جعلتني أرملة

حلقة 2

#جعلتني_أرملة
حلقة#2
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

استنى رواد لين جي ضي الصبح واتصل ب سارة .. كان يعطي فيه مقفل📱📞
فتح النت لقاها آخر ظهور منذ شهرين..
ركبه الرعب😨 وقعد مشغول عليها.. شاف صديقه أحمد متصل عالنت ✅ اتصل بيه مسنجر..
أحمد:- نعم😒
رواد:- أهلين كيف حالك يا أحمد☺
أحمد:- شن فكرك توا.. 🤨
رواد:- لالا شيء اتصلت بيك مقفل وشفت صور لي منزلهم قلت أكيدة رجعت لأمريكا.. مشغول بالي على سارة ومقدرتش نوصل فيها.. بالله عليك طمني عليها حالها باهي 💔
أحمد:- إي حالها باهي..
رواد:- علاش ليها شهرين مش فاتحة نت.. وموبايلها مسكر
أحمد:- منعرفش
رواد:- بالله عليك قوللها تكلمني ضروري..
أحمد:- أنا لا نقوللها ولا حاجة.. لما تدخلت وقعدت نتصل بيك قبل متردش.. أنا طلعت منه موضوعك خلاص👌🏻 .. بالله عليك معش تكلمني ومعاش تجي فطريقها البنت ..
رواد:- لا 😧... متسكرش بالله عليك يا أحمد😨
أحمد:- شن تبي؟😤
رواد:- أنا نحاول اليومين هادو ندبر ونجي لنيويورك .. نبي نجي بالله عليك يا أحمد نبي نشوف سارة..
أحمد سكت وقعد يتنفس بصعوبة.. وقال:- مدامك مصرّ تعالى ولا ملّح... أنا فجره موضوعي👌🏻 وسكّر فوجهه🚫
.................
رجع رواد للحوش حالته حالة💔😨.. كأنه مش نفسه الشخص اللي كان ملوح كل شيء وراء ضهره وبادي عايش حياته من جديد👌🏻..حجز تذكرة من موقع المطار ووتى شنطته وجوازه.. وطلع قابله خوه
خوه:- وين ماشي ياراجل؟
رواد:- راجع لأمريكا
خوه:- إياه بدينا فنفس القصة..😒
رواد:- قول لأمي مشيت وخلاص ... طلع وسيبه مكترش معاه الدوة💔
.................
وصل رواد للمطار.. ومن المطار خدي حافلة واتجه ل مدينة بروكلين
مشى لشقة سارة المؤجرة يطقطق عليها ما حد فتح... قعد قريب ربع ساعة وهوا واقف عالباب ماحد فتح..
نزل لشقة أحمد وشقة علي.. قعد يطق عليهم ماحد فتحله
رواد بينه وبين نفسه:- غريبا وين مشو؟
قعد ينزل من درج العمارة.. وكان حاس بانفاس سارة وصوت ضحكاتها ..
قعد يتفكر ف أيامهم وذكرياتهم لما كانو يركبو وينزلو من درج العمارة هادي...
حس بالندم وبالوقت اللي ضيعه.. وجرح البنت اللي عمرها ماجرحاته واللي حباته أكثر من نفسها..
حس إن محتاج يشوفها.. محتاج لحبها.. محتاج لنظرات عيونها البريئة,, لصوتها الملي بالدفء والحنية,, محتاج يسمع اسمه بصوتها كيف كانت تنادي فيه,, كان يحس إن اسمه حلو لما تبدأ هي تنطق فيه💔👌🏻
...............
قعد يتصل ب أحمد📞📲 .. وأحمد ميردش عليه.. وعلي مقفل🚫
قعد يتمشى ف الأنحاء ،، وكل تركينة وكل جهة كانت ليها قصة مع حبيبته سارة...
اتجه لجسر بروكلين.. قعد واقف يتمشى عليه فالصقع والمطر اللي تصب..
يشوف فالمكان اللي كانت سارة تحبه,, واللي مشوله قبل....
كان على سور الجسر كتابة,, كان كاتبها رواد ** سارة ورواد = نحبك**
قعد مخنوق😨 وشايله الحنين من وسط قلبه .. تفكر سارة كيف فرحت لما دارهالها رغم إن شيء بسيط,,, بس سارة كانت تفرح لما رواد يديرلها أي حاجة مهما كانت صغيرة
أنا شن درت ياربي 😭,, إن شالله غير ترضى ترجعلي وتسامحني,, انا حنتزوجها وحنكمل حياتي معاها 👌🏻,,
..........................
🏵💎 روايــــات دمــــعتــي تـــــروي مــــــأســـاتــي 💎🏵