لكنه لي❤️

13

الحلقة التالتة عشر💙
الجز ء التاني 💙
لكنه لي 💙
عاهد او صوتة صوت شخص. مكسور:انتي ماتعرفيش شن صار فينا في غيابك
انتي عايشة اهني او مش مدكرة شي
فعلا يا بختك
امالا احني الي بيوم او ليلا افقدناگ
احني الي بعرس اختگ خطفوك
او غبتي عن عيني اختگ ال توا حازنة اعليك راجلها الي لحقك بعد هربو منگ في البحر او ماعاد اعرفنا اعليه شي
اني الي اقعدت سنتين لا نتكلم لا نمشي لانخدم لا شي متحمل كل مسؤلية موتك او غيابك اعلينا
كنت منعزل انعزال تام عن العالم بمجرد اول خبر جا لينا اوقفت ع رجليا خبر انك ع قيد الحياة كان زي الاكسجين ليا تتخايلي زي جبل استندت اعليه اوقفت ع رجليا ع خاطرك بالساهل متوقعة اني واقفة قدامك توا اوقفت قدامك بعد هلبا صراعات صارعتها كل خدمتي في روما اتوقفت ماعاذ امشييت للحوش الي في روما من امتا اختفيتي كان الحوش ماليهش طعمة بغيابك كانت الدنيا بكف او انتي بكف بروحك ا ول ماقالولي انك عايشة فكرت في لقائنا من امس او اني مش راقد انفكر فيك بس متوقعتش اتكوني شادة في قلبك كل هادا امتى ابديتي قاسية وين طيبتك او حنيتك وينها وين نيرين الي نعرفها
ليان: نيرين هه اني مش مدكرتها نيرين اني ندكر في ليان بس ليان الي واجهت المجتمع ك بنت يتيمة ليان الي ماليهاش اهل ليان الي ماتعرفش من هيا اساسا عايشة وخلاص حتى انشوف اهلي في الشارع منعرفهمش
امير:بس احني مش دنبنا ان كنا متوقعينك ميتة
ليان :اوكيف عرفتوني ميتة كيف ميتة بدون جتة
امير :بس احني شفنة جتة او اتوقناها انتي
ليان :كيف يعني متعرفش ملامح اختك ولا كيف
امير :كانت الجتة مشوهة
ليان :لو مشوهة شن الي أكدلكم ان الجتة هي اني
امير :كان في رقبتك سنسلك اتحبيها او ماتنحيش فيها بكل من سنيييين طويلة منحيتيهاش من امتى البستيهلامتبيش حد ايقولك نحيها او انشوفها لا ديما في رقبتك ولا مرة في حياتك نحيتيها او شفتها في رقبة هديك البنت او منحوت فيها اسمك
ليان :او كيف البنت وصلتلها السنسلة
انير :انتي قلتيلها خوذيها اتجيب في الحض او اخداتها او ماتت او اني اتاكدت انها انتي من السنسلة
ليان :معقولة تتأكدو اني ميتة من سنسلة
امير :منعرفش بوقتها انحصرة كل افكاري فيك او كان تفكيري محدود
ليان : قعدت تبكي اتمنيتكم بحداي اتمنيت مبعتوش اعليا كنت نتمنى نحضر امعاكم فرحتكم او حزنكم كنت نتمنى انقول اني عيلتي فلان الفولانية
عاهد خانقاتة العبرة :هدا الي عطاه ربي لينا الله غالب يابنتي استهدي بلله او لوحي الافكار الي مش كويسة من راسك
جا عاهد وحضنها حضن اطويل او حتا هيا بادلاتة الشعور المرة هادي او امير حضنها حتا هوا
قعدو كلهم جمب بعض او ليان قعدت جمب بوها اوحكتلهم كل الي صار معاها او عاهد كدالك او بالتفصيل او حكالها عن حياتها كلها او انس في الوقت هدا كان بس يسمع او يتفرج ع ليان او منتبه اعليها انتباه تام قعدو ع نفس الوضعية لساعات اطويلة
_____________________________
احمد؛يا امجد
امجد/نعم
احمد:تي شن صار خيرها ليان من امتى خشت لغرفك الراجل ماعاد
