(مراد يهدر)
كنت نهدر معاها ونلوم فيها ومش عاطيني قلبي حتى سكتت حسبتها تبكي منبعد تفكرت بلي مريضة من قلبها قتلها تعطيني لادراس..
قالتهالي ركبت فالطوموبيل ورحت نجري عندها
دخلت فيلا كبيرة مالقيتش مامبا وين نروح بقيت نحوس فالشنابر طلعت الفوق لقيت شمبرة فيها الضو رحت نجري عندها..
لقيتها طايحة فالسرير وتلفونها في يدها رحت رفدتها وفرميت التلفون..
ركبتها فالطوموبيل وطرت بيها للسبيطار..
(نسرين تهدر)
فطنت لقيت روحي فالسبيطار ومراد ومهدي يتهاوشو قدامي متت بالخلعة..
مهدي: واش جابك عند مرتي
مراد: مرتك عارفها مريضة ومخليها مرمية في الدار وحدها وجاي تهدر معايا انا..
وعطاه مراد بدبزة..
نسرين: مراااااد
دارو ليا في زوج..
جاني مهدي رافد يدو ويهدد فيا..
مهدي: نتي اخرجي برك..
جاه مراد عطاه بدبزة وبقى غير يضرب فيه
