KETEGAL PENGERAJA KAUL TUA TEBELEKA

PART 5

Lemai siti, Lyn alu kol agai Richard madah ke pesan apai iya ngasuh Richard ke rumah sida iya.

Tutt.. Tutt.. Tutt.. Tutt..

"Helo dear, sibuk nuan kah??".

Ku Lyn ba arus talipun.

"Helo sayau. Nadai ku sibuk. Baru tembu mandi tu sayau. Nama utai dih sayau??".

Pia ku Richard ga  laban ke jarang meda Lyn kol iya maya jam nya.

"Ujung minggu tu sayau enda sibuk kah??".

Ku Lyn ga.

"Erm, ndai aku sibuk asai ku sayau. Lapa dih sayau, bisi hal kah??".

Tanya Richard ga .

"Bakatu sayau, lemai kemari apai enggau indai aku ngasuh nuan kitu enti nuan enda sibuk mih..".

Pia ku sida iya..

"Ka betemu enggau nuan mih nya sayau".

Tandu Lyn baru ga.

"Peneka ga sayau ila aku kia ga sayau. Nadai aku sibuk dih.. ".

Ku Richard ga udah nya .

"Bah au mih enti pia sayau. Legi aku madah asuh sida apai enggau indai..".
"Okey sayau .. Bah ka begari dulu aku sayau. Legi telanjai kami ... Sayau iya enti orang meda. Enti nuan ke meda enda ga ngawa.. Hahahaha".

Ku Richard nundi Lyn nyau ketawa .

"Peiii, lalu aku ku iya. Kanji ku aku. Alai mih begari. Byee muahhh!!!".

Ku Lyn nyium talipun. Bedau sempat Richard nyaut jako Lyn, lalu padam ke iya talipun. Richard mina tuchum aja laban ingat ke diri udah nundi Lyn..

#####

Datai ujung minggu, Richard pan ngamat ke janji iya ka betemu enggau apai enggau indai Lyn. Pagi nya baka selama Richard dani laban ka ngalu dulu meli nama utai ka tunga iya ngau sida apai indai Lyn ..

Indai iya laban ke sigi udah teleba meda iya, pama ujung minggu sigi enda kala lekat ba rumah nya pan semadi malam baru meda mua anak iya Richard. Nya pan enti iya tumu pulai ari bejalai. Kadang bejalai enggau bala kaban iya, kekadang madah diri betemu enggau sulu iya Lyn.

"Indai ... Ooo indaii .. Ni nuan??".

Ku Richard rerauh ngangau ke indai iya.

"Uuittt ... Tu aku dom ba taman bungai tu aku benung manjah bungai..".

Saut indai iya.

"Aku ka mindah dulu indai enggai ke nuan ngiga aku legi.. ".
"Au, alai mih anak. Pukul berapa nuan pulai legi dih?? ".
"Bedau temu indai ... Anang nganti aku makai malam legi indai..".

Pia ku Richard ga mesan indai iya. Indai mina nge au aja ..

#####

RUMAH LYN

Munyi hon kereta Richard nanda kediri udah datai ba tengah laman rumah sewa sida Lyn. Laban ke rumah teres, enda ga besai endar, chukup endur sida manak ngenduh mih nya.

"Nya.. Nyin iya udah datai indai apai ..".

Pia ku Lyn pengudah ke ninga munyi hon kereta sulu iya.

"Buka ke iya dulu gate nya endu asuh paking depan nya iya, ngerimbai kerita nuan ..".

Pia ku apai iya ga.

"Au mih apai ..".

Ku Lyn nyaut. Lyn pan ngambi kunchi kena muka gate sida iya . Udah Richard making kerita, iya pan minta tulung Lyn ngambi barang ba bonet kereta iya.

"Sayau nulung aku mai ke aku barang dalam nya .. Bisi meli barang ke dempa mimit aku tadi. Meli lauk ke dempa kitai tengah ari legi. Legi sayau masak ke aku..".

Pia ku Richard ga alu nyubit kuyu Lyn .. Lyn semina tuchun aja meda ulah Richard ..

"Kiruh mat nuan meli utai sayau ...".

Saut Lyn. Seduai iya pan tama mai barang ke udah dibeli Richard ... Lyn lalu mela lauk ke beli Richard nya tadi.

'Mayuh amat lauk beli iya tu. Bakani mih ka manduk iya??'.

Pia ku ati Lyn bejako .. Lyn enda kiruh ke Richard laban tembu bebela ... Indai iya pan sama nulung iya ba dapur nyadi Richard enggau apai Lyn berandau sambil nunga ai kupi ke udah digulai indai Lyn tadi.

BETAMPUNG