نور .. بقلم ٠٠ قمر الليل ٠٠
٠٠٠٠٠٠٠٠٠٠٠٠
نور: ...
... الجزء العاشر ....
تركت القلم . اووووف راسي صار يوجعني.. هدول ذكريات ولا مآسي .. رح أنسى ..رح أنسى وكل شي رح يكون عادي .. بس بدي شوية وقت ..
كانت طالعة من بيتها لعند عزيز .. وجواد عم يراقبها حط اللفة على وجهو وقرب لعندها . مرحبا .
نور . اهلين . مين حضرتك .
جواد . مو انتي انسة نور الحازم.
نور . أي تفضل .
جواد . منشان بيت عمك .
نور بدهشة . وينن .
جواد . هنن بأمان بدهم يشوفوكي .
نور . طيب عطيني العنوان .
جواد . انا باخدك لعندهم .
رفعت حواجبها . عفوا ليش مين انت .
جواد . انا فاعل خير .
نور شكت فيه . انا ما بروح لحالي مع غرب اكتبلي العنوان .
جواد . إذا بدك منروح بتكسي وانت الي بتوقفيها ..أو بسيارتك .
نور . طيب .. تذكرت موعدها مع عزيز .. اااه لحظة تذكرت عندي موعد ضروري اذا فيك تجي بكرى أو الجمعة بكون عطلة .
جواد . فينا نروح بكرة .
نور . تمام .. عطيني رقمك .
جواد . ما عندي . بس بجي لا تخافي .
ضلت واقفة عم تتصفن فيو إحساس غريب اتجاهو مين هو عجب ليش هيك عم حس شي غريب ليش مخبي وجهو معقول بعرفو..
رحت عند عزيز وعقلي مو معي خفت منو وبنفس الوقت عم اطمن شعور غريب كان ..
دقيت الباب .
فتحت منى وكانت كتير فرحانة .. هييي اجت مااما .
نور . اهلين حبيبتي .
قعدت معهن عالصفرى والعبنا كلنا سوى انسيت حالي معهن وعزيز كان فرحان كتير كانو ما ضحك من سنة كل الولاد انبسطو وما حسيت عالوقت إلا صارت تسعة المسا .. ياي تأخرت كتير
عزيز . معلش خليكي .
نور . شلون يعني خليكي بعمري ما تأخرت لهلا .
عزيز . نامي هون .
نور . لأ مستحيل .
عزيز . نامي بغرفة الولاد كتير رح ينبسطو.
نور . لأ مستحيل نام برات البيت .
عزيز . طيب كرمالي .
خجلت كتير عيونها لحالهن صارو يحكو انها عشقانة ..
عزيز . منشتغل سوى ما بقي شي ومنخلص المشروع منكملو للصبح .
نور . طيب .
قعدنا ست ساعات كانت كلها نظرات وعيون عم تلمع من الحب .. هية شايفة انو بحبها ليش ما عم يعترف كانت بدها تحكي وتبلش هية بس في شي منعها ..
خطرت ببالها انو تساوي حالا نايمة ..
كان عزيز جايب كوبين نسكافيه وشافها نايمة راح جاب حرام وغطاها فيه ..
ياالله ما احلاكي .. كتير عم اشتقلك يومي ما عم يكمل من دونك .... لأ لأ لا تغلط يا عزيز ما بصير تحبها ما بصير شو نسيت الوعد الي قطعتو لقمر .. لك ومنى انا والله حاسس حالي بحبا ... خللص عزيز خللص ..
قام وقف على حيلو ومسكتلو ايدو .
لحظة استنى .
اندار عليها وهو مستغرب . انتي فايقة .
نور . ما نمت أساسا ..
عزيز . انا ..
نور . اسمعت كلشي . . على فكرة انت واحد ضعيف كتير ..
عزيز . انت ما بتعرفي شي ما بتعرفي شي .
