بارت14
كاعدين نسولف والكل تسألني شكد عمرج وين عايشه شلون تزوجتو جوابي الهم كان يتيمة والتقينه بأحد زياراته للميتم واتزوجني وبس..
احلا شي بالموضوع ناديه فرحانه حيييل بيه كاعده يمي وكل شوي تگلي يووو اجتني مرت حما هسة نصير مكافش هههه وترجع تبسبس وياي على حياتنه ويه ازواجنه جانت دتگلي انه رياض صح عصبي بس دائما متحكم بعصبيته واصلا اليشوفه يكول هااااادئ عكس مصطفى ووائل انتبهنة اثنينه على صوت بنت عمتهم تصير اخت ناديه الجبيرة متزوجه يم اهلها تكول...اكلكم ماشفتو اختي نديوة وين؟ باوعت لناديه رافعه حاجبها وگالت شسالفه نااديه بعد نامي بحظنها جا شبيج راح تاكلين البت بس تبسبسن مامصدكه بمرت حماج من الفرحه ههههه
ردت عليها ناديه بضحك..هههههه خايبه هديوة والله الشعور حلو من تكعدين ويه مرت حماج تحشين بالناس هههههه
دنحجي واجه مصطفى مبتسم يباوع بوجوه الكل ثبت وجهة عليه ابتسم اكثر ورفع ايده لشعرة وگال..احمم الله يديم هاللمة الحلوة
ردن عليه ..بوجودك
دار وجهة الي وگال..اليوم ناسيتني على الاقل كلاص ماي
انحرجت حيل وهن يبتسمن ويباوعن علينه همست ..اي فورا
گمت للمطبخ توني دخلت ونسد الباب وجرني اله بسرعه يبتسم
..عزززا ههههه مصطفى عفيه لايجوون شتسووويي
..شدعوة يابه ولج من اجينه لحد الان مطلگتني يابه بطلت تعاي نرجع لبيتنا
جاوبته بدلع
..ههههه لااا عفيه والله اصلا انت ببالي كل الووكت بس اللمه حلوة ومتونسه وياهم يلا وخر لايجووون
..اوكفي بس بوسه
..عززااا عفيه اوكف موهنااا، بسرعه اخذ شفايفه باسني واني مثل كل مرة اضيع بأيده ومااحس بالدنيا دقايق وحسيت ابتعد وهمسلي..هاا شتگولين نرجع لبيته؟
..احمم روح منا انت مو اتفقت ويه عمو لعد اسكت بعد ماكو كلام يعلى على كلام عموو
..اويليييي عموووو اهم شي عمووو واني طززز
..عفيييييييه
..اي اي عفيه، باوعلي واني اباوعله بنظرة برائة
..اهووو زين زين سدي هالموضوع هسة وتعاي رويني عطشاااان
..هياته المي
..ايي كدامي المي درفعي وجهج شويه
..عفيه اصبر عفيه لايجون والله عيب خليني اروح، فلتت ايديه عن خصري وابتعدت، يلا رايحه
..دلفي شالج عدل على رگبتج وغسلي وجهج وبعد تحلمين تشوفيني
..هههههه صااار لاتزعل بسته على السريع بشفايفه وركضت غسلت اباوع على المرايه الكدامي وجهي احمر وطبع برگبتي لفيت شالي ورجعتي للغرفه عبرت من يمه اسمعه وراي يكول ..نعلا علا حظي
رجعت للغرفه ابتسم كعدت وناديه ونور بسرعه كرصني
..عووبه شدعوة هذا كله ع گلاص ماي امممم
..هههههه عيب عيب
عمتي تغمزلي تضحك ،سوالفهن تونس كل شوي وگالن الله شگد حلوة ايام زمان ويرجعن يتذكرن ذكرياتهن بس العمة نهى من يحجن بسوالف ايام زمان تسكت وتدور وجهة متضايقه
ورة فترة رجع مصطفى مبتسم وگال..ايي عمي ملتميييين ومحد يسأل جوعانين عطشانين، باوعلي وگال جوعان
