لكنه لي❤️

الحلقة عشرين ♥️🧸

الحلقة الاخيرة 💭🍃
لكنه لي💔
من الصدمة مقدرش ايقول حتا كلمة او الكل بحداه يسألو فيه بس هوا في عالم تاااني
عند نيرين ♥️
كانو في سفينة مزال كيف ابيطلعو من بنغازي  صارت المسافة ابعيدة هلبا الدنيا كلها بحر قدامهم
علاء:انت امشي جيب لبنات لتلاتة
الراجل :حسنا
نيرين كانت في غرفة بروحها او قلبها ايذق هلبا او بإستمرار او هي تبكي تبي حد ايجي ويطلعها من الازمة الي هما فيها  فجأة. دق الباب نيرين قلبها طاح او عرفت انها مش مزال ع دنيتها هلبا او حتلحق امها 💔 سحبها الراجل من ايديها او طلعها برا شافت نيرين شافت تيماء او لينة كيف يطلعو اعليها كإنها لحضة وداع
علاء:اني قلتلگ لو بوك خبر السرطة اتموتي ولا نيرين هزت راسها بإيه او قلبها مكسور او مش عارفة او يمكن عارفة مصيرها
علاء:انت هييه
الراجل: تحت أمرگ
علاء:امشي جيب الحبل بس بسرعة
نيرين كانت اتفكر بهلبا حاجات بس عارفة ان هادي هي النهاية
جاب الراجل  الحبل او امشى عند علاء او اعطاهولا
علاء اطلع فيا او قالي اتعالي امشيتلا او كنت هلبا عادية ابدا الراجل يربط في رجليا او اربط ايديا او لسقهم في بعض كويس  كنت نضراتي ع صحباتي كأني أنودع فيهم
هووب او ارموني في البحر في هاديق الحضة شديت انفاسي نستنا في حد ينقضني مكنت متوقعا ان هادي هيا نهايتي  نهايتي مع عيلتي صحباتي انس رغم كل ضيق التنفس اطلعت فوق او قلت في نفسي الحمد لله على كل حال (وأشهد أن لا إلله إلا الله وأشهد أن محمد عبده ورسوله) ابدا شيق التنفس ايزيد او ايزيد بديت. نبي نبي انحرك رجليا او انا نفرك ايدي او رجليا ببعض لين ماعاد اقدرت انصكر فمي افتحت فمي نبي ناخد اكسجين اخديت ميا ابديت نختنق او راسي ايدور ليين💔
في حوش عاهد :
عاهد كان. جايتة صدمة لين قعد اقريب نص ساعة او هوا ساكت او الكل ايكلمو ايشربوه في امية او
بعد نص ساعة جاه تليفون
امير:هات هات التليفون
لميس:هاك
امير :ايوا
ناصر:سيد عاهد احنا اعرفنا مكانهم من اتصالك هما في البحر او اني ارسلتلهم عساكري او ابنتك توجعلك انشاء الله
امير :انت متأكد
ناصر:ايه طبعا
سكرو المكالمة او امير طاير من الفرحة بيشوف اختة بس عاهد ساكت  يعرف ان بنت امشت بين ايديه او اخلاص انتهة او ماتت 💔قلب الاب
شاف انس لامير
انس:به وينهم ادوي
امير :قال الاستاد ناصر ان القو الموقع بس هما بعاد هلبا  شكلهم الاسبوع كلا ماشين في البحر او قالو الشرطة ممكن في تلاتة ايام يوصلو للموقع ره
انس: باهي الموقع وين
امير :ولله مانعرف
امشت الايام او انس ماهدا لحضة او هوا ايفكر في حبيبت قلبة او عاهد ساكت من وقت ماجاه هداك التليفون ماقدر يتملم او هوا دموعة ينزلو فقط ف مفيش حد عرف ان نيرين اصلا ميتة 💔
او كل حد مستني اي خبر
بعد مرور 4ايام
ترن ترن ترن
امير :ايوا سيد ناصر
ناصر :اهلا امير شن حالك اكويس
امير : الحمد لله شني طمن بالنا
ناصر :شن بنقولك ولله مانعرف يا امير بس انفضلل انك اتجي اهني او نحكيلك
امير :جاي هي
سكر امير التليفون او ماقال لحد مجرد انا طلع او هوا ساكت لا أكتر  او مجرد ما وصل  للمكان
امير نزل من السيارة  او توجه لمكتب ناصر
