بقلم قمر الليل .....
الجزء الرابع ......
.............
عمي . لا هاد الناقص ينام كمان امشي .
نور . شو بدكم فيني رح حملكم مصروف تاني بلالكم هالبلا.
مرت عمي . أساسا زوجك رح يصرف عليكي واجرو فوق راسو لأن هيك الشغل .
نور . بصوت واطي . هههه قصدك يصرف عليكم الله لا يشبعكم مصاري .
البست وطلعت معهم . اجى مصطفى .
رح تضلي عند عمك نور ورح ابعت مصروف الك .
مرت عمي . أي الله يرزقك .
عمي . بس بحبحهن شوي .
مصطفى . أي تكرم عينك بس بدي احكي مع نور .
عمي . أي أي بصير نحن سابقينك لا تتاخري ماشي بنتي نور .
مصطفى . زعلانة كتير ما .
نور ........
مصطفى . والله كنت مضطر .
نور . .......
مصطفى . بتعرفي انو حبيتك كتير وروحتك من هون خسارة بس اختي الله يسامحها بعتت ورا عمك منشان ياخدك وقالتلوا عن الطلاق .
نور . .....
مصطفى . طيب احكي شي .
نور . .......
مصطفى . من شان الله لا تضلي ساكتة
نور . سلام .
تركتو ومشيت وكانو دموعي عم يكتو كت .
ارجعت لعند عمي البيت ما تغير مبالي المصاري الي باعوني فيهم يغيروا شوي بالبيت هههه مستحيل يتغيروا ...
........................................
........
تركت القلم وسكرت الدفتر مسكت موبايلي وانا عم ابكي من حرقة قلبي فتحتو دخلت عرقمو طيب عالقليلة هوة يطمني عنا عم يعمل هيك قصدا .
مسحت دموعي وكان الجهاز عم يرن .
نور . الو .
شهد . انا بعتذر كتير كتير كتير .
نور . وإذا قلتلك مرفوض .
شهد . ماما حبيبتي والله من يومين بس اشتريت خط .
نور . أي منيح ما تحكي من موبايلو لك صلك شهر شهر بتعرفي شو يعني بس على كلن بتصيري أم .
شهد . لك يقبرني العصبي .
نور . هههه أي اضحكي علي بكلمتين .
شهد. لك انت أحلى أم بكل هالعالم .
نور . أي حاج مكولكتك هلا . شلون المدرسة عجبتك .
شهد . لك بتعجب الملك هههه .
نور . أي روحي الله يوفقك احكيلي هلا احكيلي هلا من أول ما نزلت من الطيارة لهلا .
شهد . أي مو تكرمي .
حكينا كتير انا وشهد حياتي بكرى عطلة ما في شغل بعد يومين البست ونزلت على بكير سلمت السيارة . اوفف هلا بقا رح نعلق بشغلة المواصلات .
هيا . كانو تاخرتي شوي .
نور . هههه عم تحسبيلي كلن عشر دقائق .
والله من المواصلات.
هيا . أي اطلبي سيارة من الشركة بيعطوك.
نور . لك انا لسا وراقي ما تسجلو بالشركة بس تجي انسة حنان خانم.
هيا . اه والله نسيت على كلن يومين قال وبتجي .
صرنا صحبة انا وهيا كتير بهي الفترة وتقربنا لبعض كتير صارت تحكيلي مشاكلها مع أهلها وكتير عم يضغطو عليها لتتزوج وشهد صارت تحكي معي كل يوم ما بقدر بلا ما اسمع صوتها .
كنت بمكتبي .
هيا . صباح الخير .
نور . صباح النور . كانو متأخرة .
هيا . ههههه لا بس كان في عجقة برا اجت المديرة حنان .
نور .عنجد .
هيا . أي هلا هية بمكتبها .
نور . ايمت يعني اروح لعندها.
هيا . مو انت الي بتروحي عماد بيك بقدم وراقك وهية بتعطي القبول .
نور . والمقابلة .
هيا . ما بعرف حبيبتي على كل انت استني وعماد بيك بخلص كلشي .
نور . أي كتير منيح هيك .
.
عماد . مدام حنان هي وراق البنت الي رح تشتغل وحكيتك عليها وقت كنت مسافرة .
حنان كانت عم تتفرج على وراقها وضربت عينها عالصورة قامت .
عماد . خير شو في مدام حنان .
حنان . لا بس جبلي البنت بسرعة.
عماد . يعني في قبول .
حنان . اي اي طبعا هي وراقها كتير ممتازين . كانت عم تحكي وما عم تشيل عينها عن الصورة .
عماد حس أن بتعرفها من انفعالها .
عماد . أبوعلي .
أبو علي . خير يا بيك قهوة شاي .
عماد . جبلي قهوة ونادي للانسة نور تطلع عند المديرة .
أبوعلي . أي تكرم عيونك أستاذ عماد .
كان قلبها عم يدق مع انو كلهم طمنوها أنها رح تتوظف مية بالمية .
دقت الباب اجى صوت عم يقلا تفضلي .
