ﻻﺯﻡ ﺗﻔﻬﻤﻮ ﻛﻠﻤﺔ " ﺭﺍﻧﻲ ﺗﻌﺒﺖ "
ﻛﻲ ﺗﺴﻤﻊ ﺍﻧﺴﺎﻥ ﺩﻳﻤﺎ ﻳﻘﻠﻚ (
ﺭﺍﻧﻲ ﺗﻌﺒﺖ ) ﻭ ﺍﻻ ( ﺭﺍﻧﻲ ﺗﺎﻋﺐ
) ﻣﺎﻫﻮﺵ ﻳﻘﺼﺪ ﺍﻟﻲ ﻫﻮ ﻧﺎﻗﺺ
ﻧﻮﻡ ﻭ ﺍﻻ ﺗﺎﻋﺐ ﻓﻲ ﺑﺪﻧﻮ ﻭ ﺍﻻ
ﻳﺤﺐ ﻳﺮﻗﺪ .. ﺗﻌﺒﺖ ﻣﻌﻨﺘﻬﺎ
ﻣﻌﺎﺩﺵ ﻋﻨﺪﻱ ﻃﺎﻗﺔ ﺑﺎﺵ
ﻧﺘﺤﻤﻞ..ﻣﻌﺎﺩﺵ ﻋﻨﺪﻱ ﻃﺎﻗﺔ
ﺑﺎﺵ ﻧﻌﺎﺭﻙ ﻭ ﻧﺎﻗﺶ ﻭ ﻧﻔﺴﺮ ﻭ
ﻧﻠﻮﻡ ﻭﻧﺤﻜﻲ.. ﻣﻌﺎﺩﺵ ﻋﻨﺪﻱ
ﻃﺎﻗﺔ ﺣﺘﻰ ﺑﺶ ﻧﻠﺰ ﺭﻭﺣﻲ ﺑﺎﺵ
ﻧﺘﺒﺴﻢ ..
ﺗﻌﺒﺖ ﻣﻌﻨﺘﻬﺎ ﻣﻌﺎﺩﺵ ﺍﻧﺠﻢ ﻧﻘﺒﻞ
ﻃﺎﻗﺔ ﺳﻠﺒﻴﺔ ﻣﻌﻨﺘﻬﺎ ﺭﺍﻧﻲ ﻓﻲ
ﺃﺿﻌﻒ ﺣﺎﻻﺗﻲ ﻭ ﻣﻤﻜﻦ ﻛﻠﻤﺔ
ﺷﺒﻲ ﻭﺟﻬﻚ ﺃﺻﻔﺮ ﺗﺨﻠﻴﻚ ﺗﺒﻜﻲ
ﻳﻮﻣﻴﻦ ﻭ ﻣﺎﻛﺶ ﻓﺎﻫﻢ ﻋﻼﺵ ﻭ ﺍﻻ
ﺷﻨﻮﺓ ﺳﺒﺐ ﺍﻟﻲ ﻳﺒﻜﻲ ﻓﻴﻚ !!
ﺗﻌﺒﺖ ﻣﻌﻨﺘﻬﺎ ﺍﻟﺒﺎﺭﺡ ﻧﺠﻢ ﻧﺪﻫﻢ
ﻋﻠﻰ ﺟﺒﻞ ﺑﻘﺎﺩﻭﻣﺔ.. ﺍﻟﻴﻮﻡ
ﻣﻌﻨﺪﻳﺶ ﺍﻟﻄﺎﻗﺔ ﺣﺘﻰ ﺑﺎﺵ ﻧﻔﻴﻖ
ﻭ ﻧﻘﺎﺑﻞ ﺍﻟﻨﺎﺱ ..
ﺗﻌﺒﺖ ﻣﻌﻨﺘﻬﺎ ﻣﺎ ﺗﻘﻮﻟﻴﺶ ﺑﺮﺓ
ﺍﺭﻗﺪ ﺍﺭﺗﺎﺡ !! ﺭﺍﺣﺘﻲ ﻣﻮﺵ
ﻓﺎﻟﻨﻮﻡ ﺭﺍﺣﺘﻲ ﻛﻲ ﻧﻠﻘﻰ ﺷﻜﻮﻥ
ﻳﻌﻄﻴﻨﻲ ﻃﺎﻗﺔ ﺍﻳﺠﺎﺑﻴﺔ..ﺭﺍﺣﺘﻲ ﻓﻲ
ﻣﻴﺴﺎﺝ ﻣﻨﻐﻴﺮ ﺳﺒﺐ ، ﻓﻲ ﺇﻫﺘﻤﺎﻡ
ﺯﺍﻳﺪ ، ﻓﻲ ﻛﻠﻤﺔ ﻃﻴﺒﺔ ، ﻓﻲ ﺩﻋﻮﺓ
ﻣﺎﻟﻘﻠﺐ .. ﺗﻌﺒﺖ ﻣﻌﻨﺘﻬﺎ ﻫﺎﻙ
ﺍﻟﺼﻮﺕ ﺍﻟﻲ ﺩﺍﺧﻠﻚ ﺍﻟﻲ ﻳﻘﻠﻚ
ﻓﻴﻖ ﻭ ﻋﻤﻞ ﻋﻠﻰ ﺭﺑﻲ ﻭ ﺍﻟﺤﻴﺎﺓ
ﺣﻠﻮﺓ ﻭ ﺇﺿﺤﻚ ﻭ ﺍﻟﻌﺐ ﻭ ﺍﺧﺮﺝ
ﻭ ﺗﻔﺮﻫﺪ ﻭ ﻃﻴﺐ ﻭ ﻛﻮﻝ ﻭ
ﺍﺷﺮﺏ ﻭ ﺣﻞ ﺗﻠﻔﺰﺓ ﺗﻔﺮﺝ ﻋﻠﻰ
ﺣﺎﺟﺔ ﻭ ﺍﺷﺮﻱ ﻭ ﻛﻨﻜﺘﻲ ﻭ ﺍﺣﻜﻲ
ﻣﻊ ﺻﺤﺎﺑﻚ ﻭ ﺍﺣﻜﻲ ﻣﻊ ﺍﻟﻲ
ﻳﺤﺒﻮﻙ.... ﺍﻟﻴﻮﻡ ﻳﻘﻠﻚ ﺳﻜﺮ
