الحلقة السادسة
اسمهان : اتجمعن الدموع في عيونها وعدت لحوشهم ونهدت بكي ......... اخخخ ليش درت هكي اني بس صح غلطت بس والله نحبه ومن البنت إليه يبيها هذي بس
عند انس : اني ليش وخده عقلي البنت هذي بس يعني في أكثر من بنت سمحة اكتر منها ويجوني بس اني نفوت فيهن بس الفرحت هذي شن درتلي بس افففف فكني منها اني توا خليني انعدي لمروان توا خير لي
ركب السيارة ودرس قدام حوش مروان بس كان في شجرة قريبة من الحوش وشاف ظل حد وسمع اصوات كأنه في اتنين يتعاركوا ركبه الفضول وقرر يمشي يشوف شن فيه
لارا : سيبني يا حيوان سيبني
خالد : شادها.........تي تكلمي انتي مش حنسيبك لين تأخد إليه نبيه
لارا : تبكي ........ بالله سيبني
خالد : ضحك ...... متحلميش
انس : ضرب خالد لين طاح
لارا : رفعت رأسها وشافت انس وجت عينها في عينه وتذكرت كيف ساعدها
انس : خشي داخل
لارا : مشت بدون مترد عليه
انس : تنهد وعدا لمروان وسيب خالد وهو كل تفكيره انه لارا وحدة صايعة والحق وراء الولاد بس الشي هذا ممنعاش من انه يفكر فيها
مروان : المهم انت طلعت من الموضوع
خالد : خش حامق للحوش وبدون ميشوف لانس قعد يدوي بصوت عالي............. مشاء الله يا موسي ( اب لارا )ونعمه التربيه بنتك تطلع معا الولاد بنتك الوحيده وحده صايعة تتصيع مع فرخ شوارع
منذر : سكر فمك يا خالد خيرلك واعرف كيف تدوي لعمك هذا اولا تانيا لارا اشرف منك إليه تروح يا سكران يا كنت مع فرخة صايعة وانت تحاول تلقاء اي حجة لانك طلبتها وهي مبتش ولهذا تدوي هكي
انس : تنرفز من خالد وكان سبب ينوض يضربة بس ضبط أعصابه وفهم انه خالد يكون ولد عمها وانه طلبها وهي متبيشي وأنت هو إليه خلاها تطلع وهو إليه حاول يتقرب منها
خالد : عندكم اسبوع لو مزوجتهاش ليا وعد حتقعد سيرتكم على كل السان وحنفضحكم .....وعدا
موسي : لارا
لارا : وكانن عيونها معبيات ادموع بسبب خالد
انس : كنت كاره خالد وزدت كرهتا لما شفت ادموعها تمنيت مقتله لانه نزللها دموعها ومش فاهم خيرني وما حملت بسسبب دموعها
لارا : تعنقت بوها وبدن دموعها ينزلوا...... توا نتزوجه المهم ميصيرلكش شي
موسي : حط يده على شعر لارا ........ اني مش حيصرلي شي بس انتي مدوريشي مستحيلا نخليك تتزوجيه
لارا : بابا وزادت تعنقاته اكتر
منذر : وانت شراره في عيونه وطلع بدون ميحكي
مروان : عليك قصة آسف بس هو ديما هكي البني ادم هذا
انس : مدورش واجد عادي حتى احنى عندنا منهم الاشكالات هذي بس اني نقدر نساعدكم
مروان : استغرب ..... كيف تقدر تساعدنا !!!
انس: اني نبي نتزوج ندور في بنت وعاجبتني اختك شوفها كان وفاقت نخطبها وبعد اتم عدت امي نتزوجها
مروان : وحنى منلقوش خير منك توا انشوفهم ونرد عليك
انس : تمام ............ وروحت ومش عارف بشن كنت انفكر لما قتلا نبي اختك صح اصلا مش عقلي إليه اختار المرة هذي قلبي إليه اختار اولا لانه البنت حقا عاجبتني وتانيا لاني نبي نقهرة اسمهان
امه : انوس
انس : عيونه .............. وقعمز حد امه
امه : انت كويس
انس : اي كويس بس نبي ندويلك موضوع
امه : ادوي
.
.
.
.
_________يتبع_________
انبصر انبصر
خلينا انكملوا
.
.
.
.
.
.
.
.
.
مروان : بويا
موسي : نعم
مروان : عندي حل المشكلة
موسي : ادوي
مروان : انس عاجباته لارا ويبيها وقال نخطبها وبعد اتم عدت امه اندير العرس
موسي : الولد معندي مانقول عليه بس القرار قرار لارا لارا شن رأيك انتي
لارا : إليه يريحك بابا
موسي : الشخص إليه بتأخديه بتكملي معاه حياتك واني منقدرش ناخد القرار هذا انتي الوحيدة إليه يحقلها تختار
لارا : اذكرت كيف انس ساعدها مرتين وبعدين اذكرت تهديد خالد ............. اي موافقة بابا
مروة : زغرطت
موسي : خلاص مالا رد على الولد غدوة
مروان : تمام
............................
امه : وأخيرا وليدي قررت تتزوج خواتك توا ايعدوا يخطبوها
انس : تمام .....وطلع لسيف
سيف : اوووه متطور موضوعك يا باشا
انس : ابتسم ........... البنت مدايره فيا حاله اخخخ سمحة الزححح
سيف : متأكد انك مدرتش هكي عشان تقهر اسمهان مش عشان عجباتك البنت
انس : شاف سيف ........... تبي الحق
سيف : اكيده نبي الحق
انس : درت هكي لانه عاجبتني البنت بس حتى عشان نقهر اسمهان لانه البنت طرف من الاخير
سيف : بتمس البنت او لا
انس : كل شي في وقته حلو
سيف : رن نقاله...... خليني نعدي تشاوو
انس : تمام
سيف : رد ......... ها ياحبي
نور : سيف ساعدني يا سيف بيقتلوني
سيف : تغيرن ملامح وجها بخوف....... خيرك حبي من بيقتلك ووين انتي ردي عليا
نور : اني في الحوش بروحي وفي وحدين خشوا ويبو يقتلوني اني سكرت الحمام وكلمتك اني معنديش غيرك يا سيف ساعدني سيبوني واتسكر الخط
سيف : نور نور .........ركب سيارتة وهو حامق وفي نفس الوقت خايف على نور
.
.
.
.
.
.
.
.
.
.
.
.
.
.
.
.
.
_______________#يتبع________________
