#جعلتني_أرملة
حلقة9
🏵💎 روايــــات دمــــعتــي تـــــروي مــــــأســـاتــي 💎🏵
الكاتبة|:- 💜 خ ـــلـــود شــــــــــلابـــــي 💜
👑🎶Kd Sha La Bi🎶👑
رجعت سارة لشقتها رغم إصرار ميس إن تقعد معاهم..
خشت لدارها شافت إضاءة موبايلها جرت ناحيته وشافت رسالة من رواد باعتلها..
شني هالرسالة متعك؟ إنتي صلي بعتالي إدعي عليا!!😏😏
اتصلت بيه سارة طول... مردش عليها.. 😯
بعتلها رسالة :- اللي بتقوليه أبعتيه فرسالة لأن مش حنرد عليك😒😒
سارة:- معقولة هكي تتغير فجأة!! برافو عليك والله,,,😔 وصلاتي حاجة تخصني بيني وبين ربي..☹
رواد:- مداما تتحسبي عليا أكيد حنتغير..
سارة:- اتصل بيا أنا منعرفش نتفاهم عالرسائل.. وانت متغير من قبل منبعتلك الرسالة😟😟
رواد:- انتي خليتي شيء نتفاهم عليه معاك..😏 مداما إنتي تديري فروحك فاهمة زي متحبي وتتهمي فيا من غير مبرر خلاص... أنا قتلك أوتقي فيا وعارفة قلبي معاك إنتي.. انا معش نقدر نكلمك توا...😌😌😌
صعقت سارة لما شافت رسالته,, كأن حد خدا سكين وقعد يضرب فقلبها بيه💔💔.. حست إن قلبها يوجع فيها.. طاحت من طولها وفقدت الوعي,,,,
...............................................
رواد تألم ووجعه خاطره.. بس كان هذا الحل الوحيد بش يبعد عن سارة ويخليها تكرهه وأهو حصّل سبلة معاها وشدهالها نقطة ضعف,, كان عارف إن لو حيستمر معاها حيقعد يجرح فيها لأن مش فاهم روحه ووضعه شني رغم إن يحبها!! ....😔😔
.......................
قعدت ميس تطق عالباب وسارة متردش.. قريب 10 دقايق وميس عالباب ومفيش رد
خافت ميس ومشت تجري لعلي..😲
ميس:- يا علي زود سارة من بكري نطق عليها متفتحش😯
ركب علي يجري جري عالدرج.. و قعد يطق عالباب مافيش ولا إشارة..😯
قلع الباب وخشوا قعدو يدورو عليها ف أرجاء الشقة لين خشت عليها ميس لقتها متلوحة فدارها مغمي عليها.. 😟
ميس:- ساااااارة يا ساااااارة تنادي ميس وعيونها دموع😢
قعد علي يقيسلها فنبضات قلبها لقى عندها نبض..
رفعوها للمستشفى وبعد إجراءات وتحاليل وكشوفات أجهزة
.................................
كانت راقدة على سرير المستشفى..
خشت ميس وخش علي معاهم الدكتور
قعدت سارة تشوف في ميس ووجهها واضح عليه اثار البكاء والتلبك..
سارة:- خيرني يادكتور شن فيا😓
الدكتور:- عزيزتي إنتي محتاجة لعملية زراعة قلب ف أسرع وقت
سارة:- كيف مفهمتش!! كانت سارة مصدومة😯😯
الدكتور:- فالواقع.. الأمر معقد شوية.. إنتي صارتلك نوبة قلب فجائية ضربت خلايا القلب.. ولازم تديري احتياطاتك وتوقي نفس مابين لقينا قلب يتطابق معاك.. 😔😔
قعدت سارة تبكي..😭😭😭
الدكتور:- لالا .. إياك والبكاء والحزن.. أبسط إنهيار يصيرلك حتتكررلك النوبة.. أصلا طلعت فنتيجة الكشف إن متكررة معاك النوبة أكثر من مرة..
تفكرت سارة المواقف وأعراض النوبات اللي جوها..
ميس:- هيا ديما قبل تقول تجيني غصة فالقلب
الدكتور:- وهادي أحد الأعراض..
حاولت سارة ترقد😴😴
بعد ساعتين بش ناضت كانت كأن راقدة فسبات عميق..
............................
🏵💎 روايــــات دمــــعتــي تـــــروي مــــــأســـاتــي 💎🏵
