فطرنا وزدنا سقمنا الدار..
لحقت العشية لبست غوب قرونة جاية تحت الركبة شوي مع صندالة ماغون وشعري درتو كوتشوفال ودرت شوي ميكب وبقيت نستنى..
حتى طبطب الباب راحت ماما فتحت دخلتهم..
وبقاو يحكيو وانا ماشي فرحانة كامل تقول جنازتي..
زدت شوي جاتني ماما قاتلي هيا حابين يشوفوك..
هبطت وجبتلهم القهوة..
لقيتو جا مع يماه ومراا اخرى مانعرفهاش سلمت عليهم وحطيتلهم القهوة ونحاول نتبسم بالسيف..
يماه: اهيه ندخلو فالموضوع ديراكت انا عجبتني الطفلة الله يبارك مام قارية ومتربية، جيناكم بالحسب والنسب طالبين يد بنتكم لوليدنا..
انا جاتني البكية شديتها بالسيف..
الاب: اذا موافقة هي ماعندي حتى مشكل..
نسرين: موافقة..
بداو الزغاريت وانا حا نتخنق..