امجد :ليش انت ماعرفت
احمد ؛لا شن ابنعرف
امجذ :هي ليان اهلها اجو لعندها
احمد :عيلتها يعني
امحد :ايي
احمد :اتبصر
امجد :لگ شوباك مالگ امسديك ليكون اتعوضت اعليها هههه
احمد :تي شن تخرض بلله
امجد :اسماع مو قلتو ع اساس رح تجو نهاية الاسبوع لسا نحنا في بداية الاسبوع شو جابكوم
احمد :ليان كان عندها عملية بس مصارش منها وتأجلت
امجد :اهاه
احمد يلا توا ابنمشي نروح تصبح ع خير
امجد :او انت من اهلو
_____________•
او رقدو كلهم بدون أي إستتناء
حلو شعور انگ مرتاح نفسيا اتكون بحدا عيلتك او ناس ايحبوك ناس مرتاح لما اتكون امعاهم حلو شعور العيلة انك اتحس عندك عيلة تحميك من كل شي
رغم ان كانت اليلة مش اي ليلة عادية غير انهم رقدو كلهم في المصحة
ناض انس شاف الساعة القاها الساعة 9:30
شاف للمكان القا روحك في السيارة (هوا ارقد في السيارة او عاهد او امير في الغرفة )نزل من السيارة او اتوجه للغرفة القا امير ع الكنبة او هوا او عاهد ع السرير بس نيرين(ليان)وين مش موجودة امشى لحمام (حشاكم)ملقاهاش
انس:مستحيل يطلع كل الي شفتة امس حلم متأكد ان نيرين موجودة القيناها امس كنت امعاها او اني اطلعت نجري في الممرات لين اسمعت صوتها
ليان :انس
انس :اووووف نيرين
ليان ابتسمت : خيرگ اللطف نايض مخلوع
انس ؛ملقيتكش في الدار اتوقعت انگ حلم مش واقع
ليان :تعرف حتا اني نضت مش مستوعبة
ليان :هه ع العموم انتم ضيوف عنذي افطرت
انس ابتسم :هه لا
ليان :به اتعال خلي نمشو للكافيتيريا نفطرو
انس :تمام
نزلو لوطة للكافيتيرية
ليان :شن تاخد
انس : اقعدي اهوا اني نمشي انجيب
ليان :قتلك اني عازمتك شن اتجيب انت
انس: باهي ناخدو مع بعض
ليان : راسگ يابس🤦🏻‍♀️
انس؛ههههه
اخدو زوز قهوا سادة او قعدو ايهدرزو ع شغل ليان او نضامها
____________________
في ليبيا
حنان : اني منعرفش راجلگ شن رافعا لإيطاليا
ميار :أءءء أء عندا خدمة اي خدمة
حنان :او شن الخدمة هادي من امتا خدمتة برا لبلاد
ميار :مندريش اعليه ترشني عندا بضاعة ابيستلمها
حنان: او وين رجالة ابيستلمة هوا اعلاش
ميار : يا امي شن نندري اعليه اني
حنان ؛مش مراتة انتي ولا رجل كرسي في الحوش ها
ميار :وووه اني بنروح يلا بسلامة
حنان :تي غر اتعالي وين نضتي
ميار :بسلامة
—
حنان ؛اه من اهيا البنت نعرفها في براسها حاجك ولله اعلم
ايمن :اعلاش يعني موضوع عادي يعني اصلا هكي احسن متحشرش انفها بكل شي
حنان :من قعدتها عند عزوزتها او ماجتش عندي واضح ان فيه شي
ايمن :فوتيها يا يما بلاهي فوتيها
حنان :ايه توا انشوفو
___
ميار : ايه نعرف بس ان القضية ليها هلبا بس محبوس ضلم
عادل(مدير البحت الجنائي): هادي قضية كبيرة قضية مخدرات او هوا محبوس اكتر من 5سنين ممكن يعني القضية بغبرتها او تبي ادلة مش هكي تفتحي قضية وخلاص
ميار :رغم هدا اني نبي نقرا القضية الي تبتوها اعليه
عادل:حنحاول انشاء الله
ميار :عندي طلب تاني
عادل :اتفضلي انشاء الله خير
ميار :نبي انشوف زهير 💔