انطيته خزرة بس ابد مااهتم ردت اعاند مااكوم بس عمتي گالت..گومي يمة لرجلج كومي حبيبه ابني جوعاااان كالتها مبتسمة ههههه حسيته بسمار، گمت للمطبخ قطعتله فواكه وكل شوي يريد يحظني واهددة بالسجين، لحدما خدعني وسبحني من ظهري لف ايديه عليه يدغدني ويبوس بكتفي ورگبتي متت ضحك واريد ابعده ماكو گوة شلعت روحي اضحك وبعدين عصبت وهددته..والله والله هلمرة كتمت صوتي مرة لخ اصيح ماعلية
..اي اي اعصابج يابه بس تعاي اكلج شغلة
طفرت من يمه اركض ورجعت اضحك عدلت شالي ورحت يم ناديه جانت كاعدات يمها البنات يضحكن باوعلي وزاد ضحكهن، گالت نوروهي تضحك..اكلج بله خل نشوف شعرج وخري شالج،ناديه مدت ايدها تريد تجر الشال وخرت عنهن بسرعه متفشله عرفت نيتهن يتأكد من الختم الملكي
..لا لااا عفيه بعدين هسة شعري مو مرتب
ناديه..اي عااادي المهم نشوفه هههه
..ابددد والله اسكتي حبابه
سكتت تغمزلي، اسمع عمتي تسأل العمة نهى..شلونه سامر شنو اجه وياج من زمان ماشايفينه
ردت عليها العمة نهى..الحمدلله والله بخير بس ملتهي بمدرسته تعرفين سادس وتعب والله
درت وجهي على البنيه الاجت ويه العمة نهى تسئلي...انتي شنو دارسه؟
..جاوبتها..مكملة سادس اعدادي، وانتي؟
..اني بالثالث متوسط، بس ليش شنو متداومين كليه؟
..لا
سمعت بسمة شهكت وحاجتني بقهر..ليش خايبه اني ميته علما اوصل للكليه شبيج ماداومتي انتي؟
..ماكدرت هو بوكتها تزوجت
..واكيد مصطفى من سابع المستحيلات يخليج تكملين كليه هههه هو احنه گوة خلانه لو ما ابويه يحاجيه ويقنعه والله جان هم بطلنه
كاعدين واجه مصطفى باوعلي مبتسم من صدك انصدمت بتصرفاته والله هلمرة الا اعيط بيه صدك حتى تفشلت، باوعلي وگال ..تعااي بعده مامكمل وقاطعته عمتي..وووييين شبيك يمة اندهرت على البت اصبر يمه لليل ولك مصختها
باوع لأمه متضايق وگال..ليش شسويت هسة انا واجبها تساعدني بتجهيز الي احتاجه
باوعلي وصاح ..كومييي خلصيني اريد اطلع بشغل تعاي انطيني غراضي العندج بسررررعه
طفرت بسرعه مخبوصه وركضت كدامه هن سكتن كلهن عرفنه عصب، رحت انطيته ساعته ومحفظته جانن بغرفة البنات ،لبس وتعطر ووكف يعدل بشعره گدام المرايه ،باوعلي بحدة وگال شكايلتلهننن؟
..والله ماگلت شي اصلا انت فضحتنه خليتهن بس يضحكن وكاشفاتنه تراا
..اسمعيني ديربالج تسولفين بحياتنا الخاصه والله لأشعلها نار عليج هاي انا اتخبببل ولااحد يتدخل بحياتي سامعه؟
..اي ان شاء الله بس انت هم انتبه
عافني وطلع طلعت وراه ولكيت بنت عمته واكفه تباوع ع الباب من شافتني دنكت راسها ومشت، اني هناا بديت اشعوووط هاي شبيها شنو جانت تراقبنه، ليش يعني؟ اكو شي بالموضوع هاي العايزة، انتبهلي هو وكال.. شبيج تباوعين هناك انتبهي هنا معليج بالشفتيه وصدگي الامور كلها تمام والموجودين كلهم گلبهم نظيف لاتخافين، وهسة انا طالع نتفق ويه الطباخ يطبخ للعزيمه الليله، راح بعدما ريحني بكلامه شويه لأن خفته من البنيه عبالي عدها شي وياه قديم ..
