🔥حب تملك 🔥
الحلقة الحادية عشر
لارا : ناضت لقت روحها في المستشفي ومركبيلها تغديه
اذكرت شن صار في الصالة وكيف انس سيبها وبدت تبكي مشت عليها ميس
ميس : لولي اهدي عشاني
لارا : تبكي.......... هوا سيبني يا ميمي سيبني في اليوم إليه لازم يكون احلا يوم في حياتي اني وياه
ميس : بكت لانها حست بوجع لارا............ ياروحي اهدي بالله اكيدة انس عنده تفسير لشي إليه داره
لارا: تفسير شنو إليه عنده قتلك الشباب كلهم كذابين خلاني نحبه وبعدين سيبني
ميس : حضنت لارا ........... خلاص لولي متعودتش عليك تبكي
................................................................
انس : كان طول الليل تفكيره في لارا ومجاشي النوم تعالوا نعرفوا ليش انس دار هكي
قبل العرس بيوم
انس : قتلك منبيكش وخلاص اني منتزوج بنت انحبها ومش حتسيبني زي ما انتي درتي فيا
ياسمين: بس شن رأيك البنت إليه بتتزوجها تموت واني إليه نقتلها
انس : شد يد ياسمين من المرفق ولوها............. رد بالك تحاولي تمشي شعره منها يا ياسمين
ياسمين : بس تعرف في واحد يراجي فيا نطلب منا يقتلها يقتلها وانت ليك القرار تتزوجني وهيا تقعد حيا او تختار نفسك وهيا تموت
انس : باعد يدا وقلب للجيهة التانيه .......... تمام بكرا جهزي روحك
ياسمين : كنت نعرف انك تبيني
انس : اني منبيكش ومستحيلا انمسك اني درت الشي هذا عشان لارا بس لانه حياتها اهم من كل شي في العالم هذا
ياسمين : بس رح انجيبك ليا
انس : ثلاثة شهور بس
ياسمين : استغربت ........... شن ثلاثة شهور
انس : حنتزوجك تلاته لشهور يا جبتيني ليك وقعدت ليك يا طلقتك ورديت لي لارا
ياسمين : ثلاثة شهور ومش حتفكر الا فيا
................................................................
نور وسيف فكانت ليلتهم كلها رومانسيه
اما عند مروان فكان يغلي وكل تفكيرة ليش انس صاحبة دار هكي في اخته
..................................................................
امه : ليش هذا كله يصير مع انس بس
تسنيم : انتي توا يا ماما مش هامني انس شفتي شن دار اليوم اني الشخص الوحيد الهامني هيا لارا البنت تعرضت لصدمة كبيرة
امه : نعرف حتى اني نفكر فيها ونفكر في انس ليش دار هكي البنت شن دارتله
تسابيح: لو نقعدو من توا لغضوة الصبح مش حنعرفوا ليش انس دار هكي خلينا نرقدوا وعضوية نسألواه انس
تسنيم : اب تعرفي نعسانة بكل تصبحوا على خير
.........................................................................
________🌸في اليوم التالي 🌸_________
انس : أول مناض طلع من الحوش وسيب ياسمين راقده عدا لمروان لانه ميبيش يخصر صاحبة ويبي يخبره ليش هو دار هكي و يطلب منا ميخبرش لارا
انس : مروان
مروان : التفتله وهو حامق ......... اطلع يا انس منبيش انشوفك
انس : قرب من مروان ........... اسمعني انت بس
مروان : انس اطلع متخلينيش نغلط معاك اني منبيش نسمعك
انس : اغلط امعايا بس اسمعني واعرف ليش اني درت هكي
مروان: بدون وعي بدأ ضرب في انس
انس : كان يحصل في الضرب بدون ميدافع عن روحة كان يبي مروان يفش غله لانه كان عارف نار واحد يسيب اختك يوم عرسها ولا هو صاحبك إليه سيبها ويتزوج وحده تانيه وهي اختك الوحيدة وتشوف حزنها و تسكت اكيدة لا
مروان : بدأ ينزل العرق منا دهش من كتر مضرب انس
انس : اسمعني اني درت هكي عشان اختك
مروان : ضحك بهزوه.........عشان اختي
انس : اي عشانها هددتني ياسمين لو منتزوجهاش حنقتل اختك وانت تعرف انها مريضة نفسيه عطيتها ثلاثة اشهور يا انطلقها ونتزوج لارا يا تخليني نرجع انحبها ونقعد امعاها
مروان: كان مصدوم
انس : متخبرش حد ووعد اني حنرجع كل شي زي مكان واحسن .........وعدا
......................................................................
سيف : تعنق نور من الوراء وباسها على خدها........ واخيرا رحتي حلالي
نور : ههههههه وأخيرا
سيف : نط على السرير وإتكا ...........كان نلقا منطلعش اليوم من الحوش بكل
نور: بلا جو يالله نوض خليها انعدوا لهلك
سيف : اففففف
نور : سيفو حبيبي يلا نوض عشان خاطري
سيف : عشان خاطرك اكيدة انوض
....................................................................
مروان : روح للحوش وكل تفكيره هل انس يكذب او كان يدوي في الحقيقة بس اذكر انه ضرب انس ولو انس كان يكذب كان مجاشي اصلا او اول مصريه يأمه ردله الضرب او سيبة عرف انه انس مكانش يكذب
...................................................................
مراد : وووههههه تبصر تبصر 😂😂
انس : توا اني نشكيلك وانت تضحك
مراد : قصدك بنت هدداتك 😂😂😂ووووههههه عليا مش مصدق لا وصاحبك ضربك بسبب بنت
انس : بالله اسكت نورنا بسكوتك
مراد : تعرف فيك جو اكتر من خوك المريض إليه ايدير في حجات عيب معا مرته
انس: 😂😂😂😂 حيوان طول عمرك حيوان
المهم تنحبها وطايح على وجهي
مراد : اصبر اصبر
انس : شنو
مراد : خليني نرفعك للمستشفي
انس : ليش
مراد : مش طحت على وجهك اكيدة حيديرولك خياطة 😂😂😂😂😂😂
انس : واني نحسابك بتدوي معلومه
مراد : توا بالله بعقلك اني اشكالي اشكال يدوا في معلومات
انس : معترف
مراد : تحساب روحك في تحقيق مالا اعترف😂😂😂
انس : باه يا حيوان اقلب خلقتك
مراد : يقلد في الكلب ............. هو هو هو 😂😂
انس : شدير انت
مراد : مش قتلي حيوان واني منعرفش تقلد الا الكلب😂😂😂😂
......................................................................
لارا : ناضت وفطرت وكل تفكيرها ليش انس دار هكي فيها هي في شن غلطت معاه قاطع صوت تفكيرها
دقت الباب
لارا : اتفضل
خشت أميرة ورانيا (بنات خالاتها )
رانيا : لولي
أميرة: حياتي
لارا : فرخات
وقعدن يهدرزن
..................................................................
موسي: خلاص منكمل اجراءات لارا منخليها تتطلق
مروان: لا خليها تتطلق بعد 3 شهور
موسي : ليش!!!
مروان : ............
.
.
.
.
.
.
.
.
.
.
.
.
#يتبع
