لكنه لي❤️

‎الحلقة التانية ♥️‎الجزءالتاني🍃

الحلقة التانية ♥️
الجزءالتاني🍃💭
لكــ🏹ـنـه لــ💙ــيي
انس ناض الصبح شاف لصورة الي بحداها كانت صورتة هوا او نيرين قبل سنتين اونصف من توا اترحم اعليها او حط الصورة في الدرج او خش لتوواليت دوش او طلع بدل دبش الخدمة رغم ان كان واضح الإرهاق اعليه إلا أن مزال طرف ويهبل بس توا سيب موال لبنات من راسة او مكانش يبي يفتحة مرا تانية اصلا او مايبيش ايحب اي مخلوق بعد نيرين (يحساب الدنيا تمشي ع مزاجة)
نزل لوطة
ام انس:انس ياولد اتعال اقعد افطر
انس:توا نفطر مع الاولاد
ام انس:انشاء اله ربي يهديك يا وليدي
طلع انس او سكر الباب اوراه او هوا مهموم من الدنيا كلها مشى لخدمتة او يخدم او مايكلم في حد
جا الليل او روح لحوشهم
ام انس:انس تعال تعشى
انس؛تعشيت
ام انس:اتعال نبي انكلمك في موضوع
انس:باهي نغير حوايجي ونجي
ركب انس ال دا او نزل
انس:تفضلي امي  شن فيه
ام انس: انس يا ولدي اني أمگ او نعرف وجعگ على نيرين او الي في قبلبك شني نعرفك محروق بس ياولدي لأمتى لبنية ليها سنتين متوفيه او انت ع نفس الحال كإنة ليها أمس ميتة شوف خوگ كيف اتزوج او عندة ولد والتاني ع طريق خلي نفرح فيك يا ولدي او اتزوج اني نبي نشوف صغارگ قبل ماربي ياخد أمانتة
انس: اولا بعيد الشر اعليگ او انشاء الله بعد عمر طويل
تانيا : اني مناخدش بنت الناس او بعدين نضلمها معاي او اني قلبي مزال متعلق بشخص تاني فلهادا يا امي فوتي الموضوع او اهوا سلم ولدك البكر ايجيبلك اصغار ويعبي الحوش اما اني ف خليني ع راحتي تربحي
ام انس نزلت راسها او نزلو دموعها
انس كان نايض لما شاف امة تبكي رجع او مسح دموعها او قاللها خلاص عاد منبيش فيك باس راسها او ركب فوق ال دارة
ساعة 10الصبح
امير :ايوا
اتس:الو شن الاخبار
امير :تمام وانت
انس:عال
امير قتلك عمي رجب اليوم يبينا اتعال حتا انت امع العصر
انس:تم ياغالي
انير : يلا نتلاقو
سكرو هواتفهم او انس كان حاير شن يبي منهم رجب امشى لشغلة ك العادة او مع الساعة 5 ركب لسيارتة وتوجه لحوش عاهد
كان من امتى تلاقى مع لميس اخر مرة معاد خش للحوش هادا كان لما ايخش يسمع في صوت نيرين في ودانة صوتها ضحكتها مشيتها لبسها شعرها نضرتها كل شي فيها لهادا اتجنب ان ايجي لهني طول المدة هادي خش للحوش او كان واضح اعليه بعدم الرضا بوجودة غاضي
سلم رجب ع انس بحرارة او عاهد الي كان جالس او متكلمش حتى كلمة
رجب:انا  جبتكم كلكم اليوم اهني باش نحكي في موضوع الكل  هالكنا الموضوع هوا نيرين
جا عاهد بنوض بس امير اصر على بوه ان يقعد او يسمع  او فعلا قعد او ابدا يسمع
رجب :نيرين توا في دار الحق  متريحة غاضي او كل شخص حيجي يوم او ربي ياخد أمانتة  بس احني لازم نقتنعو ان هادا الشبء قدر او ربي هكي شاء مش لازم نوقفو قدام قدرنا او لازم نترحمو اعليها كل مادكرناها او انت يا انس الي ماعاد جيت اوقفت ع عمك انس من امتى نيرين ماتت الي ماقمتش تليفون اسألت اعليا مش حنلومك ولا نعاتبك نعرف الشبء صعب ع الكل او حتى اعليك احني مكناش نعرفو بكمية الحب الي في قلبك لنيرين بس اوا اعرفنا انساظ الله ربي يرحمها او يعفرلها بس توا صار لازم تفتح صفحة جديدة فحياتك  او ميكونش دكريات نيرين محيطة في هادا الحاضر كلنا حننسو لأن اتعدبنا بما فيه الكفاية  او جا الوقت الي نستعدو لحياة اجديدة انت يا انس لازم تتزوج. بمرا  باش تنسة نيرين مش حتنسى جرحگ إلا لما ايعوضة شخص تاني انسى او ابدا صفحة جديدة في حياتگ أو أنت يا لميس نعرف أن جرحگ أكبر جرح فينا فقدتي أختگ او خطيبگ في يوم أو ليلة حتى انتي لازم تنسي جرىحگ كلها لازم تفتحي صفحة جديدة حاولو معاي حتى اني مكسور او مستاحشها هلبا هادي بنتي حتا اني خلي نرجعو عيلة حلوة زي ازمان او انت يا عاهد لازم تقبل تمشي لدكتور وتعالج او انت يا امير ارجع لحياتك او اطلع انت وصحابك او غير جو خلاص ره الدنيا فانية
كلهم  نزلو عيونهم لوطة
امير :ايه ياعمي وللهي عندگ حق لينا فترة مسمعناش صوت ضحك في الحوش الي كان الضحكة فيه متغيبش
كلهم اتفقو ان حيفتحو صفحة جديدة إلا عاهد
عاهد فضل ايعيش بالماضي فضل يبقى صورت بنتة قذام اعيونة يكفي انحرم منها في المستقبل مش مستعد ينحرم من دكرتها  روح انس للحوش رقد كان متعب جدا  او لميس او. بتقي العيلة ركبو ال دارهم او ناوين يفتحو صفحة اجديدة
يوم اجديد او شمس اجديدة
او في بلد تاني مدينة تانيا
ليان كانت تمشي في ممرات المستشفى
حنين (موضفة في المستشفى):دكتورة ليان  في حالة في الاستعلامات
ليان  :شن وضع الحالة ؟
حنين: حسب كلام سامر الحالة خطرة
ليان :اوكي جهزو غًرفة العمليات
(ليان  بنت ليبية دكتورة في مستشفى ليبي او  في مدينة أثينا ساكنة هي او صاحبتها  تعرفت اعليها في المستشفى لما كانت مريضة فعرضو عليها الشفل او قبلت  فإختلطة بندى صاحبتها  فسكنت معاها في شقة او صاحبتها اسمها ندى او سورية )
خشت ليان لغرفة العمليات او كانت العملية خطرة شوية بس گ العادة ليان خرجت من غرفة العمليات او العملية ناجحة .
نولو ل أنس
أنس كانت أمة كل يوم اتلح اعليه باش يتزوج او هوا رافض الفكرة لين في يوم من الايام نادت اعليه امة
انس:ايييه تمشي تمشي وتولي لنفس الموال خلاص عاد 😡💣