نور . ما عندك قوة إيمان .. ليش عم تلعب فيني وبولادك بدك تجبلهن دادة جبلهن انا شو دخلني .
عزيز . مو هيك القصة ..ما بمشي الحال أي وحدة .
نور . ههههههه انا بالذات الي بمشي الحال معهن ما ... شبيهة مرتك .
عزيز . نعععم بتعرفي؟
نور . أي بعرف مستحيل حدا يصدق هالشبه بيني وبين بنتك كأنها انا ... بس طلعت انت بدك دكتور نفسي اكتر من بنتك .
عزيز . انا اخد وعد ..
نور . وحياتك بتوقف عند هالوعد. شقد الها متوفية مرتك .
عزيز . سنة ونص ..ليش !؟
نور . انا الي نص سنة بشتغل .. وكل هالوقت مقضيه كابة وحزن ووعود مالها طعمة .
عزيز . رجاءا انسة نور .
نور . صرت انسة ..هههه كنا رفقا عاساس رأسا ساويتني انسة على كلن ..
مو انت اول شخص بموتلو حدا غالي عليه..
ومو انت اول شخص بصير فيه هيك كلنا بنمر بظروف قاسية وهي الظروف بتكشف القوي من الضعيف الهش من أول مطب بييأس وبسكر بواب السعادة كلها بوجهو ..
اكيد صلتك بربك قاطعها حتى ما في شي بوجهك فيو نور كلك معتم والهم اكلك أكل .
عزيز . اسمعيني .. انا تعبان مابقدر أنساها .
نور . ليش ما بتقدر ..لعنة صابتك. .
ما كملت جملتي إلا سحبني من أيدي على غرفة طالع كتير صور .. كانو صور عرسو وصورو مع ولادو وطبعا مرتو معو .. انا الي متوقعة تكون بتشبهني ما تخيلت هالقد شبه كانو توأم انصدمت. .
عزيز . ما عم اقدر ما صدقت قدرت اتجاوز صدمة موتها اطلعتي انتي لخبطيلي كلشي فيني ... كمان ما بقدر اظلمك واعتبرك قمر انا عم عيش معها فيكي ...
نزلو دموعي كتير وركضت بسرعة ..
عزيز . لوين رايحة رح تصير 4الصبح وين طالعة .
نور . اتركني هاد ما بهمك ما لك علاقة فيني ..
حسيت حالي تافهة هههه ليش جيت انا غبية اي غبية وكتير ركبت سيارتي وبسرعة كبيرة صرت سوقها ...رحت قعدت على طرف جبل ... اااه شقد برتاح هون .. صار يدقلي عالجهاز بس ما رديت ..وطفيتو ..قعدت بالسيارة وما حسيت عحالي غير نمت ...
عزيز ..
يالله وين راحت لك انا الغبي ليش هيك حكيت كنت بعرف أنها فايقة وبعرف انو جرحتها طيب ليش ليش هيك عم اعمل ما بدي تناذى بسببي الكل عم يتعذب بسببي ما بدي ياها تتعذب كمان ..
والله بحبها بحبها كتير ... هلا شو اعمل وين راحت ..
الصبح كان جواد عم يستنى ما حدا اجى ضل للظهر طلع عبيتها ماكانت موجودة انشغل بالو عليها .. بعد ساعة من الظهر كانت جاي بسيارتها .
جواد . كنت عم استنى اتاخرتي.
نور . آسفة كتير ... بس انا اليوم مو نايمة وحابة نام بركي مر للجمعة الي بعدها عندي دوام بكرى أحد .
جواد . تمام .
طلعت عبيتها مبين عليها التعب اتحممت وصلت ونامت من كتر تعبها ..
بتفيق على رنة التلفون الأرضي ..
نور . اوووف الساعة ستة صلي اربع ساعات نايمة ..
الو .
مصطفى . اهلين شو ليش مسكرة الموبايل.
