Unicode 🌈
" ငါ အဆင်ပြေပါတယ်.. "
Tae Hanရဲ့ပြန်ဖြေသံက ကြားရတယ်ဆိုရုံလေးတင်။
" မင်း ဘာတစ်ခုမှ မမှတ်မိဘူးလား"
Yao Shengတစ်ယောက် ထပ်မေးမိခြင်းပင်။
Tae Hanလဲ ခေါင်းရမ်းပြလိုက်တော့တယ်။ ဟင့်အင်လေ..သူ အတိတ်မေ့နေတာမဟုတ်ဘူး... လူစားထိုးခံလိုက်ရတာ...။ တစ်ခြားတစ်ယောက်ရဲ့ကိုယ်ထဲ လုံးလုံး ရောက်သွားပြီး ပြန်ရှင်သန်လာခဲ့တာ..။ အဲ့ဒီကိစ္စ နှစ်ရပ်က တခြားစီပါပဲ..။ သူရဲ့ အတိတ်အကြောင်းတွေကို တစ်ခုမှ မေ့မသွားတာ သေချာသလို..သူ့လက်ရှိဘဝဖြစ်တဲ့ Yao Mingအကြောင်းကိုလဲ ဘာမှမသိဘူး ။
" မင်း နောက်တော့ ဖြည်းဖြည်းချင်း မှတ်မိလာမှာပါ..အခုလိုချိန်မှာ ကိုယ့်ကိုယ်ကို အရမ်းတွေ ဖိအားမပေးနဲ့ဦး..မှတ်ဥာဏ်တွေပြန်ရဖို့က အချိန်တစ်ခုတော့ ယူရမှာပဲမလား ။ "
Yao Mingဆီမှာ သူသဘောကျစရာဆိုလို့ မရှိသလောက်နီးနီးဖြစ်ပေမယ့် မမုန်းရက်ပါဘူး။ Yao's Group ရဲ့ ဒုဥက္က ရာထူးနေရာမှာ တည်မြဲနေနိုင်ဖို့ သူ့ကို အကူအညီဖြစ်စေတဲ့ လူတစ်ယောက်က Yao Ming ပါပဲ။ မဟုတ်ရင် သူ့ရာထူးလဲ အလုခံလိုက်ရပြီး ဒုက္ခများရတော့မှာ ။
"ငါ...ငါ ဒီ မတိုင်ခင်တုန်းက ဘယ်လိုလူမျိုးလဲ ?"
Yao Sheng တစ်ယောက် အဖြေကို ချက်ချင်းမဖြေ...အတော်ကြာ တိတ်ဆိတ်နေပြီးမှ နှုတ်ခမ်းနှစ်လွှာတို့ကို လှုပ်ခတ်စေ၏။
" လိမ္မာတဲ့ မိန်းကလေး တစ်ယောက်လိုပဲ"
စားပွဲပေါ်က ဖန်ခွက်ကို လှမ်းယူရင်း အဆင်မပြေဖြစ်နေတဲ့ Tae Hanကြောင့် Yao Sheng ရေတစ်ခွက် ထယူပေးလိုက်တယ်။
"ကျေးဇူး"
Yao Shengလဲ ပြန်ပြီး ခေါင်းငြိမ့်ပြလိုက်တော့တယ်။
သေမလို ရေဆာနေတဲ့ Tae Hanကတော့ အငမ်းမရ မော့ချနေတာ ဟန်တောင်မဆောင်နိုင်ဘူး ။
လိမ္မာတဲ့ မိန်းကလေး ဆိုတာမျိုး မင်းပြောလိုက်တယ်ပေါ့? အသေအချာကြီးကို.. ငါက gay!!!! ငါ့ကို မိန်းကလေးလို့ ဘယ်လိုများ?.....ဒီလူတော့ ပြောရဲဆိုရဲ ရပ်ကွက်က လာတယ်ထင်ရ။
YOU ARE READING
ထာဝရအဆုံးတိုင် မြတ်နိုးမည်■ထာဝရအဆုံးတိုင္ ျမတ္ႏိုးမည္{Myanmar translation}
Romance[Zawgyi code +Unicode code] Original title ~ Love Him Till Eternity (LHTE) Author ~ @hydrazona Status ~ completed Content ~ Chapter 43+Bonus Category ~ bl, m_preg, reincarnation, romance Translator ~ @KhinYoonJi93 Notes ~ I have permission from ori...
