KETEGAL PENGERAJA KAUL TUA TEBELEKA

PART 1

#####

DITIKAL PULAI 5 TAUN KE UDAH LALU

Tuttt... Tuttt... Calling from my love

"Morning dear, udah dani nuan sayau? Angkat gi keh, umbas nya.. Udah pagi ari tu.. ".

Pia ku Richard nyapa Lyn ba arus talipun. Lyn sempat ngeliat sereta ngusuk mata sambil nyaut talipun ari Richard.

"Morningg too syauu. Ermmm ... Ka angkat mih tu sayau.. ".

Saut Lyn.

"Au au. Umbas nya. Mandi dulu ngambi ceregas agi. Okey sayau, aku deka nurun gawa dulu. Bye, muah! ".

Semampai bakanya belama mih Richard enti lebuh iya berandau enggau Lyn ba talipun. Dini ati Lyn enda berasai chelap ninga jaku Richard bakanya belama ngagai iya.

INDAI LYN

"Lyn, umbas nya anak, mandi gi. Legi nganjung tua apai nuan ke sepital, apai nuan bisi betemu ngau lutur legi.. ".

Pia ku indai Lyn.

"Baru ka mandi tu indai. Bahh nganti dulu mih indai, enda lama aja aku mandi.. ".

Saut Lyn. Bisi setengah jam Lyn udah tembu mandi lalu begari. Lyn siku indu ti enda entu begaya iga. Mua ea natural aja enda tentu enggau orang mekap balat baka orang kemaya ari. Nya mih kebuah Richard rindu sereta sayau ke iya laban iya rindu meda Lyn enda enggau orang kelalu balat begaya, sedang sedang iya nya ke digiga Richard.

#####

RUMAH BANGLO TITIWANGSA

Indai Richard ngau apai iya benung ngirup kupi ba dapur. Richard ti baru pansut ari bilik dikangau ke indai iya ngemai ngirup kupi paginya .

"Tumu anak bujang aku dani, aram ngirup kupi enggau tua apai nuan dom, bisi utai ka dirandau tua apai nuan enggau nuan.. ".

Pia ku indai iya. Richard anak ti mereti ke jaku apai indai iya pia mega siku lelaki ti bebasa ke orang tuai. Iya pan lalu duduk sama enggau apai enggau indai iya ngrup kupi.

"Nama utai ka di randau seduai apai indai??".

Pia ku Richard nanya indai iya

"Kemaya nuan ka bebini dom, umur nuan majak tuai. Tua apai nuan nyau majak tuai ga dom, ila enda bepeluang deka meda ucu.. ".

Pia ku saut indai Richard. Richard enda nyaut semina majak ke nyirut ke ai kupi. Udah iya nyirut ai kupi, apai iya nyelepak ke randau.

"Amat ku indai nuan dom. Kemaya nuan ngemai ke kami meda menantu?? Enti nuan bedau bisi indu tauka sulu, ila ga tua indai nuan ngiga kenuan indu nyadi kebini. Ila nuan milih kediri ga.. ".

Pia ku apai Richard ga bejaku. Richard nyau sedekan ninga apai iya ka ngiga ke iya indu nyadi ke bini. Richard lalu madah kediri bisi indu ke sulu ati ngagai apai enggau indai iya.

"Anang irau apai, anang irau indai, udah bisi aku sulu.. Indu ti cukup iya badas, mentas lalu ngembuan manah budi basa sereta bajik ga agi. Bisi ari ila aku mai seduai apai enggau indai betemu ngau iya.. " .

Pia ku Richard ga madah agai apai indai iya.

"Bah, nurun gawa dulu aku indai, apai. Badu seduai ngerunding deka ngiga ke aku indu nyadi ke bini au?? Udah bisi sulu aku.. ".

Richard pan lalu mupuk nurun kereja. Dalam ati iya bebungai indah laban ku ati iya sigi ka ngambi Lyn nyadi ke bini. Arap ka apai enggau indai ulih nerima iya mih nyadi ke bini aku, pia ku telai Richard dalam ati.