نور. لانو تعبانة وعندي شغل مو جاي عبالي احكي مع حدا .
مصطفى . وين كنتي البارحة .
نور . ما دخلك .
مصطفى . نعم !
نور. ههههه بالكازينو هههه عم ارقص مع ستين شب .
مصطفى . شبك نور ليش هيك عم تحكي .
نور . لأن عيب واحد قد ابي لسا عم يلحق وحدة قد بنتو حاج بقا صار عندك شيب براسك .
مصطفى . نوور .
نور . ههههه خير انزعجت .. له له لأ تواخذني .
مصطفى . من ايمت بتحكي هيك انتي .
نور . حاليا ..من يوم ورايح ..
مصطفى . انا كنت بدي اطمن عليك مو الحقك .
نور . هاااه لكن شو عرفك انو طلعت من البيت امبارح .
مصطفى . الجيران خبروني انك لهلا ما رجعتي عالبيت انشغل بالهم ما بتطلعي ابدا برا البيت .
نور . ....
مصطفى . ما في حدا عم يراقبك انا ما عم قرب عليكي لأ من قريب ولا من بعيد ..
والمشروع الي عم تشتغلي عليه انا وكلت ولادي انا تقاعدت ما عاد ادقلك هاد آخر اتصال وحتى قطعت علاقاتي مع الكل وأولهم مرجان يعني اطمني عم يشتغل لحالو .
نور . طيب .. آسفة انفعلت .
مصطفى . جمعة ببلش الفحص لشهد وبعدها رح ابعتها ..
سكر الخط .
اوووف شبكي نور لك شبكي ليش هيك حكيت ... أي حاج بقا حكى هالكلمتين رح صدقو.. يمكن بكرة انا كلي ما داوم .
فتحت الجهاز كان كتير مكالمات من عزيز ومصطفى وشهد ..دقيت لشهد ..
الو .
اهلين ماما كيفك روحي .
اهلين حبيبتي .
شهد . خير ماما شوفي .
نور . ولا شي تعبانة كتير كتير .
شهد . ماما احكي شبك مرضانة .
نور . لأ مافيني شي حبيت اسمع صوتك ... ايمت الفحص .
شهد . بعد جمعتين .
نور . تمام الله يوفقك ايمت بتخلصي كلشي يعني .
شهد . هي المدرسة شهرين .
نور . يعني عالشهر السادس .
شهد . أي
نور . سلام .
شهد . لحظة شوي .. ماما انتي مالك منيحة روحي عدكتور .
نور . ما فيني شي التهي بدروسك انتي .. بصير كتير منيحة
شهد . طيب ديري بالك على حالك .
نور . ماشي.
سكرت التلفون توضيت وصليت قرأت قرآن دعييت كتير وبكيت .. رح أنسى عزيز ما رح فكر فيه حاليا رح خلص المشروع واترك الشغل .. بس كلشي ساعدني فيه رح امسحو ..دقيت لهيا واجت لعندي صرنا نشتغل سوى انا وهية وبس رحت عالشركة عملت الاجتماع ووزعت الشغل خلال اسبوع لازم يخلص .. أخدت إجازة لأسبوع وارجعت عالبيت سكرت الشبابيك والبرادي قعدت بالبيت لحالي طفيت الموبايل وفصلت التلفون الأرضي ضبيت غراضي وطلعت من البيت رحت عمكان بعيد عن عيون الكل قعدت لحالي ومقابيل البحر مكان اكتر من رائع ..
عزيز . منى حبيبتي حاج بكى ماما ما بقا تقدر ترجع .
منى . انت السبب .. انت عم تخليها تروح .. لك كنت تركها كرمالنا.
عزيز . قلتلك انو هية راحت خلص ما بقا ترجع بعدين في شي حلو عم يستناكي .
منى . إذا كان هاد الدكتور ما بدي ياه انا ما حبيتو.