عادل :هه بس اتعالي توا انخليگ اتشوفيه
ميار :حقا
عادل :ايه امشي للقسم نعطيك ورقة تعطيها لمدير قسم الشرطك او قوليلة اني من طرف عادل اوكي
ميار :اوكي
عادل :او انشاء الله زهير يطلع براءة
ميار انشاء الله يارب
طلعت ميار من قسم البحب الجنائي او اتوجهك لقسم الشرطة
وقفت برا كان ليها سنين مخشتش قبل 3اسنين جت اهني او بعدين خوتها ماعاد خلوها تعفس القسم هدا بس رغم كل هادا البعد مزال حب زهير قاعد في قلبها
خشت بخطوات سريعة كأنة بيهرب لو مأسرعتش او حيضيع رغم ان هي أصلا متأخرة او جدا
خشت للقسم بعدين خشت للمسؤل عن الزيارات سبحان الله قداش كل شي بالواسطة سا هل او مبسط حتا الورقة. مافقراهاش مجرذ ناقلتلة من جهت عادل فورا دخلي او اهوا اني توا قاعدة في غرفة الزيارات او نستنة في زهير زعما كيف صار زعما اتغير زعما مزال ايحبني زعما صار ضعيف او زي ماهو اااه ياربي كنت انشوف لناس الي اطلع لزيارة او اتولي او مزال نستنى حتى شفتة من بعيد كان ضاعف هلبا او تحت عيونة سود كا لحيتة طويلة او ملابسة مزرية مقدرتش نتحمل او ل ماشفتة ادموعي ابدو ينزلو لا إرادي
او حتى هوا اول ماشافني صح تفاجأ بس كان مقهور في داخلة عاملني بجفاف
زهير :انتي شن اديري اهني
ميار :زهير اني جاية انزورك او انت اتقولي شن جابك
وخر الكرسي او قعد او قعدت حتا ميار
زهير :شن تبي يعني نستقبلك بالاحضان بعد ماتخليتي اعليا حتا انتي كل وعودك طلعت كدبة او اتخليتي حتا انتي ماوتقتيش بيا اخدلتيني زي ماخدلوني هلبا
ميار :ورب العزة يازهير مازلت انحبك او نعشقك او نوتق فيك ولا مرة دخل الشك لقلبي صدقني
زهير :او بنسبة لزواجك شنو ولا احطياطي اني
ميار :وربي غصبوني اماليا بس وللهي يا زهير ورب العزة متزوجين زواج ع ورق
زهير :هه زواج ع ورق صار
ميار :مسحت دموعي
انت لما خشيت للحبس شن كنت نقرا
زهير :تغيري في الموضوع
زهير :زهير جاوب
ميار :طب شن اتخرجتي ولا مزال
ميار :اتخرجت بس مش من الطب
زهير : هه امالا شن صيدلة ههه
ميار :درت اعادة سنة ع خاطرك
زهير ؛ع خاطري اورفع حاجبة
ميار :اي ع خاطرك خشيت للقانون ع خاطر ايجي هدا اليوم الي نوقف امعاك قريت ليل ونهار باش انطلعك او تطلع بريء او ترفع راسك قدام بوك او امك او كل العيلة بعدك علي مانحاش من حبي ليك بلعكس زاد شوقي الي في قلبي ليك حنطلعك يا زهير افتحت قضيتك من اول وجديد او حنكرر التحقيق او حتطلع والايام بينا
_____
في ايطاليا
الساعة 10:00م
كانو احمد او ليان امقعمزين برا ع كراسي في الحديقة
او امير او عاهد عند غيس او انس طلع ايجيب اشوية حاجات
احمد :شن شعورك يا ليان بعد ما لقيتي عيلتگ
ليان :شعور حلو هلبا بس حاسة فيه حاجة ناقصة منعرفش شن هيا بس فيه شي مش مفهوم
احمد :شن الي مش مفهوم
ليان :منعرفش
اخمد:توا عاد بتروحي ليبيا صح
ليان :بس احني ع كلام بوي ساكنين في روما منعرفش وين بنسكنو ليبيا ولا روما
احمد :حاليا بتولي امعاهم
ليان :ايه اكيد لازم ندكر يا احمد لازم
اوهما ايهدرزو درس انس قدام المصحة او