KETEGAL PENGERAJA KAUL TUA TEBELEKA

PART 11

DISERURI : ENSERA KUMANG

Dalam kerita Lyn enda memunyi. Baka ke bisi utai ti dikelalai ke Lyn. Rose laban udah ngelala sapa Lyn, Rose nemu bakani ke ulah Lyn ti bisi penusah. Rose nguji nanya Lyn ngica ke Lyn bejaku.

"Lyn ... Are you okey?".

Pia ku Rose nanya Lyn.

"Emm ya. I am okey. Dont worry about me."

Ku saut Lyn ga.

"Anang bula ke aku nuan Lyn, ukai sari dua tua udah begulai. Nemu amat aku bakani perangai nuan Lyn..".

Saut Rose.

'Patut ke aku nusi ngagai Rose utai ti nyadi ba airport tadi ?

Telai ati Lyn sambil mata iya nyeling Rose ti deriba sepiak iya.

"Bedau sedia aku deka nusi ngagai nuan Rose, nganti aku udah sedia, aku nusi ke nuan cherita. Kediatu awak mih nyadi resia ku dulu.. ".

Pia ku Lyn nyaut Rose. Enda berasai ai mata Lyn labuh ngenang utai ti udah nyadi 3 taun ke udah lalu. Enda ulih dibuai Lyn pengingat lama ti nelih ke ati iya suba ngunjung ke iya mutus ati nyambung sekula ngagai luar negeri.

Rose mina nagun ke pala aja ninga Lyn munyi nya. Enda mayuh jaku ga iya. Iya nemu situasi Lyn. Enda ga Rose ngansak iya amat nusi masalah iya ..

#####

KONDOMINIUM LEXAS

'Enda nyangka tua ulih betemu sayau. Lelenggau aku  kenuan, rindu aku kenuan. Arap ke tua sekali tu ulih madu pengerindu baru.. '.

Ku telai ati Richard.

"Nama berita apai enggau indai diatu .. Minta ampun apai, minta ampun indai laban ninggal ke seduai nadai bepadah..".

Pia ku Richard bejaku kediri.
Tuttt tuttt tutt

"Helo..".

Richard betalipun ngagai numur talipun rumah indai apai iya. Indai Richard ninga telipun bebunyi berumban angkat angka tak Richard pia ku iya.

"Helo, nuan tu dom??".

Pia ku indai Richard nyaut enggau ai mata.

"Au, aku mih tu indai.. ".

Saut Richard. Gaga mih indai Richard meda anak iya bisi betalipun ngagai iya ..

'Arap ke anak aku badu ngenang indu ke benama Lyn mih. Ila ila tetap enggai mih aku nerima indu nya!'.

Pia ku dalam ati indai Richard.

######

Datai Lyn ba rumah, apai enggau indai Lyn laban ke enda nemu anak seduai datai, sekali ninga orang nyapa ari bilik besai, lalu manjung gaga mih tudah indai Lyn meda anak iya udah datai ari luar negeri.

"Lyn !!! Anak aku udah datai wai!! ".

Pia ku indai Lyn belanda lalu merap Lyn. Apai Lyn laban ke agi ba ujung bilik nyau tekenyit ninga nyawa bini iya manjung.

"Nama utai di panjung nuan indai endun??".

Ku apai Lyn bejaku datai ari dapur. Sekali iya tepeda ke Lyn lalu gaga anak ati iya. Iya pan sama merap anak iya Lyn.

BETAMPUNG .