بارت2
بقيت كاعدة نص ساعه افكر بكلامة وميته خوف،شلون اذا ماوافقت راح ياخذوني لمسؤلهم وهذا مبين وكأنه وحش يعني فعلا يريد يتزوجني بالحرام واطلع منا وين اروح الميتم مااعتقد راح يدوم اصلا مادام ماتت ماما نهاد معناها اني انطردت منه، واذا وافقت شلون أئمن بواحد مااعرفه ،بس هو مبين عليه حباب بالحلال ولابالحرام! مااعرف شسوي؟ افكار تجيبني وتوديني لحدما صفيت ورديت عليه: اا انيي موافقه ،بقيت مدنگة مستحيه ومرتبكه وخايفه ومظلومة كلهن سوى سمعته بس خابر على صديقه وفعلا اجوي بعد نص ساعه اصدقائه ضباط اثنين ووياهم رجال معمم حجو للشيخ الموضوع ووافق يعقدلنه بعد الف سين وجيم لان بالبدايه رفض العقد وعقدنه بالمكتب! اتذكر السيد حيل استغرب من هالزواجه كان اغرب زواج يصير تم عقدنه وراحو عرفت اسمه مصطفى وعمره. مبين بحدودنهاية العشرين بدايه الثلاثين ، بقيت كاعده دقايق ورفعت راسي شفته يباوع عليه،دنگت گال: راح أجرلج شقه هنا لكم يوم لان عندي قضيتين لازم اكملهن يلا نرجع لمحافظتي اني عايش بالناصريه ترا بس شغلي هنا تمام؟
..هزيت راسي ب اي وسكتت مرة دقايق واجه ظابط يسأل عني،رد عليه:شتردون منها؟
..جاوبه الظابط بضحك:ههه يريدها المسؤل فارغ وطلبها بالذات تعرف انته الحلوات مصيرهن عند المسؤل
رد عليه:انسوها هاذي زوجتي
هذاك فتح عيونه ع وسعهن وطار يركض للمسؤل شويه وتم استدعائه وراح ماطول ربع ساعه ورجع گال يلا امشينه، طلعنه وهو يتلفت ويجيبني منا ويوديني منا لحدما غادرت المركز بالف ياويل احس گلبي صار بيدي من خوفي صعدني بسيارته وركب هو ساكت مشه بينه وهو ساكت، اريد اسأله شصار بس استحي!
كسر الصمت هو وگال هذي الشقه باعيلها مالكها صديق الي هنا ويريد يأجرها راح أجرها فترة قريبه على المركز، اسمعيني زين تطبين للشقه شتسوين سوي انا راح اجيبلج الي تحتاجينه هنا واروح لشغلي وانتي تبقين هنا وحدج لان مامسموحلي اطلع قبل لااخلص شغلي! باب الشقه ماينفتح لو يحترك العالم الباب ماينفتح بس الي؟ تمام؟
..هزيت راسي اي وسكتت، بقيت بالسيارة لحدما هو اجرها من صديقه ونزلني للشقه طبيت اباوع شقه صغيرة بعمارة، الشقه مابيها بس غرفه وصاله ومطبخ والصحيات مأثثه وجاهزة بقيت كاعده افكر وهو راح گال راح اتسوكلج علمود ارجع لشغلي ،راح واني كاعده افكر ياترى شصار بالميتم نزلت دموعي بحرگة، ليش ماما نهاد تنتحر؟ اعرف عدها مشاكل ويه زوجها بس معقولة تؤدي للانتحار؟ نمت عالقتفه واني اتذكرها، لحدما حسيت بأيده تمشي على زندي فتحت عيوني ووكفت وهو شافني كعدت وهو وكف بسرعه مثل المسوي مكسورة
كال ..كل شي تحتاجيه موجود العليج بس لاتفتحين الباب اتحملي كلها اسبوعين او اقل وارجع ماشي،
..هزيت راسي، اي وهو ديريد يقترب واني گلبي وجعني وارتبكت بسرعه رجعت ليورة ارجف ،ابتعد رافع حاجبه طلع وسد الباب وراه، بديت اتفحص بالشقه واشوفها ونظفتها مهمومة حيل خنگتني مغلقه وبس اني بيها وانوب اني اخاف ابقه وحدي گوة جرعتها ولهيت نفسي بالتنظيف وخلصتها وكعدت لهناك وجعت شفت متسوك خضروات وبقوليات ولحوم كل شي موجود على گدي بس جان مالي نفسي احس بخنگه وضيق، سويت معكرونه واكلت ورحت للتلفزيون الحمدلله موجود تلفزيون يمكن جان متت بهالگبر خلصت ساعاتي تلفزيون ونوم حتى تلفون ماعندي، شويه شويه صرت اطبخ اكلات اكتل الضوجه بيها وانشغلت، مر خمسة ايام وانفتحت الباب بالمفتاح جنت نايمة عالقنفه اباوع للتلفزيون بالصاله وشعري كفشه والثوب نفسه الاجيت بيه عود اغسله وابقه بالمنشفه لمن ينشف الثوب وارجعله ،طب واني گمزت خايفه هو شافاني وگال:لاتخافين هذا اني! سد الباب
..شلونج خوماكو شي
..ا الحمدلله لا ماكو شي، حط العلاليك البيده بالمطبخ وطلع انطاني علاكة باوع لملابسي كال جبتلج ذني دبري نفسج بيهن لبين مانرجع، ومسواگ بالمطبخ، باوعلي دقايق واني واكفه افرك باصابعي، سلم وطلع بسرعه...