ﺍﻟﺘﻠﻔﻮﻥ ﻭ ﺳﻜﺮ ﻋﻠﻰ ﺭﻭﺣﻚ
ﺍﻟﺒﻴﺖ ﻭ ﺍﺑﻌﺪ ﻋﺎﻟﻨﺎﺱ ﺍﻟﻜﻞ ﻭ
ﻣﺼﺎﺏ ﺭﺍﻙ ﺟﻴﺖ ﻓﻲ ﺟﺰﻳﺮﺓ
ﻣﻄﻴﺶ ﻭﺣﺪﻙ ﻣﺎ ﺗﺮﻯ ﺣﺪ ﻭ ﻣﺎ
ﻳﻘﻠﻘﻚ ﺣﺪ ﺷﺒﻴﻚ ﻭ ﻣﺎ ﻓﻤﺎﺵ
ﺣﺎﺟﺔ ﻣﻠﺰﻭﻡ ﻋﻠﻴﻚ ﺗﻌﻤﻠﻬﺎ ﻭ ﺳﻜﺮ
ﻋﻴﻨﻚ ﻣﺎﻋﺎﺩﺵ ﺗﺤﻠﻬﺎ..
ﺗﻌﺒﺖ ﻣﻌﻨﺘﻬﺎ ﻓﻤﺎ1000ﺣﻜﺎﻳﺔ ﻭ
ﺣﻜﺎﻳﺔ ﻓﻲ ﻣﺨﻲ ﻭ ﺃﻟﻒ ﺍﺣﺴﺎﺱ
ﻭ ﺍﺣﺴﺎﺱ ﻭ ﺃﻟﻒ ﻓﻜﺮﺓ ﻭ ﺃﻟﻒ
ﺻﻮﺕ ﻭ ﺃﻟﻒ ﺗﻨﻬﻴﺪﺓ ﻭ ﺣﺮﺏ ﻭ
ﻗﻨﺎﺑﻞ ﻭ ﻣﻮﺕ ﻭ ﺻﺮﺍﻋﺎﺕ ﻓﻲ
ﺩﺍﺧﻠﻲ ﻭ ﻛﻲ ﺗﺴﺄﻟﻨﻲ ﻧﺘﺨﻨﻖ ﻭ
ﻧﻘﻠﻚ ﻣﺎ ﻓﻤﺎ ﺷﻲء ﻭ ﺍﻻ ﻻ ﻟﺒﺎﺱ .
.
ﺍﻟﻲ ﺗﺎﻋﺐ ﻣﺎﻫﻮﺵ ﻳﺴﺘﻨﻰ ﻣﻨﻜﻢ
ﺑﺎﺵ ﺗﻘﻮﻟﻮ ﻋﻠﻰ ﺭﺑﻲ ﻭ ﺍﻻ ﺗﻲ
ﻫﺎﻧﺎ ﺍﻟﻜﻞ ﻛﻴﻒ ﻛﻴﻒ.. ﺍﻟﻲ
ﺗﺎﻋﺐ ﻣﺎﻫﻮﺵ ﻳﺴﺘﻨﻰ ﺑﺎﺵ
ﺗﻘﻮﻟﻮ ﺑﺮﺓ ﺍﺭﻗﺪ.. ﺍﻟﻲ ﺗﺎﻋﺐ
ﻣﺎﻫﻮﺵ ﻳﺴﺘﻨﻰ ﻓﻲ ﻛﻠﻤﺔ ﺍﻟﻠﻪ
ﻏﺎﻟﺐ ﻭ ﻫﺎﺫﻳﻜﺎ ﺩﻧﻴﺎ .. ﻭ ﺍﻟﻲ
ﺗﺎﻋﺐ ﺧﺎﺻﺔ ﻣﺎﻫﻮﺵ ﻳﺴﺘﻨﻰ ﻓﻲ
ﻛﻠﻤﺔ ﺷﺒﻴﻚ ﻣﻨﻜﺪ ﻭ ﺷﺒﻴﻚ ﺩﻳﻤﺎ
ﻓﺎﺩ ﻣﻨﻐﻴﺮ ﺳﺒﺐ ..ﺧﺎﻃﺮ ﻫﻮ ﻣﺎ
ﻭﺻﻞ ﻟﻠﺤﺎﻟﺔ ﻫﺎﻛﻲ ﻛﺎﻥ ﺭﺍﻫﻮ
ﺗﻌﺐ ﻭ ﻣﺎ ﻟﻘﺎﺵ ﺍﻟﻘﻮﺓ ﺑﺎﺵ
ﻳﺮﺟﻊ ﻛﻴﻤﺎ ﻗﺒﻞ ..
___
VOUS LISEZ
كتاباتي ❤️✌️
Nouvellesقررت باش نعمل الحاجة الي انا نجمها منيش باش نتبع حتى حد معنها منيش باش نكتب ديما قصص و كرونيكات لا باش نكتب الي نحس فيه تبعوني كل مرة موضوع نعيش فيه انا ،انت ،خويا ،اختي تبعوني تو تفهمو فاش قاعدة نقول
