن حبيبتك ومش عارف كيف😂
معتصم:-( بعصبية)بطلي استفزاز 😒
نصيب:-كويسه القرايا😂
معتصم:-عاد انتي شهادة شدي روحك
نصيب:-ايه بكلل
واستمرت الهدرزة وكانوا منسجمين مع بعض
كان معتصم مختلف ع الشباب اتحسي نفسك ترتاحيله لما تحكي معاه هكي نصيب حست

نصيب فتحت نت (ايامات النمبز😂)وقعدت 24 ساعه هدرزه ع معتصم

ومرو ايامات ونصيب كانت اتزيد تتعلق بمعتصم وهو كدلك كانوا موهمين بعضهم ع اساس انها صداقة فقط بس الوضع اطور!!!

احمد:- تي خيرك انت مش كنت تبي هديك ليش مكثر ع هذي
سيف:-الحب بيعدبك يااعصومة ماتمشي في هالطريق نخاف عليك😂
معتصم:-انت اسكت وخليك في حالك خيرلك
يا احمد البنت قلبي ارتاحلها بعدين ريم كان اعجاب ولما عرفت انها اتحب فتت الموضوع بس هذي نبيهاااا

احمد:-بالك هي معتبراتك صديق شن حيكون موقفك؟!

معتصم:-هذا الي خايف منه بس نعرف انطيحها بطريقتي😎

سيف:-خف علينا ياااا

معتصم:- 😒😒😒
معتصم:-بكرا بنفاجئها وبنمشي المدرسة ونشوفها
سيف:-ماشي معاك 😎
معتصم:-اقعد سلم ولدي بيمشي معاي احمد
احمد:-تي لالالا تعرفوني مانحبه الجو هذا

معتصم:-ع اساس اني الي نحبه

احمد:-تي البنت هذي اتخلي فيك ادير في حاجات صدق سيف بديت نخاف عليك😂