الليث المنتقم 1

Part 10

كريم بصدمه و ردت فعل غير متوقعه " ايييه!! ازاى؟" الام " هو ايه اللى ازاى انت اهبل " كريم " يا ماما انا مش اصدى انا أصدى  .. انا اصدى ان .. ان يعنى لسه بدرى .. يعنى ليه عندى كليه و هى كمان و لسه عندنا حاجات تانيه " الام " كليه ايه و زفت ايه بس يا شيخ .. انا عايزه حفيدى " كريم " بس يا امى " الام " مفيش يا امى .. مش هتعمل اى حاجه يا كريم لو حفيدى مجاش الدنيا " كريم " انا يا امى مش معترض على انه يجى انا بقول بس لسه بدرى .. انا لسه عندى 19 سنه " الام بغضب كبير و صوت عالى " مادام انت بتقول لسه صغير .. اتجوزت ليه يلاااا .. انت ليه اتجوزتها .. لا و كمان معملتس خطوبه .. انت اللى اخترت يا كريم من الاول .  بس حفيدى محدش هيمسه بالسوء .. مفهههوم " كريم " بس يا ماما " الام منهى الموضوع " مفيش بس و لا حاجه .. الموضوع خلص و انت لازم بقى تعقل علشان انت خلاص بقيت اب و لازم تتحمل المسؤليه " كريم " انا متحمل المسؤليه .. و متحملها جدا كمان " الام " اه ما هو باين جدا انك متحمل المسؤليه .. اطلع شوف مراتك بدل ما انت واقف كدا زى اللوح .. يلاا" كريم " حاضر طالع اهوه " و ذهب كريم الى امل و قال لها " عامله ايه دلوقت ؟؟" امل بفرحه " مبسوطه .. مبسوطه اوى " كريم " يا رب دايما تفضلى مبسوطه " امل " هو انت مش مبسوط و ﻻ ايه ؟؟" كريم " لا انا مبسوط جدا جدا و خصوصا انى هشوف طفل صغير بعد 9 شهور .. و كمان ابنى .. انا الدنيا مش سيعانى " امل " بس دا مش باين يعنى على وشك .. انا كنت حاسه انك مش طايقنى " كريم " ايه الهبل اللى انتى بتقوليه دا .. لا اكيد مبسوط و لكن " امل مقاطعه " هو الموضوع دا فيه فرحان و لكن " كريم موضحا " انا اصدى يعنى كنا نأخر الموضوع دا شويه علشان تعرفى تروحى الكليه" امل " لا ملكش دعوه انا هعرف اوفق بين البيت و الدراسه عادى " كريم " هتعرفى توفقى ازاى " امل " كريم انت عايز ايه بالظبط " كريم " سقطى " امل " اييييه ؟؟"
......................................................
عند ليث و روعه
بعد انتهاء عقد القرأن قال ليث " تعالى اشترليلك هدوم علشان هنسافر دلوقت " روعه " انا افتكرتك نسيت .. ليث .. ارجوك انا مش عايزه اروح هناك " ليث " هو انتى تعرفى اساسا البيت " روعه " لا انا مش عارفاه بس من كلام طنط فريده  و جاسر عليه خوفنى منه اوى .. و انا من غير اى حاجه مرعوبه خلقه منك و من كل اللى حاوليك " ليث " اول باند اوعى تجيبى سيره الخوف دى تانى .  لانى بكرها جدا جدا جدا .. ثانيا من هنا و رايح اعرفى و افهمى ان ليث الحديدى مستحيل يرجع فى كلمه قالها اه ممكن يتأخر فى التنفيذ لبعض الاسباب و لكن دا ميقولش انى نسيت .  او مش هعمله .. ثالثا بقى و دا الاهم.. من هنا و رايح مش عايز اسمع اسم البنى ادم دا هنا تانى .. و خصوصا على لسانك انتى بالذات .  لو فعلا عايزه يكون ليكى حبه تقدير عندى " روعه باستغراب " بنى ادم مين ؟؟ ممكن توضح اكتر . " ليث " بطلى الشغل دا .  انا عارف كويس جدا انك عارفه انا اصدى على مين " روعه " طب بص انا اوعدك مش هجيب سرته تانى بس انا عايزه اعرف هو انتو اتخانقتوا " ليث " انا مش بحب الشغل دا "  روعه " شغل ايه بالظبط " ليث " اللى هو تعملى حاجه اودام حاجه " روعه " انا مش بعمل حاجه اودام حاجه .. و لكن انا عايزه اعرف " ليث " تمام يا ستى هقولك و لكن انا كمان هشرط " روعه " ايه هو الشرط " ليث " انتى جاهزه على طول كدا " روعه بضحك ﻻول مره من لحظه رؤيتها ليث "هههه .. اه انا كمان مش بضيع وقت " ليث بعدم وعى " الله .. انتى عارفه " روعه "عارفه ايه " ليث " انتى شكلك حلو اوى لما بتضحكى .. عارفه كدا بتكونى زى العيل الصغير .. لكن و انتى مدايقه و متعصبه بتكونى زى" روعه " زى ايه ؟؟" ليث " زى القطه " روعه " يوووه انا تعبت من القطط و الله " ليث " لا ما انتى مش اى قطه .. انتى قطتى " روعه " اوف " ليث " مالك ؟؟ " روعه " هو دا اللى مدايقنى " ليث " اللى هو ايه يعنى " روعه " انى قطتك " ليث بغضب " و انا فيا ايه علشان تقولى كدا .. يعنى ايه هو دا اللى مدايقك " و رجع مره اخرى ليث القديم " طب ايه بقى انا عيل *** علشان حاولت اهزر معاكى .. طب برضاكى او غصب عنك هتكونى قطتى .. و هتكونى ليا  انتى كنتى خلاص " روعه " انت افشت ليه ؟؟" ليث بغضب " امشى و انت ساكته خلينا نشترى زفت هدوم علشان الزفت الخرا السفر " روعه " انا مكنش اصدى و الله .  انا كنت بهزر " ليث منهى الموضوع " تمام خلاص .  امشى من سكات " روعه " انا و الله كنت بهزر " ليث " خلاص قولت " روعه " حاضر ..  ادينى اهوه سكت " ليث " و دا احسن حاجه هتعمليها " روعه " تمام " و دخلوا محلات لشراء الملابس و ظلوا يشترون فى الملابس حتى حل الليل قالت روعه " ااا.. انا مش قادره . انا خلاص تعبت اوى مش قادره اكمل انت ايه مش بتتعب .. انت اكيد مش بنى ادم طبيعى " ليث و هو يمشي و لا يشعر باى شئ من التعب " مش قادره ايه .. احنا لسه معملناش حاجه .  انتى اللى خرعه اعملك ايه انا " روعه بطفوليه " على فكره انا مش ضعيفه .  انا قويه جدا انا كنت بكسب مصطفى و محمود و محمد و ياسر و مروان فى الرست " ليث " يا ما شاء الله كل دول شباب تعرفيهم " روعه " لا انت مش فاهم مصطفى دا خالى الكبير يعنى حوالى 37 سنه  .. و محمود دا خالى الصغير حوالى 33 سنه " ليث " تمام دا بالنسبه لمصطفى و محمود .. و مين بقى الباقى انتى ما شاء الله قولتى مصر كلها " روعه " ههه لا مش مصر كلها و لا حاجه محمد و ياسر دول اخواتى فى الرضاعه .. ماما هى اللى رضعتهم و اتربوا معايا علشان دول ايتام .. و محمد عنده 17 سنه و ياسر عنده 10 سنين .. يعنى انا الكبيره بردو .  بس كدا " ليث باستنكار " لسه فى واحد .. اللى هو مروان " روعه " ههه .. انت حفظتهم و لا ايه .. تمام يا سيدى ..مروان دا بقى حبيبى .. دا العشق كله .." ليث بغضب " نعم !!" روعه " هو ايه اللى نعم بقولك دا العشق كله " ليث و هو يريد ان يتمالك اعصابه " احترمى نفسك و اتمسى على المسا " روعه " مش عايز تعرف يبقى مين " ليث " لا مش عايز اعرف " روعه " لا هقولك" ليث " و انا بقول مش عايز اسمع " روعه " انت مش عايز تسمع بس انا بحكى .  يعنى تسمعنى لحد لما اخلص لانك انت اللى سألت .  يا سيدى مروان دا يبقى .. يبقى .. دا كان المدرس بتاعى فى الاعدادى و كان عنده 40 سنه " ليث " نعمم!! " روعه " اه فعلا و الله انا مش بكدب .  هو كان مدرس الالعاب بتاعى و كان بيحبنى اوى " ليث " نعم يختى " روعه " اهدى بس كدا و استنى اسمع لحد الاخر .  اصدى يعنى كان بيحبنى زى بنته .  لانه انفصل عن مراته . و بعدها اخدت بنته و سافرت امريكا و هو مكنش بيعرف عنهم اى حاجه ... كانوا بيبعتوا رسايل و لكن بطلوا .. ليث انا ممكن اطلب منك اخر طلب " ليث " قولى " روعه " انت لو ليك معارف ممكن يعنى تعرف هى عامله ايه ..من اللى انا فهمته انك ظابط " ليث " اه و كمان موقوف عن العمل " روعه " ليه كدا " نظر لها باستنكار ..
......................................................انتهى البارت دا .. بااااى ..