عزيز . طيب شو بدك .
منى . بدي اخد أخواتي واروح عند ماما .
عزيز . اووووف ما كنا نخلص .
منى . انا هلا ما قصدي على ماما نور قصدي على ماما قمر .
تركتو وراحت وهو مصدوم كيف عرفت انو كل وحدة غير التانية .. شو قصدها ماما قمر .. وشو قصدها انا السبب معقول بتعرف الحقيقة منى معقول بنت بعمرها عندها هالعقل وانا مفكرها بدها دكتور والدكتور قلي أنها سليمة ههههههه رح جن شبها لكن ليش ليش يا منى ليش هيك عم تعملي معي .
حنان. طول بالك واحكي من الأول شبك .
عزيز . انا غبي شي .
حنان . ليش عم تسأل .. هلا منشان نور أي وكتير .
عزيز . لككك اااخ ريت الحادث اخدني الي وتركها لقمر..
حنان . طول بالك كانو الأمور زادت سوء احكيلي شو صار ...
عزيز . من يومين كانت عندي عم نشتغل سوى ولعبنا مع الولاد وحسيت حالي نسيت كل شي .. ما خليتها تروح وفعلا قعدنا وحتى ما قدرو عيونا يبعدو عن بعض مبين انو في شي بقلبها كاشفن عيونها .. بلحظة غباء مني طار كل شي ...
حنان . احكي شو صار .
عزيز . رحت أجيب كاستبن نسكافيه قبل ما أدخل شفتها متشطحة وفايقة وبس دخلت غمضت عيونا ساوت حالا نايمة يمكن كانت عم تلمحلي لشي وانا ...
خربت كل شي والله تذكرت كلشي الحادث وأمي بالأرض والدم بالشارع وقمر الاتنين بنفس التشطيحة الي كانت متشطحتها نور شفتا هيك حسيت هية كمان معهن هية كمان اااااانا ما عم نام اناااااا تعباااان .
حنان . خلص أهدى لازم تريح حالك الحادثين ما كانو بقصدك بعدين حلك تنسى .
عزيز . لك انتي دايقة عذاب الضمير شي انا قتلت أمك ومرتي بأيدي انا مو مرتاح انا مجرم لازم انا الي موت مو هنن .
حنان . لك خلص أسمو حادث حادث لا بقا تفكر كتير ما كان قصدك كان خطأ حتى انت كنت متت معهن لولا لطف الله .
عزيز . ههه لك هاد كلو كوم ومنى كوم تاني .
حنان . مو مشكلة غيرلا الدكتور .
عزيز . كنت مفكر متلك معها مرض نفسي بس امبارحة تأكدت شكوكي.
حنان . خير شبها.
عزيز . لك عطول كانت تكرهني وتفرجيني انو أخواتها هية الي بدها تدير بالها عليهم وما بدها ياني قرب منن خايفة عليهن مني بتعرف نور من قمر وعم تضحك علي ادام نور ومدري شو قالتلا لحتى كمان نور بتعرف بقمر أنها بتشبها وهلا صارت تكرهني بزيادة لانو خليت نور تروح ونور لأ عم ترد ولا عم شوفها ولا عم تفتح الباب لحدا.
حنان . كل هاد
عزيز . انا رح جن .
حنان . ليش ما قلت الحقيقة لنور عن موتت قمر كانت تفهمت وضعك شوي .
عزيز . منشان تشوفني مجرم .
حنان . لك عزيز جننتني انت شو بدك بدك نور وانت خليتها تروح بايدك وبنفس الوقت خايف اذا صار بينكم شي .. فهمني شو اعمل لترتاح .
عزيز . لازم احكي مع نور ضروري .
حنان . شوبدك تقلا
عزيز . انا حبيتها كتير هية هل كم يوم كانت معي متل الحلم ولا حتى لما كنت مع قمر هي قطعة من الجنة هي فعلا نور .