بارت15
صار العشه ومدو سفرة للنسوان وسفرة للزلم انترست بأنواع الاكل مالذ وطاب، الكل يسولف ويضحك فرحان والاكثر جانت عمتي كلش فرحانه ومن فرحتها دموعها كل شوي تنزل مامصدگه رجع ابنها، واني فرحانه واخيرا اعيش بين ناس طيبه مثلهم ولو لسة ماعرفتهم زين بس كلشي يبين بالوجوه، لليل الكل راح ونظفنه اني والبنات وغسلنه المواعين بين الضحك والونسه وخلصنه، ورحت انام كلش تعبانه، جهزولنه غرفة مصطفى القديم جانت حلوة شبابيه السرير بيها متوسط مو مثل سريرنا بالبيت واسع وابو البردات احلى شي خلصت منهن، دخلت للغرفه جان مصطفى متمدد وايده ع عيونه باوعلي وابتسم، ذبيت شالي وبدلت من ملابس البنات لان مجايبه ملابس وياي، ورحت تمددت، احتضني بسرعه يهمس..لج مشتااق شدعوة ماصدگتي تلتهين عني؟
..اممم والله اني هم مشتاقه بس شأسوي مو فارغه وبعدين انت ماقصرت
..اي حقي اي غير مشتااااق دتعاااااي
بعدها التهينه نعبر عن شوقنه المجنون ...
صبحت بصباح حلو اتمنى دائما يبقى هيج جنت متحمسه اكعد واقوم بواجب الچنه، سوينه الريوك اني وناديه والبنات نايمات، رحت سحلتهن سحل حتى يگعدن يتريكن ويانه
..كعددددن عابت تنبل، نوووور حبابه كومي تريكو ويانه
بسمة كعدت تخزر بيه وتأفأف..انعل حظيييي شجابج علينه ياربييي تروح امي تجي هاي العوبه تگعدنه افففف
سحلت الغطا منهن وكعد يتطافرن نور ركضت وراي بالمخدة شبعتني دگ يلا گامن يخوزرن بيه يگول چنهن نسورة
..التمينه نتريگ ومابقت سالفه ماحجو بيها العائلة من تلتم لسانها مايسكت بعد الريوگ مصطفى راح لبيتنه جاب ملابس النه والغراض النحتاجهن هالايام ورجع، للعصر كاعدة يم البنات واجه مصطفى حاجاني مبتسم..عيني كومي حضريلي ملابس دأطلع ويه صديقي
رحت جهزتله ملابسه ووكفت اساعده بلبس السترة ..حبيبييي شنو وين رايح مگتلي
..اممم متواعد ويه سيف من زمان مشايفه
..يووو تصدگ ذكرتني بخاله ام سيف وچنتها ابد ممحاجيتهن هسة ظل بالهن لان متعودة دائما اراسلهن، راح مصطفى واني راسلت دانيه البقت تعتب نسيتينه وبعد متردين وشسالفه .تعذرت منها ونهيت المراسلة ورجعت للصاله جانت عمة والبنات كاعدات، اجه وائل بكشخته يغني بكتب اسمك ياحبيبي على الحور العتيق وتكتب اسمي ياحبيبي ع رمل الطرييييق، گامت بسمة تغني وياه وهو لزمها من ايديها ويفر بيها واحنه مصفصفين شبيهم هذول!!