دخلت كانت وحدة كبيرة بالعمر كتير أكابر وأنيقة قاعدة ورا مكتبها .
حنان ما قدرت تخفي دهشتها وقت شافتها وقفت وقربت لعندها .
حنان . ارتاحي .
نور . يسلمو .
حنان . شو اسمك .
نور . نور .
حنان . مع الكنية .
نور . أي اسمي نور الحازم .
كانت دهشة كبيرة على حنان وتوتر نور .
حنان . فيكي تعتبري حالك من هلا موظفة بهي الشركة والتفاصيل بخبرك عليها الأستاذ عماد .
قامت نور وهية كتير مستغربة ما سألت غير عن اسمها .
هيا . هييي شو صار الك ساعة صافنة .
نور . لا ولا شي بس شو هالمقابلة ما سألت غير اسمي ومكتوب عالملف يعني .
هيا . عنجددد .
نور . لك أي عنجد .
هيا . والله ما بعرف بس المدام حنان بتسال التفاصيل الأصغر من الصغيرة .
نور . هههه أصبح نفدت .
هيا . هههههههه يالا احسن .
بعد يوم توتر كامل ما كان الي مراق عالكتابة رحت نمت راسا .
حنان . مساء الخير .
خالد . مساء النور اهلين ماما .
حنان . شو وينو أبوك واختك .
خالد . أي بابا بالحمام وزينة عالنت .
حنان . هي العادة بتعرف هلا وقت العشاء .
زهير . اهلين حنان ارجعتي كيف الشركة .
حنان . نعيما . أي تمام بكرى دوام عني انا رايحة عند أخي عزيز .
زهير . ليش رايحة لعندو عزميه بكرى عالعشاء .
حنان . مو مشكلة منتفق رايحة نام .
زهير . ما بدك تتعشي .
حنان . لا تعبانة بعدين الآنسة زينب مو فاضية تقعد تتعشى يالا سلام .
زهير . خير شبها امك هي أول مرة ما بتتعشى .
خالد . شو بعرفني انت زوجها ههههه مو انا .
زهير ضربو بوكس خفيف لابنو من باب المزح . ولاك عم تخفف دم مع أبوك .
خالد . طول بالك أبو خالد مو محرزة هالقد .ههه
زينب . خير شبكم شو وينا ماما ما اجت انا جوعانة.
خالد . هههه بكير استني روحي احكي لرفقاتك عن قصة حياتك للمرة المليون .
زينب . يييي ما اغلظك ايمت بنخلص منك وبتسافر.
خالد . شي أسبوع بعدين هيك الواحد بحكي مع أخوه الوحيد بدل ما تقولي هيك اشبعوا مني رح طول ها .
زينب . أي رايح تدرس ما رايح تهج .
خالد . هوة انا ما رح هج إلا من وراكي.
زهير . خلص بقا يا ولاد قوموا ناكل.
زينب . وينا ماما .
زهير . ما رح تتعشى .
.
دخلت عالشركة وصفيت السيارة أخيرا خلصت من شغلة المواصلات .
هيا . اهلين وسلهين.
نور .فيكي روحي .
هيا. امنيح خصصولك رأسا سيارة .
نور . أي والله بعد ما وقعت البارحة العقد رأسا خصصولي سيارة.
أي كيف الشغل هلا في وراق كتير والصندوق مليان شو كل هالقد .
هيا . هههههه هدول وراق عادية بس منشان تاخديهم عالاجتماع بعد الغداء .
نور . اجتماع شو .
هيا . من شوي اجت سكرتيرة أستاذ عماد وحطتهم بصندوقك وقالت بس تجي مري عند الأستاذ عماد منشان الاجتماع .
نور . طيب رح روح هلا
هيا . أي .
...
نور . مرحبا
عماد . آه انسة نور . تفضلي عالمكتب منحكي.
نور . قال طلبتني .
عماد . اقعدي ارتاحي اول .
انت صلك تقريبا شهر وصرتي بتعرفي الشغل اليوم فى اجتماع كتير مهم مو متل البقية رح يجتمع ناس كبار ومدراء من شركات خارج البلد .
نور . طيب تمام انا شو رح يكون دوري .
عماد . نحن رح ندخل على صفقة كبيرة سلسلة فنادق والتصاميم والبناء أمور هالهندسة رح تكوني جزء منا .
نور . انا ... بس أنا ما صلي غير شهر وجمعة بالعقد .
عماد . هون بالشركة مدام اسمك موظفة مافي فرق قديم ولا جديد .
نور . ااممم طيب لكن رح جهز الوراق .
عماد . تمام منلتقي عالساعة2 .
نور . ماشي سلام .
.....
حنان . انسة نجوى بس يجوا الضيوف دخليهم على غرفة الاجتماعات .
نجوى . حاضر .
رن موبايل حنان .الو
عزيز . اهلين بالحلوة انت بالشركة .
حنان . اي .انت وينك جاي .
عزيز . لا ما رح اجي بلا لي هالشوفة.
عقدت حاجتها حنان . لك ليش كم مرة بدي قلك تاعا بس شوفها بتغير رأيك .
