_ تحبني اسلام
_ اي نحبك كيفاش منحبكش و انتي روحي
_ تكذب انتي متحبنيش
_ كيفاش فما شكون ميحبش روحو
_ اي انتي متحبش روحك
Stooopp
سامحني فيبالي نحبك اما طلعت تحبني و منحبكش
سامحني فيبالي نعرفك اما طلعت تعرفني و منعرفكش
سامحني وجعتك نقصتلك من قيمتك عطيتهم الحق يجعوك و مسألتكش اي صحيح ملوجتش عليك
سامحني منستهلكش محولتش نفرحك غايتي كانت فرحتهم حبيت نرى ضحكتهم مش ضحكتك اي صحيح سامحني غايتي نحقق رغبتهم مش رغبتك قلت تو يجي وقتك ماكش باش تهرب
اما لا يا ربي طلعت غالطة انت هربت انتي توجعت مني قلت ميسالش مش حاجة كبيرة طيحة و تو تقوم اما لا انتي مقمتش انتي مجروحة برشا
سامحني متلهيتش بيك كنت نحب نرضيهم و مرضيتكش
سامحني سامحني سامحني اي سامحني ، سامحني خليتك لوطة تحتهم الكل وصلتك لدرجة صفر سكنتك في حبس و انتي تحب الحرية
انا راني نحبك اما محولتش نعرفك محولتش نتقربلك نسالك انت اش تحب انتي اش تتمنى لا محولتش وقتها كنت لاهية بيهم مش بيك معطيتكش الاولوية خليتك في الاخر حاجة ثانوية لين انتي تخليت عليا
اما سامحني كيفاش انا بلاش بيك و انتي بلاش بيا رنا شخص واحد
كيفاش عبد منغير روح رهو مينجمش يعيش
سامحني معطيتكش قيمتك محبيتكش كيما لازم نحبك موديتكش كيما لازم نودك مسقيتكش خليتك تذبل اي برسمي معطيتكش الي تستحقو
......
اما راني نحبك اي انا تو لازم نحبك نحبك يا روحي نعشقك و نهواك لدرجة السمو...
لا مش عبد نقلو روحي لا نحكي على روحي المزيانة العزيزة الي باش نحقق بيها ذاتي
اي نعم مكمش غالطين نحكي على روحي اي انا نحبك يا اسلام نحب روحي
قررت نحب روحي و نتعرف عليها نسمعها و تسمعني نخليك تبدع و نعليك شماتةة فلي قالو ضعيفة و مش با توصل
اي باش نحكي معاك كل يوم نسمعك شنوى تحب و شنوى تتمنى و لوين تحب توصل رغم انا نعرف الي انتي تحب القمة
يزي ما وجعتك و حقرتك لا تو باش نقومو مع بعضنا يا روحي اي نقومو مع بعضنا باش نوريهم الي انتي قوية و مكش باش طيح بالعكس كل طيحة تزيد تقويك و طلعك الفوق
يزينا تو انت و انا واحد لا بينا لا حسد و لا غل اكعلاش انا نحبك و انتي تحبني و باش ناقفو قدام الي قال مكش باش تكمل مكش باش توصل معندك وين ماشية هاك هوني لا انا باش نوصل للقمة الي نحلم بيها و نحقق حلمي
باش نحبك يا روحي العزيزة الي باش نحقق بيها ذاتي
نحبك يا روحي 😊
VOUS LISEZ
كتاباتي ❤️✌️
Cerita Pendekقررت باش نعمل الحاجة الي انا نجمها منيش باش نتبع حتى حد معنها منيش باش نكتب ديما قصص و كرونيكات لا باش نكتب الي نحس فيه تبعوني كل مرة موضوع نعيش فيه انا ،انت ،خويا ،اختي تبعوني تو تفهمو فاش قاعدة نقول
