الحلقة السابعة
سيف : نور نور .........ركب سيارتة وهو حامق وفي نفس الوقت خايف على نور وصل لحوش هل نور القي الباب مفتوح خش زي الثور الهايج وكان حيقتل الشخص إليه اتجرئ وجاي بيأذي نور خش لديار دار وراء التانيه لين لقي نور طايحة ومغمى عليها جاها بسرعة وملامح الخوف عليه حط رأسها على رجليه............... نور نوضي يا نور حياتي وناض جاب انسه وقعد ايدير فيها على عيونها لين بدت تفتح في عيونها تدريجيا واول ماشافت سيف نضت بسرعة وحطيت يديها على وجه سيف .......... انت كويس سيف ،وبعدن ادموعها ينزلن ، يبوا يقتلك يا سيف بنموت لو لمسوا شعره منك
سيف: ادموعه خانته........... ياريتهم قتلوني ولا مسوك ليش خايفة عليه ومش خايفة على روحك شوفتي شن داروا فيك ومعا هذا مزلتي خايفة عليا
نور : كانت حالتها حالة مضروبه لين خلاص ودم ينزل من فمها ومجروحة في جبهتها ودم ينزل منها ومعا هذا حبها لسيف خلاها خايفة عليه ومش حاسه بوجع الضرب إليه حصلاته حظنت سيف وقعدت في حظنه
وسيف بادلها الحضن وكان يحاول يهديها فاتت اليله وسيف قاعد معا نور وهي حاضناته ورقدت في حضنه بس هو مرقدش
..............................................................
__🌸في اليوم التالي 🌸__
مروان : الف مبروك عليك
انس : فرح ........الله يبارك فيك خلاص مالا اليةم يجن خواتي ونتموا الخطبة
مروان : تمام ........ عدا
انس : روح وخبر خواته وامه خواته وتن روحن وعدت خطبن لارا وروحن
انس : خدي رقم لارا من تسنيم واتصل
لارا : الوا
انس : اهلين
لارا : منو
انس : قصدك انتي تردي بدون متعرفي اني منو
لارا : عرفاته ان انس ....... بتبدأ من توا جو راني تغار
انس : مضني تقدري تتكلمي بأسلوب اكتر صح !!!!
لارا : لا منقدرش عندك مشكلة
انس : تنرفز لانه ميحبش حد يرد عليه بوقاحة........ اي عندي مشكلة
لارا : حلها مشكلتك اني مدخلنيش فيك
انس : خطيبتي راك
لارا : باه إليه ذكرتني نسيت الصراحة
انس : تقدري تبطلي وقاحة انتي او لا
لارا : لا
انس : اني قاعد نتكلم بهدوء بلا جو اعويلة احسنلك
لارا: اني هكي عيل عندك مشكلة يلا سكر، ورمت انقال نحسابه انس سكر بس هو مسكرش بدت تغني اغنيه ميت انا
ميت انا ....... مابي مشان
ميت انا ....... لا حب ولا بشر
ميت انا ........ من قصة قديمة
ميت انا .......... من غصة اليمه
حلمي عيونك ........ ليا انا
كل ما اشوفك......... بس انا
انس : شرح في صوتها اشويه وبعدين سكر
لارا : تعهدت........ اخخخ ليش كل هاذا يصير معايا بس
اتصلت بميس
ميس : هاي
لارا : اهلين
ميس : حبي خيرك
لارا : منهبل يا ميس منهبل وحكتلها على مكالمتها لانس وعركتها معاه
ميس : اهدى حبيبتي عادي انتم توا متعرفوش بعض بس لما تتعرفوا على بعضكم رح تحبيه ويحبك
لارا : ياريت بس اني مسحت شي اسمه حب في حياتي
ميس : ليش
لارا : مفيش حب لولاد كل همهم يضحكوا على البنت ويلعبوا عليها
ميس : بس هو حيتزوجك واكيده حيصونك
لارا : المهم غيري الموضوع
ميس : شفتي الفرخ مرح كسرتلي رقبتي
لارا : اي بكل تمنيتها اطيح
وبدوا قرمه في عباد الله مسيبوا وحدة مقرموها وقعدت القرمة ساعات وساعات
..................................................
سيف : نونو
نور : هممم
سيف : نونو يا حياتي نوضي
نور : فتحت عيونها وشافت سيف ابتسمت............ ليش انوض
سيف : نبي نداويلك اجروحك وارقدي فوق واعر عليك بترقدي لوطا
نور : حاضر
سيف: احلا حاضر نسمعها في حياتي
نور : تحشمت....... باه انتحشم
سيف : ضحك ....... اخدودك راحوا حمر اكتر من الطماطم حبيبتي نبي نسألك
نور : اسأل يا قلبي
سيف : من إليه جي دار فيك هكي
نور : تلبكت...... منعرفش
سيف : حبيبتي من شنو خايفة ادويلي لو مقلتليش حنزعل منك لانك متبيش تدويلي لهدرجة خايفة عليه الشخص إليه دار هكي
نور : اني ميهمنيش واني نحبك انت بس
سيف : خلاص معناها ادويلي يا روحي
نور : الياس وجي وطلب مني ندويلك انتلاقوا غدوة في الحديقة وكان ناوي انه يقتلك وقتها بس لما رفضت ضربني سيف منبيش يصيرلك شي لاني منتحملش غرست الشوكة فيك
سيف : حمق وقرر ينتقم من الياس مش لانه يبي يقتله لا لانه ضرب نور بالوحشيه هذي ........ خلاص روحي تعالي خليني انداويلك جروحك
نور : قعمزت على السرير وتراجي في سيف يجي
سيف : جاب المعقم واللصقة والقطن وقعمز اقبالتها
نور : اتكت على رجلين سيف وسيف بدأ يداويلها في جروحها
الملخص
سيف داوء لنور جروحها وهي رقدت مرا تانيه على رجليه وهوا رقد وهوا مقمعز مقدرش يواسي روحة لانه ميبيش ينوض نور تأملها وكان منظرها زي الطفلة
.................................................................
انس : اتصل ب لارا
لارا : ميمي
ميس : نعم
لارا : سكري اشويه انس يتصل
ميس : تمام ...وسكرت
لارا: ردت على انس .... اهلين
انس : قاعدة نايضة مشاء الله
لارا : كنت انهدرز مع صاحبتي
انس : نبي ندويلك حاجة
لارا : اتفضل
انس : آسف على امبكري بس كنت حامق ومش طايق شي وجت شفت الغل فيك
لارا : عادي ولا يهمك
انس : ممكن نبدأ صفحة جديدة
لارا: اكيده
انس : احكي إليه في قلبك
لارا : حكت لانس كل شي صار معاها في حياتها المواقف إليه الضحك ضحكوا عليها معا بعضهم
وانس : حكالها كل شي حكالها عن اسمهان وكيف باعاته
بالمختصر
ارتاحوا لبعضهم هما الاتنين
.
.
.
.
.
.
.
.
.
.
.
________ يتبع_________