عزيز . ومين قلك بدي غير رأيى من بعد قمر ما باخد نسوان الدنيا .
حنان . لك والله كرمال ولادك عالاقل.
عزيز . منشان الله لا تفتحي علي مواجع كنت دافنها بعدين ولادي انا أدرى بمصلحتهم .
حنان . لك لا مواجع ولا شي لك هية نفسها ما..
قاطعها. لك خلص اختي ابوس ايدك لا بقا تفتحي معي الموضوع .
سكر الخط .
لك ما رح نخلص من هالسيرة بقا .
منى . بابا علي عم يبكي .
عزيز . شبو ليش بابا .
منى . الي ساعة عم قلو بدي سرحلك شعرك ما قبل قمت ضربتو.
عزيز . له له لك ليش ضربتي كم قلتلك انو صغير وما بصير تضربيه.
منى . منشان يرد .
عزيز . منى بابا انا مو قلتلك ما تاخدي دور أمك خلص انا ابوكم وامكم لا تعبيني عاساس انت أكبر خواتك.
منى . ...... دارت وجها وراحت عغرفتها
عزيز . أخ شقد بدي اتعب معكم الله
يرحمك يا قمر .
علوووش يا علي حبيبي .له هيك ببكي الرجال .
علي . أي انا نجان(رجال) مآ ببكي .
عزيز . تاعا لعند البابا . لا تزعل من منى هية بتحبك .
علي . لااا مما بتهبني. (بتحبني) .
عزيز . مو عم تسرحلك شعرك بتحبك .
علي . لااا لا .
عزيز . لا بقا تصرخ روح عغرفتك .
اففف يا ربي عايدة عااااايدة .
عايدة . أي يا بيك أمرني .
عزيز . طعمي الولاد أنا طالع .
عايدة . حاضر .
عزيز . زهرة جيبيها من الروضة كمان انا رايح عشركة اختي .
عايدة . بتامر عزيز بيك .
دخلت عالشركة بسرعة نسيت المكالمة الي حكيتها مع اختي .
عزيز . مرحبا اختي جوى .
نجوى . المدام حنان هية بالاجتماع .
عزيز . رح استناها بالمكتب .طلبيلي قهوة .
نجوى . حاضر .
..
الكل ساكت بس هية عم تحكي مدهوشين منا من حركاتها وانتقاءها للكلمات عم تشرح بكل ثقة وركازة اكتر الموجودين اعجبوا فيا عماد ما كان عم يقدر يشيل عينو عنا ما عم يقدر ما يطلع عليها رغم لبسها المحتشم إلا أنها كانت متل النور وسط عتمة الغرفة .
الكل صفق الها .
مرجان . الله الله عليك يا مهندسة نور بعتقد المشروع رح يكون من إشراف حضرتك .
حنان . ابتسامة . أي انا كمان برشحك تكوني انت المشرفة .
نور . شكرا كتير بتمنى أكون عند حسن ظنكم .
طلعوا من القاعة .
عماد . انسة نور . انا بعرف انك موهوبة كتير بس اليوم تعديتي الموهبة .
نور . هي مجاملة ولا في شي تاني وراها .
عماد . مو بس موهوبة وذكية هلا هي حقيقة بس في شي تاني حابب نحكي عنو برا الشركة .
نور . انا كتير بعتذر ما بقدر قابل حدا غير لشغل اذا موضوع مهم احكي عنو هلا عماد بيك .
عماد . بالشركة كتير عم تعقديها ما باخرك عشر دقائق .
نور . طيب منتاقبل بعد الدوام سلام .
..
دخلت حنان عالمكتب . انت هون قالتلي نجوى عم تستناني من نص ساعة خير أخي شوفي .ليه ما دخلت عالاجتماع .
عزيز . تعبان كتير كتير منى خايف كتير عليها عم حسسها اني أمها وأبوها لك شو بدا هالبنت رح تجنني شو اعملها .
حنان . طول بالك لا تعصب هيك .
عزيز . اليوم ضاربة اخوها لك لسا ماصار عمرو 3سنين .
حنان . قلتلك اكتر من مرة بدها دكتور نفسي من بعد وفاة قمر البنت مالا على بعضها .
عزيز . لك أي دكتور نفسي كلها عمرها عشرة .
حنان . طيب شو رح تعمل .
عزيز . ما بعرف تعبان كتير خايف اخسر بنتي هي خاصة كتير عن أخواتها بتشبه امها شبه كبير كأنها نسخة مصغرة.
حنان . طيب جيب دادة جديدة جرب .
عزيز . عم طفشهم لك انا رح طفشني .
حنان . طيب شو رأيك بالحكي الي قلتلك من جمعة .
عزيز . ........
حنان . البنت هون بس تشوفها رح تغير رأيك .
عزيز . ......
حنان . شو لا تضل ساكت هيك .
عزيز . طيب رح شوفها بس كرمال منى مو اكتر .
حنان . ايوا هيك .
عزيز . بس ما بوعدك بشي
.....................
انتهى الجزء الرابع ...
منكمل بكرة ان شاء الله 🙂
شكرا عالقراءة 🌷
