بارت 1
جنت عايشة بميتم من صرت واني اسمي يتيمة بس فرقي عن بنات الميتم إني مالكة الميتم (ماما نهاد) تبنتني وسجلتني باسمها لان هي لگتني بحادث سيارة وياي رجال ميت وجان عمري اشهر بوقتها رغم تسجلت باسمها بس ماحبوني عائلتها ورفضو وجودي وياهم لذلك بقيت بالميتم درست ووصلت للسادس اعدادي ونجحت بتفوق جان كل وحدة يصير عمرها 18 وفوگ تطلع من الميتم وتعتمد ع نفسها الا اني بقيت عند ماما نهاد كلها تحسدني لان ماممكن يطلعوني من الميتم باعتباري بنت المسؤلة. جان عدنه الدراسه للسادس وبس لان تكاليف الجامعه ميگدرولها بيوم انقهرت حيل من ماما نهاد وتصايحت وياها اريد ادخل جامعه وهي تگلي مااگدر اميزج عن بقية البنات ولااگدر اتحمل مسؤلية دراسةالجامعه صعبه الكل سمع صياحنه ويهدون بينه وهي بوكتها جانت عدها مشاكل ويا اهل زوجها يردونها تترك الميتم. صارت مشاكل هواي خلتني ازعل منها ومااحجي وياهة ثاني يوم الصبح كعدنه اني والبنات الي وياي بالغرفه على صوت عالي وصياح اباوع بالوجوه شكو شصاير، اذكر سما البنيه الوياي كالت هاي صوت سيارات شرطة هنا بالميتم شنو السالفه، گلبي وجعني حيل واحساسي جان انه حيصير شي سيء وفعلا ماخاب احساسي طلعنه نباوع شكو وشفت ذاك المنظر الي بعمري ماانساه ابشع منظر تشوفه عيني قطع گلبي لأجزاء شفت ماما نهاد عالارض سلك الكهرباء ملفوف على ركبتها ووجها ازرك وعيونها مفتوحات وكلها تصرخ الشرطة مسوين عليها حجز ميخلون احد يقترب واني عقلي ووكف بس ابجي كعدت بالزوايه حضنت نفسي وابجي ماتت الي جانتلي حياة ماتت الربتني وانطتني هواي من عمرها. الي موت گلبي بوكتها انها ماتت زعلانة مني ردتها تگعد لدقيقه بس اراضيها واشكرها على تعبها وياي عشت عمري 19 سنة بفضلها ،حققو الشرطة ويه الكل وكعدو يسألوني وعرفو اني بنتها بالتبني وعرفو مشكلتنه الصارت قبل يوم لذلك طلبو مني اروح وياهم للمركز يحققون وياي ،رحت وياهم بسيارة الشرطة ارجف وابجي لسه المنظر منطبع بذاكرتي جانو يباوعون مقهورين علية سمعت واحد منهم كال مسكينة راحت بيها ياريت لو مامتحولة قضيتها لمركز التحقيق وصلنه لمركز التحقيق وجوهم مخطوفه دخلنه للمركز واجو ظباط استلموني منهم جان بيهم عيونهم قذرة يباوعون من فوگ لجوووة كل واحد امر من گدامه يتفحصني تفحص زدت خوف ورجفه اسمع ضحكهم وواحد يباوع ع ثاني ونظراتهم الي كرهتني بنفسي واحد گال الظابط مصطفى استلم قضيتها ودوها لمكتبه دخلت بممر طويل بيه غرف هواي اكو مفتوحات بيبانهن واكو لا، وكفوني كدام غرفه مسدودة ودگ الباب الظابط الي وياي، اجانه صوته صاح تفضللل،طب الظابط حجه ويا ورجع عليه گلي ادخلي، دخلت رجليه گوة تمشي مدنگه ودموعي ينزلن انسد الباب واني واكفه گال:اتفضلي گعدي هنا رفعت راسي باوعت عليه كاعد بمكتبه مبين عليه الشباب عضلاته ونظرته الحادة عيونه جامدة خلتني اخاف اكثر عينه اجتي بعيني بسرعه بعدتها وكعدت وهو مد ايدة الي بيها كلينس اخذته منه مسحت دموعي ويرجعن يطيحن، قدملي مي شربته كله دفعه وحدة احس كلبي نشف مو بس ريگي، عم الهدوء ثواني وبعدها حجه: شنو اسمج..رديت:ا اايه