حنان . هههههههههه اي قول هيك من الأول عشقان وما حدا قدك ..
عزيز .. عم يبتسم ..
حنان . على كلن رح دقلا وقلها تجي وانت دير بالك تزعلا هي جوهرة ما بصير تزعل بعدين بتبهت .
.....
حسين . جواد بيك اجيت .. شو صار معك .
جواد . الها يومين مو مبينة ..خايف يكون صاير معها شي .
حسين . بالشركة اخدة إجازة كمان .
جواد . وين ممكن تكون راحت .. ااخ كلما بكون قريب ببعد .. ياالله انت أعلم بحالي رجعلي بناتي .
حسين. طول بالك رح ترجع ورح تشوفها ورح تلاقي بنتك التانية كمان .. متل ما رجعت اموالك رح يرجعو .
جواد . الله كريم .
.....
لندن . ...
علا . مبرووك اخيراا ما بقي غير الفحص ومنخلص مدرسة .
روان . لحظة لحظة شوفو مين هنيك .
شهد . هاد شو جابو لهون .
راما . اكيد منشانك .
شهد . والله لاشرشحو طولو بالكم شوي ..
شهد . خير ليش جاي لهون عالمدرسة .
خالد . طولي بالك .. بركي عندي أخت وبدي احكي معها .
شهد . هااا .
خالد . شفتي .. أصبح مين عم يلحق التاني.
شهد . هاهاها . ضحكتني ومو جاي عبالي اضحك .
خالد . اااه يا ربي ما احلاكي وانتي معصبة.
شهد . انا عطول حلوة .
خالد . مغرورة .
شهد ابتسمت واشرت بحواجبا عم تجاكرو .وهو قرب منا كتير وطلع بعيونها .
شهد . لك بعد ليش عم تقرب .
خالد . بتعرفي هي أول مرة بعرف عندك غمازات بجننو ..
لحظات من الخجل خلاها تصير متل البندورة الحمرة وهو داب من خجلها حسها متل النسمة ودخلت لقلبو ما عم يقدر يشيل عينو عنها .
شهد . شكرا .
خالد . طيب سامحتيني .
شهد . بفكر .. وبرد خبر بعد الفحص .
خالد . اووف كتير هيك ما توقعتك قاسية هالقد .
شهد . سلام .
علا . ههههه عاساس رح تشرشحو شوفو وجها شلون صار متل البندورة .
راما . رفيقتكم طبست بالحب ما مبين يعني.
روان . وهية الي بتنظر عالعالم .
علا . اسكتو اجت .
شهد . مرحبا .
روان. اهلين شو صار معك .
شهد . بشو .
علا . بخالد أفندي .
شهد . مين خالد .
راما . لك الي كنتي معو شبك .
شهد . اااه أي شبو .
راما . خلص انسو ما قلتلكم طبست ومشي الحال .
شهد . مين طبس.
روان . حضرتك .
شهد . انا ؟!! .. بشو بالا .
علا . لك أي حاج تعملي فيا البنت البريئة .. عاساس ما شفنا شو صار معك انت وخالد .
شهد . طيب انا طشمة وفهموني .
راما . ما بتحبيه لخالد .
شهد . نععععم لأ مستحيل بالعكس هاد هاد بكرهو .
روان . اها لكن ليش ما مسحتي الأرض فيه .
شهد . ما حبيت خجلو ادام العالم .
علا . وليش وجهك صار متل البندورة ادامو. .شهد . انا !!.
راما . أي اي. انتي .
شهد . لك ... صعي تتغدو انا كتير جعت .
غمزو بعض انو مبين أنها وقعت وحبتو..
بهالفترة خالد صار كتير متعلق بشهد وما بقدر بلا ما يشوفها حتى صورتها الي صورها معو كان محتفظ فيا وبيطلع عليها وبيضحك وهو عم يتاملا ..
