لكنه لي❤️

الحلقة التانية عشر🥀♥️

لـــكنٌـه لـــ❤️ــي
نيرين:انت كل شي قاصدة اعلاش هكي اعلاش قلت بتروح او ماروحتش اعلاش قلت ابنمشي او مامشيتش تبي تجرحني تبي اتبكيني باهي اهوا بكيتني اهوا اجرحتني اهوا أقهرتني صحة ليگ
انس:شن اتقولي أكيد مش هكي يا نيرين كنت ابنركب في الطيارة  بس شفتگ لما جيتي او وليت كنت انادي اعليگ بس مسمعتينيش او امشيتي أمشيت اوراك بتاكسي ولا كيف ابنعرف انك جيتي اهني
نيرين:انت اصلا لو كنت في المطار كنت شفتگ دورت اعليك في كل مكان ماخليت مكان لين قالت الطائرة بتحلق  شني نطيت من الطائرة ولا محاولا طيران شايف روحك عباس بن فرناس ولا كيف
انس:اوووه قداش تدوي فمك رغوة انتي
نيرين:ايه رغوة اني نمشي احسن لي
انس:اقعدي يا هبلة انت لما كنت ادوري اعليا اني شفت او لما جيت ابنركب قلت لازم نعرف من هداك الولد أوليت ابديت انادي اعليك بس انتي ابديتي شبه تجري او اني منقدرش نطلع بدون ماناخد الشناطي امتعي وإلا الشناطي ابيوصلو ليبيا او نقعد اني بلا ديس اهني اخديت السنط امتعي او امشيت أوراك جري ونعيط اعليگ بس مفيش رد اخديت تكسي ومشيت اوراگ
نيرينابدت تبكي قرب منها انس مسحلها دموعها
انس:وعلاش البكي توا
نيرين:كنت بدقيقة حنخصرك لو مشفتنيش كنت توا انت فوق اومش حاسس فيا كنت حتمشي وتخليتي او يانضرا امتى بنشوفگ كنت بتروح او يمكن تنساني يمكن. تخب بنية تانية او أمك تختارلگ أبنية تانية وتحبها وتحبگ او اني اتسيبني
وووووو
مش متخيلة دنيتي منغيرگ
انس:مستحيل انفكر بغيرگ حنحبگ لو انت تكرهين ابنعشقك لو انت ارفضتيتي مستحيل انسيبگ انت يا ل أنس يا مش لأحد
نيرين:أنحبـــگ موت
انس:ووأخيرا يا فرخة أسماعها من فمك
نيرين ضحكت ؛توا بتولي امعاي للحوش صح
انس:ايه بس غضوا الليل بنروح
نيرين:وعلاش
انس :صار اشوية ضروف في الخدمة او لازم انولي
نيرين:باه امتا أتولي اهني
انس:منقدرش انولي السنة هادي ممكن السنة الجاية لازم تفهمي الخدمة او امي او هلبا مواضيع
شدت نيرين إيد انس او قالتلة
نيرين:رد بالگ تسيبني
انس:انموت او مانديرها
ابدو يمشو ع البحر ويهدرزو او بعدين امشو اتغدو بعدين من المطعم للمول من المول لسينما من السينما لملاهي من الملاهي لمقهى
انس:اووف ولله مالي جهد نوقف
نيرين:دير ريجيم شوف كرشگ اقريب اينوض ايقعمز امعانا ههه
انس:لا اني هكي تمام
نيرين:وين مشفتش التمام
انس :اسكتي اسكتي او راحمة والديگ
نيرين:🙄🙄
انس:ناخدلگ نسكافي او كريب
نيرين:لا نبي قهوة وتكون سادة
انس:سادة؟
نيرين:ايه منحبهاش معدلة
انس:🤨🤨 اوكي ع راحتگ
