غدوة مارحتش نخدم قالي ميسيو مهدي ماتجيش ارتاحي شوي..
فالليل عيطلي رقم مانعرفوش..
نسرين: ألو انعم شكون معايا؟
مهدي: وش راكي نسرين راكي مليحة؟
نسرين: ااا ميسيو مهدي، راني مليحة الحمد لله
مهدي: الحمد لله..
بقينا نحكيو وهدرتو حلوة عسل..
كي كملنا بديت نرجع فالذاكرة وين شايفاتو تفكرت بلي شفتو في دار سناء نهار عرضتني هذا هو وليد خالتها..
رقدت مبتسمة معارف لاه😂
..
فاتو اليامات وانا وليت قريبة بزاف لميسيو مهدي يعني في إطار صداقة ولينا نتغداو كيف كيف ونرقدو وحنا نحكيو مع بعض..
وانا هذا في راسي كان غير صداقة..
..
واحد النهار عيطلي لعشية قالي فالليل ارواحي للبلاصة الفولانية..
لبست غوب طويلة حمراا مع صندالة حمراا وشعري طلقتو ودرت ميكب خفيف ورحت..
