#آواخر_ديسمبر.
#قصة_حقيقية
#للكاتبة_Hano
#الحلقة_الخامسة
قبل ما نبدا في الحلقة نبي نوضح شي للناس الي خشولي خاص وقالوا انه فيها دراما زايده وان كيف رانيا ضربتها سياره ع طول بعد الي صارلها هي ونبيل الي نبي انقوله ان احداث قصة رانيا كانت متباعده زي لما رمو فيهم هي ونبيل ولما ضربتها سياره كانت بعد فتره مش ع طول ضربتها بعدين بين الفترات ما كان في شي مهم ينذكر كانت رانيا ع نفس الروتين ومعتز كان مسافر ونصيب تجري ورا افادتها ونفس الوقت اني نبي نختصر لآن مزال قصة نصيب ماتمت ورانيا كدلك وفي قصص جديده بيطلعوا لشخصيات تانية ونبي انكمل الرواية بسرعه ع شان هكي انقرب في الآحداث في بعضها والي قالوا خيالية مش داعي تقروها
______________________
آحياناً لابد ان ينفطر قلبك حتى تُزهر روحك💔
طلعت رانيا من المستشفى وحالها بدي آفضل
_______________
عند وداد
(عند هلها)
كانت مقعمزه تشرب في قهوه وتتفرج ع التلفزيون
خش خوها يونس وكان وجها ما يتفسرش
يونس:-(بإرتباك)كيف حالك
وداد:-(بإستغراب)تمام😕
وداد:-زعما ايكون مسعود فاق وقال شي😰
وداد:-خير في شي
يونس:-(بإرتباك)والله مش عارف شن انقولك
وداد:-تكلللللم طيحتلي قلبي
يونس:- (بتردد) مسعود
وداد:- (بخوف)خيره😨
يونس:-عطاك عمره
وداد:-(بفرحة ممزوجه بآلم)ش ش شنو😨
وقعدت تضحك بهستيرية
يونس:-(خاااف ) وداد😨
وسرعان ما انقلبت الهستيرية لآنهيار تام كانت وداد تبكي بشكل رهيب
وداد:-توا مفروض نفرح ولا نبكييي 😭😭😭😭
ضحكت لآنها افتكت من عذاب مسعود
بكت لآن ادكرت روحها بروحها
وادكرت احمد الي بعد عنها وكانت هي السبب
ادكرت نصيب الي هي كانت سبب في تعاستها وبعدها عن معتصم
وفاتت ايامات ومسكت وداد العدة كانت منهاره انسانه تانيه حست بالنقص في حياتها تمنت نصيب تكون معاها تمنت انها من البداية صارحت آحمد
بسس شن فايدة الندم!
_____________
رانيا:-(بصدمة)حقاااا قصدك راجلها مات😨
نصيب:-توا كلمتني عائشه خبرتني
رانيا:-لا حول ولاقوة الا بالله ربي يرحمه
نصيب:-تو نشوف نبيل بعدين يرفعني نعزي
رانيا:-ارفعيني معاك
نصيب:-خلاص انشوف نبيل ونكلمك
وسكرت نصيب من رانيا..
خش جهاد
جهاد:-يمااااا
[جهاد خو نصيب الكبير مواليد 91
مواصفاته مش طويل ولا قصير معتدل الطول حنطي من لون نصيب عنده لحية ]
أنت تقرأ
آواخر ديسمبر
Açãoقصة حقيقية تحكي عن بنت عانت في حياتها والقت نفسها قدام تحديات صعبه يا ترى هل حتتغلب عليهم او لا!؟
