فى بيت كريم
تقف امل مصدومه من طلب كريم : انت بتقول ايه !! انت عارف انت عايز ايه؟؟!
كريم : انا لو مكنتش عارف انا ايه اللى قولته مكنتش قولته اساسا انا مش معترض على الطفل
امل مقاطعه بغضب : اومال لو كنت معترض كنت عاملت ايه كنت قتلتنى !! انت اكيد اتجننت انا مش هقتل ابنى انت لو مش عايزه طلقنى ايوه طلقنى يلاااا انا عايزه اطلق حالا يلاااا
كريم : اطلقك !! انت اتجننتى انا بحبك مش هطلقك امل بهيستيريا : بتحبنى!! انا تعبت منك تعبت من كل حاجه فيك انا بجد مش فهماك ازاى بتحبنى و مش عايز الولد ازااااى !! قووول ازااااى !!
كريم : اهدى اهدي بس علشان البيبى
امل : انت اكيد عندك انفصام
كريم : انتى مش فهمانى انا بقول كدا علشان احنا لسه اودمنا الكليه و حاجات تانيه
امل : انا مش عايزه حاجه غير ابنى
كريم : لا ازاى انتى لازم تكملى تعليمك و انا كمان اكمل
امل : يا سيدى انا مش عايزه اكمل زفت كمل انت انا هبقى ادخل ابنى الكليه و اخليه يعمل دكتوراه و هيبقى احسن واحد فى الدنيا دى كلها
كريم : يا امل افهمينى
امل مقاطعه له : انا مش عايزه افهم مش عايزه حاجه غير ابنى انا لو هموت علشان هو يعيش هموت لكن هو لا فاهم لااااا دا ابنى
كريم : تمام تمام انا فهمت و الله خلاص تعالى بقى انزلى علشان تفطرى
امل : مش عايزه اكل ابعد عنى
كريم : يلا بقى متبقيش زى العيال يلاا لو مش علشانك يبقى علشان اللى فى بطنك
امل : تمام انا هنزل اكل اسبقنى انت
كريم : تمام
و خرج كريم من الغرفه و قالت امل فى نفسها : ايه دا بقى انا كنت ناقصه احمل يا ربى بقى استرها
و غيرت ملابسها و نزلت الى الصالون كى تفطر معهم
قالت فوزيه : يا بنتى انتى ايه اللى نزلك انا كنت لسه هطلعلك الاكل لحد فوق
كريم : ايه دا طب و انا
فوزيه : هو انت حامل !!
كريم : ايه الاحراج دا بقى
فوزيه : علشان تقعد ساكت
كريم : بتيجى فى صفها عليا
فوزيه : اه علشان هى حامل فى ولى العهد
كريم : ايه جو حماده هلال دا
فوزيه : تعرف انك سخيف
امل : ايوه و الله يا حماتى اوى
كريم : ان كيدهن عظيم اللطف من عندك يا رب
و جلسوا يتناولون الطعام
......................................................
عند ليث ...
جالسه روعه تفكر فيما قاله جاسر لها استيقظ ليث و قال لها : ايه دا انت صاحيه من امتى !؟
روعه : كويس انك صحيت كنت عايزاك فى موضوع ليث : اتفضلى كلى اذان صاغيه يلا غنى عليا الصبح طلع للنكد
روعه : ليث انا بتكلم جد
ليث : مالك يا بنتى ما انتى كنتى كويسه امبارح ايه حصلك بقا ؟!
روعه : صح الكلام اللى عرفته دا يا ليث !!
ليث : عرفتى ايه !!
روعه : انك خاطفنى علشان تزلنى و تكسرنى و تخلينى اتمنى الموت و توصلنى لحد لما اطلب انك تموتنى و انت مترضاش و انا اقتل نفسي زى ما عملت امل فى مازن
ليث : انتى مين قالك الكلام دا !؟
روعه : جاسر جاسر هو اللى قالى
ليث : مش انا قولتلك متكلميش زفت الطين دا ثم ان تعالى هنا كلمتيه ازاى !!
روعه : دا كل اللى همك !! انه كلمنى ازاى انت كنت نايم اعد يتصل عليك و انا خوفت بصراحه اصحيك علشان انا خﻻص قرفت من زعقك و قرفت منك شخصيا فرديت عليه قالى انزليلى عايزك
ليث بغضب : ايه و نزلتى !!
