جعلتني أرملة

حلقة 7

#جعلتني_أرملة

حلقة7

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

كانت الاجواء جميلة فشقة سارة.. جو أهل هنادي واليزابث أم سارة.. وكانو جالسين يضحكو مع بعض
اليزابيث:- أمتى حيجي رواد؟😊
سارة:- فالعشاء.. توا عنده عمل ☺
كانت سارة تحس بتوتر شديد.. وكأن بدت علاقتها مع رواد تتحول لجدية هلباااا لأن أمها تبي تقابله..
قعدو أهل هنادي يديرو فطقوس أعراسهم اللبنانية ويجهزو فيها..💓💗
ميس:- بجد ياسارة فكرتك حلوة إن جبتيهم فشقتك💞
سارة:- عاد انتي شقتك صغيرة وعلي مش حياخد راحته بس أنا اهني بروحي..
ميس:- عادي علي ميدورش..😇
سارة:- زي بعض حبيبتي😚
أم هنادي جت قعمزت بحداهم وقعدو يحكو على تنسيق حفلة العرس غدوة..
أم هنادي:- ان شاء الله نفرحو بيك يا سارة..
سارة تحشمت وقعدت تشوف لأمها..
اليزابيث قعدت تدمع وحضنت سارة ... :- I miss you honey
ميس:- قداش ليك عمتي إليزابيث معش جيتينا ليك وحشات
اليزابيث:- لولا فرصة العمل وقرايتها اللي حصلتها سارة اهني.. مكنتش خليتها تبعد عليا..
سارة:- اقعدي اسكني معاي اهني😇
اليزابيث:- أنا وعدت بوك إن منسكنش فحوش غير حوشنا اللي فنيوجيرسي.. وحندير كل جهدي بش نسدد الديون ونحي الرهن..
سارة حضنت أمها ولصقت فيها :- حنتساعدو 😇
كانت سارة مستاحشة أمها لأن لاها 4 شهور مشافتهاش.. كانت ناقصة حنان أمها اللي نحرمت منه بسبب ديون بوها اللي دار مشروع وحط فيه كل فلوسه وخسر.. وكان فبالها إن حتدير كل جهدها بش تريح والدتها من التعب اللي جاها...
........................
جي الليل ورواد فونه مقفل.. سارة تتصل بيه بس هوا مردش
ميس:- خيرك يا سارة😨
مش عارفة نتصل برواد مقفل وماما من بكري تسأل عليه وعطّل😠
ميس:- قايلتيله إن أمك اهني..😣
أي قلتله وقالي تو نشوف ونجي...😤
خافت سارة وحسّت إن رواد يتهرب وميبيش يجي بش يتعرف على والدتها..😭😵
جلست العائلة وقعدو يتعشوا .. بس سارة مقدرتش تاكل ومتقدرش تنوض من الطاولة,, متبيش تحسس والدتها بشيء .. حاولت تخلّي روحها عادية وكم كان يصعب عليها التضاهر...
.................................
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

بعد العشاء قعدت سارة واخت هنادي وميس يرتبو فالمطبخ...
حاولت سارة تتصل برواد لقاته مفتوح بس مردش... شافاته متصل عالمسنجر جاها شعور إن تتصل بيه عالنت لقاته مشغول.. ركبتها ناااااااار وشعور إخي مينوصفش...😭😵😤
شبحت الساعة والدقيقة قدااش على اتصالها بيه.. وحفظتهم
كملت سارة ترتيب المطبخ مع البنات وجهزوا الشاهي والكيك.. شربو وقعدوا يدردشوا مع بعضهم.. حاولت سارة إن متقعدش تطلع ف موبايلها وتشوفه بش أمها متحسش بشيء ..
شافت للساعة لقتها فايتة ساعة ونص على مكالمتها...
تسبلت إن بتمشي تسكر روشن دارها ... خشت لدارها واتصلت بيه عالمسنجر لقاته مشغول
انهارت سااااارة ومعش قدرت تستوعب,,, كيف يحشمني مع ماما.. وشن حندير,, أصلا أنا كيف نصدق فيه فديت فددددديت خلااااااااااص..😤😭😭
بعتتله رسالة.. thanks شكرا
ورجعت فجنب المجمع..
بعد ربع ساعة اتصل بيها.. قعدو الكل يشوفولها.. ردت عليه واستأذنت منهم مشت لدارها..
رواد:- شن هالرسالة متعك 😠
شيء😒
رواد:- خيرنا عاد عالنقان😤
مبتش تجبدله سارة على قصة الأيميل مشغول لأن مش زي اتصال الهاتف ميطلعلاش إن متصلة بيه أو انتظار.. ورواد تفوت عليه حاجات زي هكي..
سارة:- وين كنت؟😒
رواد:- كنت راقد😑
سارة:- أهااا ... راقد 😮
رواد:- علاش خيرك؟😤
سارة:- هذا غر بتجي عالعشاء
رواد:- ايح توا قتلك نشوف روحي يعني مرات نجي ومرات لا..
سارة:- شن هيا؟😡
رواد:- خيرك سارة عارفتيني عمل😤
سارة:- بس انت دوامك ينتهي ساعة 6
رواد:- وأنا مفض... قاطعاته سارة ومخلاتاش يكمل كلامه
سارة:- وقتلك ماما جاية وإن تبي تقابلك.. قصدك تتهرب إنت؟
رواد:- حي والله نسيت😱
سارة:- شن هيا نسيت!!! تمام أنساني حتى أني كان تبي .. سلام وشكرا عليها😠😤
رواد:- تسكري الخط تشوفي😡
سارة:- شني؟
رواد:- قتلك نسيت خلاص
سارة:- كيف تنسى إن ماما كانت تستنى فيك
رواد:- إيح علينا بتقعدي تنقي حنسكر
سارة:- انا منقش أنا نتناقش معاك
رواد:- قنالك نسينا يا بنت الناس أفهمي.. عارفتيني ننسى
سارة:- لو تحبني بجد ماكنتش تنسى حاجة تخصني وتخص أهلي..😭
رواد:- تصبحي على خير
سارة انصدمت .. قعد رواد يستنى فيها بش ترد بس هيا سكتت .. سكر الخط
قداش متوجعت سارة في هاديكا اللحظة... هما فالصالة فرحانين ويضحكو وهيا فدارها تبكي ومنزوعة فرحتها 😭😥.. ليش رواد ديما معايا مزاجي ليش.. !! هكي تردد فسؤال ديما يجول فخاطرها..
مسحت دموعها واستأذنت منهم وخشت رقدت بين دموع وجرح..😭😤
بعد نصف ساعة... رقدو أهل هنادي فغرف الضيوف.. جتها أمها ورقدت فجنبها وحضنتها..
إليزابيث:- خيرك حبيبتي رواد هوا السبب
سارة:- إي وتبكي😭
إليزابيث:- قصدك ماباش يجي على خاطر ميبيش يتعرف عليا؟😞
ناضت سارة وقعمزت:- لا يا ماما هوا عمل غر أنا زودتها معاه شوية وقتله مفروض جيت.. بالعكس هوا ديما يسأل فيا عليك..😫
إليزابيث:- قدريه يا بنتي ومتخليشي يتضايق منك..
وسارة بينها وبين نفسها لو تعرفي يا ماما شن يديرلي وقداش ما يوجع فبنتك..
سارة:- غدوة حيجي
إليزابيث:- ok
رقدت سارة وهي فحضن مامتها........
..........................................
🏵💎 روايــــات دمــــعتــي تـــــروي مــــــأســـاتــي 💎🏵