حجت عمتي وهي تضرب ايد بأيد..يا يا شبيك يمة اجتك الحاله
..اخخخ لج يوم جنت ببيت عمتي نهى وسگيت گلبي واجيت
كلهن گامن يضحكن عليه واني مافهمت شي، ناديه كاعدة بصفي سألته..شكو مافهمت؟
..هههه لج هذا كله ست سارة
..ههه يااعزاا يحبها زين وهي تحبه
..لا لج بعدهي صغيرة بالثالث بس هي تعرف بيه اعتقد لأن اكثر من مرة وضحلها من بعيد هو يحبها
..الله يهنيهم يارب، سألتني عمتي وين مصطفى راح؟
جاوبتها..عمة راح يشوف صديقه سيف، مااعرف ليش تذكرت موضوع نور وسيف من خلصت كلامي التفت لنور بسرعه تغير وجهة باوعتلي دنگت بحزن ،بعدها اجت ام نادية تونسنة وياها........
المغرب وكفنه نسوي عشا ونسولف انتبهت لنور هاادئة من العصر ولحد الان وبالها مو يمنه نور جميله بيضه عيون كبار ورشيييقه طولها حلو
..احممم نور اكدر اسألج سؤال
..اوووف لاتسأليني اني اجاوبج، رفضت سيف عناد بأخوي لأن حسيت ديريد يجبرني اعترف سيف خوش ولد والف وحدة تتمناه بس اني تكبرت وسببت مشكلة واعترف بغلطتي
..صدگيني مصطفى عاذرج اصلا هو يلوم بنفسة جان حييل مقهور شلون أذاج هيج
بسمة..يووو عاد سدن هالموضوع كافي قهر وانتي ست نوووور شعندج بطاري عن سيييف
نور..اا عادي لا هيج بس تذكرت يعني عادي
مرت الايام ببيت عمي ابو مصطفى يوميه تجي وحدة من عماتهم وخالاتهم عصريه
انتبهت واحد من اولاد من اقاربهم اسمة ياسر عيونه على بسمة ويصفن بيها ويختلق احاديث وياها بس هي ترد عليه عادي بلا أبالي ومو يمة ابد بسمة حلوة بيضه وعيونها سود تجنن بس شوية قصيرة يمكنن انجن على طولها هههه
مصطفى راح لدوامة وعافني عند اهلة واني جنت اول المشجعين لقراره ،اني والبنات خلصناها نسهر على الافلام ونخترع اكلات ونلعب بخلقتنه بحيث احس وجهي صار يلمع يخبل، ثاني يوم الظهر جنت گاعدة بغرفة البنات اباوع تلفزيون ونور كاعدة تكنك وبسمة بالمدرسة والباقي نايمين
..نووور حبابه عوفي التلفون وسولفي وياي ضوووجه
نور..اوووي ماما دلاتتنعوصين واحجي عدل وثانيا شسولف عدج سالفه احجي ماعندج اسكتي خليني مندمجه العب
..عابت مزاعلتج
..ههههه لا لا كلشي ولازعلج حياتي اكلج حبابه لاترحون ابقو عيشو ويانه
..اوووف ليش بكيفي غير هذا اخوج وعناده
..على طاري اخوي مو اليوم جاي متگومين تجهزين نفسج لأستقباله
..اي للعصر يوصل وبعدين شجهز عيب الولد وعمي منا مو مال اجهز نفسي ههههه خل اگوم اكل فد شي جعت هالايام كومة اجوع
طلعت للمطبخ اكلت لفة جبن ومربى ووكفت على السنك اغسل دنگت واحس بأيدين التفت على خصري ووجهة برگبتي، شهگت متفاجأة بسرعه سد حلگي ودارني عليه
ابتسم وهمس..اششش لتفضحينه هههه حبيبي منتظرني شنو؟
..وخرت ايده وحظنته حييل مشتاقتله .. ترا فززتني هههه لاا معبالي توصل هسة جنت آكل