ناصر :اهلا
امير :اهلين
ناصر :اتفضل يا ولدي اقعد
امير :بلاهي اتكلم قلبي ع نار اعرفتو حاجة
ناصر :اتناء وصولنا للموقع شفنا السفينة الي كان فيه اختگ او كان معاها بنتين او المجرمين الي معهام بس للأسف السفينة كانت فاضية بس احني خفنا ايكون سبب وجودا في البحر ان يبي يتخلص من البنات الموجودات امعاه ففتشنا في البحر من قبل الغطلس او القينا. القينا
امير كان صوتة يرجف:شششن ال للقيتو
تنهد ناصر : القينا جتةبس كانت مشوهة منعرفوش ادكنت تقدر تتعرف اعليها او لا احني منعرفوش صفات اختك او زيدها وجها مشوه
امير او دموعة ابدو ينزلو موقف مايتمناش حد يوقف فيه 👌🏻
امير كان خاش او كانت اعيونة مليانة دموع رفع ناصر العطى على وجه الجتة او امير بسرعة خبى وجها
ناصر :انت لازم اتقوي قلبك او لازم تعرف البنية اختك او لا
امير رجع اعيونة ع الجتة او جت عينة ع رقبتها شا سلسلة السلسلة هادي كانت عبارة عن  عين زرقة فيها نقطة سودة  هه ع أساس اتجيب في الحض  نيرين كانت السلسلة هادي هلبا او ماتنحيش فيها بكل  او كان من عين السلسلة حرف nصغير او فعلا نفسها الوجه الي ماقدر انس يطلع فيه توا هوا يحضن فيه او ناصر ايقول استهدي بلله يا امير استهدي بلله
امير :لا إلله إلا الله او هوا يحضن فيها او خانقتة العبرة
بعد ساعة او هوا يبكي ع أختة  او توأمة جاه ناصر
ناصر : استهدي بلله يا امير شن صايرلك هادي الدنيا مرة توقف امعانا او مرة ضدنا او هدا نصيبها ملنا لاحقينها ماحد دايم في هادي الدنا انت لازم التكون الضهر لبوك توا بوك لما يعرف ايكون متكسر او  مهدوم لازم اتكون جبل قدام بوك وتهديه انت  لازم توقف ع رجليك قدام الازمة هادي او استغل النعمة الي ربي اعطاها او هي نعمة النسيان
امير اتنهد نزلت اخر دمعة او امسحها :عندك حق لازم نوقف مع بوي في هدا الوقت بارك الله فيك
ناصر :امير قبل ما تطلع فيه حاجة تانية
امير:اتفضل
ناصر :هادا التليفون القيناه اتناء التفتيش في السفينة اتفضل
اهدا امير التليفون بدون مايفتحة حتك او روح للحوش او قال لعمة رجب اول شي او رجب قال ل سارة او سارة قالت للميس او بوهم ع نفس الوضع لا تكلم لا شي قاعد يشبحلهم او دموعة زي الشلال ينزلو متتوقعوش انس كيف ردة فعلا متتوقعوش كيف كان الراجل القوي توا راجل مهزوم مهدوم متحطم صعبة الفراق هدا ره قلبة تكسر هلبا او بعد معانات كان بيحي او يخطب او توا البنية ماتت اه يادنيا
جا اليوم التاني الضهر كان وقت الدفينة
حطو الصندوق في القبر جا امير او بدا ايحط في التراب ع أختة ع نصك ع سندة في هادي الدنيا نص منا توا تحت التراب في الضلام ملفوف بقماش ابيض هوا بيديه يدفن في توأمة او حياتة كلا
امشت اختة او ماعاد حيشوفها او لا حيسمع صوتها
جا انس او خدا البالة من امير او بدا حتا هوا ايحط التراب على نبض من قلبة قلبة توا دفن اهني دفن نبضة قلبة روحة دفن نيرين بإيديه  انتهى الدفن او روحو للحوش امير نزل للحوش
امير :يا لميس
لميس كان وجها احمر من البكاء او دبلانة
امير :يمكن ايكون هدا تابعگ استهدي بلله او مل شي من ربي