ضربو القهوة امتعتهم او ركبو في السيارة او روحو للحوش بس كان الوقت متأخر شوية خشو للحوش او كان الحوش هادي مفيش حد نيرين استغربت من الوضع اتوقعت تتلاقي بوها ايراجي فيها مدوا ش الموضوع هلبا ركبت فوق ال غرفتها او انس اركب فوق ال غرفتا او انس دار دوش او رقد او نيرين قعدة اتفكر في الي صار اليوم كلا او كانت ع وجها ضحكة لين رقدت ناضت الصبح نفس الروتين دارت دوش او امشت دارت ارياضة روحت دوست مرا تانية او نزلت لوطة القت عمها او مرت عمها سارة او لميس او بوها او امير  او انس
نيرين:صباح الخير
كلهم ردو مع بعض
عاهد :صبح النور 🤨
لميس:صباح النور🤨
سارة:صباح النور🤨
رجب:صباح النور🤨
امير:صباح النور😬
انس :صباح النور😍
نيرين:خيركم تشبحو فيا هكي
عاهد:انتي امتا جيتي
نيرين: اليوم نضت بدري فلهادا روحت بدري
رجب:منتكلموش ع الرياضة
او انس كلن اي اشرلها بلسانة ايقوللها من ميراال
نيرين مفهمتش
لميس:خيرگ ساكتة
نيرين:مفهمتش اعليكم لأن
عاهد:مش امس كنت عند ميرال ورقدت عندها
نيرين:انا😳
انس او امير:🤦🏻‍♀️🤦🏻‍♀️🤦🏻‍♀️
انس:ايه خيرگ مش قلتيلي بترقدي عند ميرال وغمزلها
نيرين:ااا ايه باه
عاهد:طيب فينا الي افهمتي
نيرين:ااا ايه بس يعني
رجب:خيرگ ادوي
نيرين:اني روحت في الليل
عاهد:اعلاش
نيرين:أااا لأن لأن أنسيت انجيب امعاي حاجات ليا
عاهد : شن انسيتي
نيرين:أنسيت ااا شحني اوموبايلي او بيجامتي
عاهد ضحك ع بنيتة او كان يعرف فيه ان في الموضوعً
عاهد:أها
أمير:أنس😂😂😂ع الساكت
نيرين فطرت امعاهم او طلعت برا
شوية او جا امير او تواني بعدها جا اوراه أنس
نيرين او انس او امي توا قاعدين ع الكرسي
نيرين:يا خبيتين انتو شن امدبتو ع بابا
انس:خاطيني هادا خوگ حتا اني حشاني قدام بؤك
نيرين:وانت من قالگ بنبات عند ميرال
أمير: كنت متوقع ابتشكروني
نيرين:ريت ه المعجزة الي درتها ولله حالة شن درت انت غير انك حطيتنا في مشاكل
امير:اخلاص اهوا انوض انقول لي بوي انس او امير كانو مع بعض امس
انس او نيرين😳😳
امير:شني يعني متوقعين منعرفش تي نعرف
من امتى انت اعرفتي
انس:ككككيف
امير:لما كنت تعترفلها بحبگ للأنسة نيرين كنت بحداكم اني او لميس او سمعنا كل شي بس درنا روحنا  ان مسمعناش نبو نعرفو وين ماشية في النهاية القصة هادي او امس في الليل لما روحت من الخدمة قالي بوي ان نيرين ال توا ماروحتش استغربت قلت اكيد مع انس قلتلة يمكن مع انس قالي لا انس روح من الصبح أفهمت انك امشيتيلة او قلتلة اا هوا اليوم تلاتاء قالي ايه قلتلة هادي نيرين قالتلي يوم التلاتاء بنديرو حفلة مبيت عند ميرال بويل هكي اطمن او رجع رقد اما اني الي كنت نستنا فيك او لما خشيتي كنت فوق نتفرج اعليكم وانتو خاشين او فرحانين لاكن وللهي يا انس اني مضايق بيك هلبا معقولة متقوليش
لميس جت او سمعت لكلام
لميس:حتا اني مضايقة معقولة متقوليليش يا نيرين
نيرين:ولله الموضوع صار ابسرعة متاخدوش ع قلوبكم