🔥حب تملك🔥
الحلقة قصيرة لانها اضافية
الحلقة الثانيه
تاني يوم يوم خطبت اسمهان
اسمهان : سارة بالله عليك ورأس وخيتي شن اندير ساعديني
سارة : اسمعيني انتي سيبتيه وهو معاش يبيك فكملي مع عمر وانخطبيلا
اسمهان: بس اني نبي انس
سارة : انتي درتي الشي هذا بروحك فتحملي
طبعا اسمهان جهزت روحها وعدو لصالة عشان الخطبة اما انس فكان يغلي مش لانه يحبها لا لانها كذبت عليه ولعبت عليه جوي عمر ولبسها الذبلة وهي لبستهلا وفي الليل عمر يكلم في اسمهان
اسمهان : واخييرا مش امصدقه انك روحت ليك
عمر : لا صدقي انك توا انتي الملكة امتاعي اني بس ............. بخوف .......أنس
اسمهان : استغربت........خيره
انس : ضرب عمر بثلاثة رصاصات وكان صوت الرصاص واضح في التيلفون وسمعاته اسمهان
اسمهان : كانت مصدومة وخشت في حالة هستيريا....... انس انت شن درت وبعدت تعيط بصوت عالي ....... شن درت انت شن درت
انس : دمرتك شن رأيك انخطبتي وقبل ماتتهني مات خطيبك وإليه قتلة حبيبك السابق مش لانه يبيك لا بس لانه يبيك تشربي من نفس الكأس إليه اني شربته
اسمهان : انس اني منخبر الشرطة عشان يحبسوك
انس : ضحك ........متخفيش توا اني ماشي نسلم روحي تشاوو ....وسكر وركب سيارتة وعدا لمركز الشرطة
الضابط : كيف كيف
انس : شن كيف كيف هذي قتلك شن صار ونبيك تحبسني
الضابط: ارفعوه الحبس
انس : مشي معاهم ونزل وقعمز في الحبس وكان كل تفكيرة انه انتقم مفكرش في حاجة تانيه مفكرش في عيلتة مفكرش في حياتة ومستقبلة مهماش الشي هذا
................................................................
مروة(ام لارا ) : لولو
لارا : نعم ماما
مروة : نوضي سلم ابنيتي خوك يبي عشي جعان
لارا : شافت لمروان ......... موت من الجوع المطبخ قدامك دير حاجة بروحك ولا أقلب بوجهك من عليا
مروان : على فكرة انتي معندكش ذرة احساس بالإخواه
لارا : تي اقلب انت والاخوه
مروان: جاه اتصل ...........اهلين ،شنو كيف صار، قديش ليه غادي،طلعة رد بالك تخليه وسكر........ اففففف منك
لارا : خيرك
مروان : ناض ............. شي
لارا :بتعدي لمطعم مالا
مروان: والله مش وقت مطعم ماشي لصاحبي........ امي
مروة : نعم
مروان : لو جبت صاحبي يسكن معانا توافقي
لارا : طرف او لا
مروان: ضحك ............ اطلع طول
مروة : لا مش حنوافق عندك أخت راه واني منقدرش انتحمل زيادة مفرخ سادني الكلاب إليه عندي اني
مروان : قعمز جنب امة............... كان تعرفي من توا توافقي
مروة : من !!!!!
مروان: أنس
مروة : وخيرا انس بيجي يبات هنا
مروان : انس في مشكلة ولازم انخليه يختفي عن الأنظار شويه
مروة: احكيلي قبل
مروان : يا عليك قصقصة من الاخير مش انس كان على علاقة مع بنت عمه اسمهان
مروة : اي
مروان: هي سيباته واليوم كانت خطبتها لعمر
مروة : بخوف على انس ..................وانس شن صار فيه
مروان : باه خليني انكمل
مروة:كمل
مروان: المهم انس لقي عمر يكلم في اسمهان وقتله
مروة : شدت قلبها..........قتلة
مروان : اي هي كسرتله قلبه فردهلها انه دمرها وتوا هو في الحبس
مروة : من دخله الحبس
مروان : مفيش حد هو عدا سلم روحا بروحة وتوا اني منعدي انطلعة وانجيبه هنا عشان ميلقوشي ولما ميلقوشي توا ايفوتو الموضوع ويرد لحوشه
مروة : مسكين نوسة جيبه كان واحد تاني راني موافقتش بس انوس زي ولدي عدي جيبة
لارا : اي خليني انشوفه بالك مش سمحة هذا بيش سيباته اسمهان
مروان : سكري فمك وتجيبيش الموضوع هذا احداه
لارا : بتكشيخ.............باه
مروان : طلع
مروة : لارا
لارا : نعم
مروة : اعتبره زي خوك الولد مش متع المواضيع هذي
لارا : بس كيف زي ولدك واني في حياتي ماشفتا
مروة: انتي بس مش شايفتيه الولد طيب ومحترم ومعتبرني زي امه وشي إليه نطلبة ايديرة
لارا : تمام مامي
.
.
.
.
.
.
.
.
.
#يتبع
رأيكم