فتحت العلاكة لكيت ثوبين وداخليات وشامبو اتذكر حتى مشط وياهن
رحت للمطبخ ضميت المسواك ضجت اكثر لشوكت ابقى هيج اختنكت حتى جيران ماكو! رجعت اغير جو لنفسي صرت افتح اغاني بالتلفزيون ع گدي وارگص عليها اخلي خيار ولبن ع وجهي ومگابله التلفزيون اربعه وعشرين ساعه واكثر شي اتابع افلام كارتون صدك هو الونسني لحد ما مرت اسبوع لخ وهم جان جايب مسواگ هالمرة بالباب سلم وانطانياهن وگال مستعجل لان نطلع دوريات تحقيق وهواي شغل على راسي سلم وطلع ،تقريبا اتعودت وصارت عادي عندي ابقي وحدي واعرف شلون اخلص اوقات فراغي تابعت برنامج ديني وجان يحث عالصلاة دائما ومنه بديت التزم بالصلاة ،اسبوع ثالث مر واجه مصطفى سلم وهالمرة فارغ الايدي استغربت لحدما گال... هاي هي جهزي نفسج نرجع للناصريه خلص شغلي ،مدري شبيه توترت اعتقدت اروح لبيت واشوف اهله اتذكرت هو ماحجى اي شي بخصوص اهلة اخاف مايقبلوني بينهم؟ جهزت نفسي وهو كاعد منتظرني لبست الجبة والحجاب باوعلي ماعاجبه الوضع بس سكت وقفل الشقه وطلعنه ركبنه بسيارته ومشينه ساكتين ببالي اسأله بخصوص اهلة بس اخاف واستحي احجي اني لحد الان مارفعت عيني بوجه واصلا مااحجي كدامة مدري شيصير بيه! ووكف يم محل ونزل شفته سلم ع واحد وانطاه مفاتيح الشقه وعبر لمحل ثاني شوية وطلع بايده علاكة صعد وانطاني العلاكه
..من تطلعين تلبسيها مرة ثانيه
..فتحتها واشوفها عباية راس ! ماكدرت اناقش خليتها يمي وجان وياها علاكو نساتل وكيك وعصائر اكلت وهو ماقبل ياكل لهناك ونعست نمت بالسيارة بدون مااحس لحدما حسيت بيه يكعدني
..يلا كومي وصلنه
..فتحت عيوني ونزلت، وهو فتح الباب واني طبيت للبيت صغير بس اشو فارغ؟ ركن السيارة بكراج صغير بطارمة البيت واني واكفه برة بمكاني، سد باب الشارع وشافني واكفه صافنه
..طبي جوة لاتصفنين هذا بيتج محد بيه لاتستغربين اني عايش وحدي هنا اهل عندي بس بينه مشكله ومقاطعهم هالفترة
..انصدمت شنو مقاطعهم معقولة هذول اهلة؟ همست الله يصفيها بينكم
مشيت وراه نعسااانه مااكدر افتح عيوني هو شافني اغمض عين وافتح عين اشرلي ع الدرج بنهايتة سرير وكال :هاي الغرفه روحي نامي
..ماگلت لا طبيت وللسرير گبل انتبهت للسرير مغطى ببردات كيبور من كل جهة فتحت البردة مو مال اكعد انعجب بالسرير او اتفحص البيت هسة گبل حطيت راسي ونمت ...
يتبــع