لميس اخدت التليفون فتحاتة القت غيس ع التليفون عرفت انها النهاية مع حبيبها  او قالت لأمة ان القو هدا في السفينة او هوا ليه فترة مفقود
بعد مرور 6شهور 
لميس:ايوا
انس:اهلا لميس شن اخبراك
لميس:الحمد لله انس كنت نبي انشوفك نبي نعطيك حاجة ليك
انس باهي اهو جاي
انس طلع من الحوش  او مشى للميس
قعدو في الجنان ع المعشب
او جا اميرقعد امعاهم
امير :انا خصرت هلبا خسرت اختي اخسرت نصي هي مش مجرد اخت هيا صديقة هيا مل شي استاحشتها موت
ابدو كلهم يبكو بعد. 10دقايق حل سكوت قطعت لميس هدا السكوت
لميس:اليوم لأول مرة انخش لغرفة نيرين بعد وفاتها او القيت صورة ليك او امعاها ورقة تحت مخدتها
اخدا انس الصورة او ادكر اليوم الي مانو في البحر قاعدين ايصورو الله يادنيا
قعد يقرا في الورقة
(مش عارفة اعلاش ابنكتب هادي الرسالة بس حبيت اني نكتبها  حنبدا ببابا
بابا انت شخص علمتنا كل شي في الدنيا حبيتنا او حميتنا من الناس او من تصرفاتهم امعانة او كلامهم او من كل شي كنت انت الاب او الام في نفس الوقت لدرجة محسيناش بغياب امنا بوجودك انت ضهرنا او سندنا او در سلاحنا او كل شي انت يا بابا عالمي كلا او بلاك الدنيا مالهاش طعمة انحبگ
امير  انت مش مجرد اخ انت كنت توأمي ان تصي كنا مشتركين في كل شي اشتركنا مع بعض بطن امنا  اشتركت اقلوبنا مع بعض  شراينا مل شي انت مش مجرد توأم انت نصي أنت خوي أنت توأمي  انت صديقي انت بئر أسرار حاجات انت تعرفهم او انا اصلا منعرفهمش مش حنوفي حبي ليك بمجرد كلام نبيگ لما انخش لصالة بالڤيلو او انت ماسكني بيدي او تقولي بشوية  او انبوس راسگ او انقول هدا توأمي او كل شي في حياتي وبربي انحبك
لميس اختي الغالية الي كانت واقفة امعاي في الصغيرة والكبيرة الي دايما تنصحني او تواعيني اختي الناضجة الحنونة  مكنتيش ولا مرة بنت عم حسيتك دايما اختي ولا مرة اتخانقنا بلعكسكنتي دايما معاي او حدي او لاصقة فيا يا لصقة انبصر انبصر انحبك هلباااات يا فرختي
خالتي سارة او عمي انتو كنتو ديما اتعاملوني زي لميس بضبط عمركم ماقصرتو امعاي او توقفو امعاي او توقفو حتى لما ايجي بابا يضربني تحموني ههه ايام هلبا حلوة رغم الضرب كنت هلبا مشاغبة سامحوني
اه
ص انس ياحب حياتي انت مهما كترو امنياتي تقعد اول امنية تعرف اني انحبك في عدد مانرمش في السنة انحبك في عدد النجوم الي في السماء انت وتيني او قلبي او وطني ان دولتي او نبضي انت احتليت قلبي مخليتش حد فيه خليت نص كامل ليك والنص التاني للباقي قداش بنقول قداش ح ندوي عن حبي ليك تعرف انا نستنى في اليوم الي نستلم فيه كتيب العائلة او تبدا احلالي او انحقق حلم 8اسنين انا راهي بطاقت عرسي جاهزة او يوم 12/12ابنتزوجو اهوا من توا عرف او طفل لو بنت اني بنسميها او ولد سميه انت ع راحتك بس نبيه يشبهك هلبا  ره انحبگ هلبا او حيجي يوم وتكون حلالي ♥️

نيرين💭🍃)

النهاية 💔
شن شعوركم لما شفتو هادي النهاية
او شن تتوقعو في الجزء التاني
يا ترى شن صاير في غيس ميت ولا حي
او لميس او انس كيف بيصير فيهم يتقبلو الحياة ولا لا
او عاهد ابيقعد ميتكلمش ولا حيتكلم

على قد التفاعل بنزل اول حلقة من الجزء التاني
نتلاقو ♥️💭