#ضحية_قرار💗
#الحلقة_4 ❄
.
.
.
.
.
.
.
"أَنت الوَطن الذيْ ألجأُ اليه من تَعبِ الحياة💜"
.
.
.
.
.
.
.
سوسن زي الهبلة تجري هگ و هگ و مش ملحقة على شي تبي توتي كل حاجة قبل ما يجو هل فارس و امها ما زالت ما قالتلهش على شي
سوسن تسقم في شعرها ع المراية خشت عليها أمها قارنة حواجبها
ألفت ؛؛ ليش اتوتي من صبح ربي من بي يجيك ؟
سوسن خذت نفس عميق و التفتت لها و في راسها ألف كلمة و كلمة
سوسن ؛؛ ماما نبي نحكي معاك فـ موضوع
ألفت ؛؛ شنو ؟
سوسن تجمع في كلامها ؛؛ ماما أنا..........أنا نحب واحد و الحد هذا اليوم بيجيب أمه و خواته بيش يتقدملي
ألفت عيونها توسعوا ؛؛؛ لاااا لا انتي عارفة انك لولد خالك صح و لا لا ؟ و مسحتيل نرضى بالشلتوت المنتف لي جايبتيه ليا الموضوع انتهى توا تكلميه و تلغي كل حاجة
سوسن بجرأة مش عارفة منين جتها ؛؛ تي شنو الغي كل حاجة ولد خالي ما نبيش اخترتيه انتي انتي اللي تجوزيه ما تقرريش حاجة نيابة عني و نا نبي فاارس و مش حناخذ غيره
ألفت بصوت عالي ؛؛ تعاندي فيا يعني؟؟
سوسن ؛؛ هذي حياتي و هذا مستقبلي و من حقي عـ الاقل نختار مع من نعيشها
ألفت ؛؛ هاتي فونك
سوسن ؛؛ شن تبي فيه ؟
ألفت ؛؛ قتلك هااتيه راني نكسره على راسك تووو
سوسن خافت شوي طلعاته لها
ألفت خذت التلفون و طلعت و سكرت الدار من برا و حبست سوسن فيها
سوسن تخبط و تبكي مس مصدقة شن اللي قاعد يصير خبطت نين دهشت و ما فتحتلهش
ألفت مقمعزة في الصالة ترجى في الضيوف
طق طق طق
ألفت ؛؛ روز افتحي الباب
طلعت الخدامة و فتحت الباب و خشو مبروكة أم فارس و أخته نادين للصالة و قمعزوا
حكوا شوية و هكي بعدين فتحت مبروكة الموضوع
مبروكة ؛؛ و الله نحنا جايين نبو نطلبوا يد بنتك سوسن لـ ولدي فارس
ألفت بتكبر ؛؛ اهااا
نادين ؛؛ إذا ما كانش عندكم مانع طبعا هي مجرد خطوبة نين يتخرجوا قبل
ألفت ؛؛ بس بنتي مخطوبة لولد خوي مهندس أنور أكيد عرفتنه ❗
نادين و مبروكة على وجوهم علامات الصدمة و مش مصدقين
نادين ؛؛ بس هي عارفة ان نحنا نبوا نجوكم ؟!!
ألفت ؛؛ هي مش موجودة طلعت مع خطيبها امبدري شوي و قالتلي نتمم معاكم كل شي
أنت تقرأ
ضحية قرار
Acakأّشٍهِقِ بِګ فِّ تّمَتّلَئ رئتّأّيِّ مَنِ عٌشٍقِګ فِّ حٌيِّنِهِأّ لَأّ أّحٌبِ أّنِ أّزِّفِّر شٍهِقِتّيِّ فِّ هِيِّ لَګ وِبِګ أّحٌبِګ وِأّتّنِفَِّّس مَنِ خَلَأّلَګّ. . . . .. . . . رواية ليبية لـ بنت عانت كثير من تخلف عقول عائلتها و انتهت حياتها تشو...