وشهد . نفس الشي كانت ساحبة الو كتير صور من الفيس وناسختن على كمبيوترها وتتفرج عليهم كتير وتحس انو في شي من جواتها عم يشتقلو.
.....
رجعت نور من البحر كانت كتير نفسيتها متحسنة قادرة ترد الهزيمة الي خسرتها ادام عزيز وتطلع عالناس بوجه عم يضحك اول ما وصلت عالبيت كان جواد عم يستناها متل كل مرة على أمل تجي وفعلا اجت .
كانت حاملة شنتايتها السفر معها وطالعة على بيتها .
جواد . معقول هالقد بتغيبي.
نور . أوووه هاد انت جد نسيت .. بصراحة صار معي شي اضطريت انو سافر وهلا أرجعت من السفر كتير تعبانة .
جواد ما عم يقدر يمسك حالو بدو يضمها حس حالو ضعيف كتير ما بقا قادر يصبر اكتر ..
جواد . انا لازم احكي معك .
نور . عنجد مو فاضية .. مرة تانية .
تركتو ومشيت لو كانت تعرفو يمكن ما حاولت حتى تبعد كانت قطعت المسافات بس لحتى تشوفو بس ليش لهلا ما خبرها انو هوة أبوها بعمرو ما كان خايف يا ترى شو عم يستنى شو بدو يقلا وشو بدو يعمل ...
فتحت موبايلا وكم هائل من الرسائل والمكالمات هية بعمرها ما كانت هيك مهملة وطايشة يمكن كانت بس بدها ايد تطالعة من الوحدة الي هية فيها وهي الايد جرحتها وتركتها ما حدا بيعرف اديش في بقلبها حزن ووجع ورغم هيك عم تبتسم وتكتب ماضيها منشان تمحيه ادام عيونها ..
أول مكالمة دقت لعزيز كانت بدها تحكي كلشي بقلبها الو مو حبها كلام بس. .يعني مو تعترف بحبها الو ...
الو .
عزيز . لك نور انتي وين فتلت الدنيا عليكي .
نور . لازم نحكي .. نطلع لمكان عام شو رايك نتعشى عالساعة سبعة بستناك بمطعم ...
عزيز . تمام .. وأنا بدي احكي معك ..
نور . عم استناك .
حكت مع بنتها واطمنت عليها جهزت حالا منشان تروح لبست وتجهزت وطلعت. .
كان سابقها لهنيك وعم يستناها .
عزيز . والله ماصدقت وقت قلتي بدك تحكي معي .. انا اسف .
نور . مو مشكلة .. انا رح احكي معك كلمتين وامشي .. نطلب عشا اول .
عزيز . أي اي بصير .
بعد العشاء .
نور . انت بتعرف عني شي عن حياتي عن عيلتي .
عزيز . بعرف انك يتيمة وعايشة لحالك وأنك انسانة كتير حبابة وقلبك طيب .
نور . طيب ..انا مو جاي احكي عن حالي ..
بنتك منى انت شو بتعرف عنها ..
عزيز . !!!!!
نور . جاوب
عزيز . هية بنت ذكية وبتحب أخواتها كتير بتحس حالا انو هية مسؤولة عنن بعد أمهم .
نور . ايووا بس هيك ..
عزيز . شو بدك اكتر ..
نور . بنتك شو بتعرف عن موتت امها .
عزيز . مدهوش .. هلا شو لزومو هالحكي .
نور . جاوب معلش ..
عزيز . سلطان بالقلب ..
نور . أي وشو كمان ..
عزيز . وجهو صار أحمر وما بقا يعرف شو بدو يقول .
نور . بتمنى ما تكذب ابدا بحياتك لأن الحقيقة المؤلمة احسن من الوهم المريح بنتك كانت تقبلت موتت أمها بس انت دخلت بدوامة ودخلت ولادك كلهن معك .
عزيز . شو حكتلك .