روعه : متغيرش الموضوع انا بقولك الكلام دا صح و لا غلط انطق
ليث : هو صح لكن لكن
روعه : ملكنش انت كنت عايز تعمل كل دا فيا ليه !! ليييه !! انا عملت فيك ايه لكل دا ؟! انا قولتلك مليون مره ان انت مش امل و بالرغم من كدا مصدقتنيش انت ايه انت مش بنى ادم انت حيوان حيوان بشع فاكر ان احنا عايشيت فى غابه و انت تقدر تعمل كل اللى انت عايزه من غير عقاب لا انسي انت ليك عقاب كبير اوى لو مش فى الدنيا هيكون فى الاخره كفايه كل دمعه قهر نزلت من عنيا كفايه انى بدعى ان ربنا ياخد حقى منك انت حيوان انت مريض مريض بجد و عايز تتعالج انت ايه انا بكرهك انت عايز ايه بالظبط !؟ عايز تقتلنى و تاخد حق اخوك اللى انا مليش اى زنب فيه بس صدقنى هتحس بعذاب كبير اوى لما تعرف انك ظالم و ظلمتنى بس يا خساره هيكون فات الاوان مش انت عايز تقتلنى حاضر هعملك اللى انت عايزه لحظه بس
و ذهبت و احضرت سكين و قالت : يلاااا يلااا اقتلنى يلا اعمل اللى انت بتحلم بيه انا اتكسرت خلاص
و اكملت ببكاء : انا اتكسرت انا مبقاش فى حاجه ابقا عليها انا عرفت ان كريم الشاب اللى كنت بحبه و كنا هنتجوز بعد اللى حصل دا اتجوز امل انا اتكسرت يا ليث يلا اقتلنى انا قلبى واجعنى اوى يلاااا يلاااا اقتلنى انا مش عايزه افضل عايشه فى الدنيا الظالمه دى انا كرهت كل حاجه فيها و اولها انى كرهت نفسي يلااا خلصنى من عذابى اعمل حاجه واحده بس تفرحنى
ليث : انا انا انا مش هقدر يلا يا امل نزلى السكينه يلاااا
روعه بهيستيريا : لا لا لا لا لا متقوليش يا امل انا مش امل انا روعه سامع انا روعه انا تعبت ااااااااااا ليث : تمام تمام انتى روعه يلا بقى نزلى السكينه . يلا يا امل اصدى يا روعه يلاا نزليها
روعه : لا انا مش هنزلها غير لما تموتنى يلا يا ليث ارجوك ارجوك خلصنى من التعب دا كله انا تعبااانه اوى انا مش قادره اكمل انا اتخنقت ارجوك ارجوك اقتلنى يلا انت هترتاح و انا هرتاح و الناس كلها هتكون مرتاحه يلاااااا يلااا اقتلنى ارجوك ابوس ايدك ليث و هو يقترب من روعه كى ياخد السكينه منها : طب تمام هاتى السكينه دى علشان اقتلك يلاا هاتيها روعه : بجد !! بجد هتقتلنى !!
ليث : اه هقتلك صدقينى
اعطت السكينه لليث و قالت : يلا اقتلنى
ليث و هو يلقى السكينه على الارض و ياخذها فى حضنه : انا مش هقد انتى مش هتموتى انا انا انا اه فعلا كنت عايز فى الاول انى اقتلك و اعذبك و لكن الحكايه اتعكست انا انا انا حبيتك بجد انا مكنتش عامل حساب انى هحبك انا بجد حبيتك من كل قلبى انا مكنتش هتجوزك لكن الخطه كلها اتغيرت و الله يا امل صدقينى
روعه و هى تحاول ان تبعد عنه : انا مش امل انت كداب انت كداب لانك قولت انك هتقتلنى و مقتلتنيش انت كدااااب
احتصنها ليث مره اخرى و قال : اهدى اهدى ارجوكى اهدى علشان متتعبيش
روعه و هى تبعده عنها : متعبش انا لسه هتعب انا تعبت من بدرى بس انت اللى مش واخد بالك انا ادمرت و انت السبب
و مسكت السكين و قالت : انت لو ضعيف و مش هتقدر تقتلنى فانا بقى اللى هعمل المهمه دى و كون فاكر انى مش هكون مسامحاك
و غرست السكين فى بطنها قال ليث بصدمه و هى بين يده : لااااااااا امل امل اماااااااااااااال
.....................................................
هل ماتت روعه !! لا اعرف و لكن هتعرف بس بعديييين بااااى
أنت تقرأ
الليث المنتقم 1
Romanceالحياه عباره عن سلسله من المفاجأت و اﻻحداث الغير متوقعه فتاه بسيطه تدخل فى قصه لا علاقه لها بها و لكن هذا هو قدرها يوم زفافها تحول ليوم ندمت عليه سنوات متتاليه هل لتلك القطه الضعيفه ان تخرج من انتقام الليث