..اي ايه شنو الصار وين جنتي وقت الحادثه
...اا اني جنت نايمة
..زين الكل شهد انه بينكم مشكلة وانتي حاليا متهمة شلون تبرئين نفسج
...بقه يحقق واني ابجي وارد .اشوفه يصفن بوجهي ثواني
استمر التحقيق 5 ساعات وهو يفتر ويكعد،اخر شي گال:اني شاك هذي مو جريمة قتل خلينه ننتظر تطلع الاثار الي ع السلك الملفوف ع رگبتها ونشوف بوكتها راح يتوضح كل شي لاتخافين هسة يعرفون كلشي بالفحص جر نفس وگال ياريتج ماجايه لهنا .. رفعت راسي مستغربه لكلامة
... اتنفس بقوة وكال:ماكو بنيه تدخل مركز التحقيقات هذا وتطلع منا سالمة هنا الظابط المسؤل شغله اللهو بالبنات للأسف.هذا يدور الجواهر، ديحجي وندگ الباب ودخل واحد گاله سيدي الظابط المسؤل طالبها بعدما تخلص تحقيق، گاله هيج وهو نخطف لونه باوعلي بسرعه وگاله هاا اي اي بعدني من اخلص، طلع واني مستغربه شيسويلي يعني بس اكيد شي غير مرغوب خفت حيل وزادت دموعي وشهگاتي وهو يفتر ويمسح بوجهاا ويتنفس بقوة
ظليت كاعدة كدامة مدنگة راسي وابجي وهو نظرة عليه تقريبا نص ساعه واندگ الباب ودخل واحد انطاه ملف وگاله هذا النتيجه وطلع، فتحه وقراه شفته اطمئنت ملامحه،باوعلي وكال.طلعت الاثار الي على السلك الملفوف ع ركبتها ومثل ماتوقعت ماكو غير اثار ايديها اذن هذا انتحار مو جريمة قتل ،تنهد وكال خلص تحقيقج انتي حرة، بس انتي مو حرة گليلي شلون راح تطلعين منا. باوعلي مصغر عينه:لو انتي موافقه ع حجيهم تردين ترحين للمسؤل
..لااا ماريد عفيه شلون اريد اطلع
..مااعرف مستحيل يسمحولج تطلعين
..الله يخليك طلعني
..صدگي موبيدي شي شغلي خلص
..زدت بجي وضميت وجهي بأيدي الله يخليك لاتخليهم ياخذوني الله يوفقك ساعدني
..مسح وجه بحيرة وگال، بس گليلي شلون اساعدج؟ ياللهيييي انتي شجابج هنا !هذا ملهى مو مركز التحقيقات ابددد ،بقى نص ساعه يفتر ويمسح بوجها ،اجاه اتصال اسمعه گال لا بعدني مامخلص وسده التفتلي يفتر ويرجع احسه يريد يگول شي بس مايعرف شلون شويه وگال عندي حل گعد بمكانه وحجه انتي مرتبطة؟
..باوعتله باستفهام؟ گال مخطوبه متزوجه عندج اهل اقارب ! لان محد يگدر يحاجيج اذا عندج احد دگي عليهم يجونج ومحد يگدر يحاجيج يخافون ؟
..زدت بجي وگلت: لاا
عفيه شلووووون؟
باوعت عليه صفن دقيقه عاقد حواجبه وگال:عندي طريقه بس اسمعيني للاخير
..رديت بلهفة:اي
..ابلغهم انتي خطيبتي او زوجتي بس اني شرطي زواج دائم مو يوم يومين من هسة فكري عندج نص ساعه واعرفي زين اذا تزوجتج بعد مااطلگ لو تموتين؟ تمام؟ وترا ماگدر اگول اختي او قريبتي لان الكل يعرف ماعندي احد هنا او بالميتم فكري زين
..دنگت وجهي مرتبكه ودموعي تزيد ماتنقص ....