نور . كلشي .
عزيز . من ايمت .
نور . قبل ما شوفها عندك بالبيت ..
عزيز . هههههههه حتى منى صارت تعرف تمثل .
نور . لأ اول لقاء بالبيت ما كان تمثيل منا كان تمثيل مني هية بتعرفني من قبل .
عزيز . حاج تفوتيني بالحيط
نور . عم قلك ياها شافتني بالمدرسة وفرحت فيني فكرتني أمها وصارت تقلي انا بعرف انو بابا قتلك وانتي هربتي لتشوفيني .
عزيز . يعني توقعي صح .. انا بنظرها قاتل .
نور . على فكرة الغلط منك من الأساس .
عزيز . ههه
نور . لا تتمسخر. . بتقدر تغير كل شي بايدك .
عزيز . خلص انحفر برأسها انو قتلت أمها .
نور . ليش انت قتلتا شي .
عزيز . انا ..
نور . جبان ... حطيت ببالك انك انت السبب ومشيت عليه .. كل الناس بتغلط سواء بالشغل بالاختيار بكلشي حتى بالسواقة.
عزيز . مرة بتصير بس مرة تانية ..
نور . بتصير عشرة كمان غلط صغير بودي بحياة كتير أشخاص .. الله بيمتحن الشخص منشان يشوف قوة ايمانو بربو انت الله عطاك3 أولاد هدول نعمة كبيرة عطاك اختك متل البلسم عالجرح عطاك كلمتك وسمعتك بين الناس فخر الك وبترفع رأسك وقت تقعد تفكر بيالي الله اخده وبيالي عطاك رح تشوف حالك احسن من غيرك ..انت مرتك الله يرحمها وامك كمان ادعيلن احسن ما تندب حالك وتيأس صلي واستغفر لأ تحط وساوس براسك لأن كل شي خايف منو رح يصير ..
عزيز . انا قررت افتح صفحة جديدة بحياتي .
نور . غلط .
عزيز . ليش ضل عيش بالماضي يعني ما عم افهمك .
نور . غلط تفتح صفحة جديدة لأن الصفحة الي قبلها موجودة شي يوم رح يجي وتقلب الدفتر وتتذكر هالصفحة وبجوز ترجع لنفس حالتك .
عزيز . شو اعمل يعني .
نور . بدك مساحة لازم تمسح بدل ما تسكرها واذا شفت المسح تحتو علام وما راح احرقو كبو شقو ... المهم اذا شي يوم فتحت الدفتر يكون نظيف مافي صفحة سودة .
عزيز . شو اعمل يعني هلا .
نور . ههههه اضحك اول شي أتذكر كل ماضيك وواجهو كل ايامك الحلوة والبشعة وبس حسيت حالك رح تكتئب استغفر صلي .. انت هيك عم تمسح كلشي اسود وربنا بطهرك من كل شي .
عزيز . انا فعلا ارتحت نور ...ااااه والله انا ارتحت .
نور . بس تصلي رح ترتاح اكتر ..
عزيز . طيب منى .
نور . هي البنت كتير ذكية متل ما انت قلت رح تعرف أبوها انو مو ذنبو الي صار .. بس خفف عنا معلش خليها تحس حالا مسؤولة عن أخواتها وتحمل مسؤولية من هلا .
عزيز .انتي قلتيلا انك نور ما ..
نور . هههه وقت نامت بحضني اول زيارة الي انت كنت عم تجهز الفواكه .
عزيز . امممم .
نور . صلي ساعة انا حكيت الي عندي وهلا رح امشي .
عزيز . ممكن نرجع رفقات .
مشت من دون ما ترد ..
رجعت عالبيت كانت تعبانة كتير ليش راحت وساعدتو ما بتعرف .. منى زهرة علي يا الله عم شوف فيهم شهد كتير حبيتهم ...
شكرا عالقراءة 🌷😍
.
