بين نيران أستاذي والظابط .؟؟:(

بارت 9

هلو كيك أشلونكم طبعا التصويت زفت واحتمال ما كمل القصه لان ابد متسون واهس لاتعليقات ولا تصويت

___________________________________

بقلم نواره نواره

رهف .. يعني متريد تعرف
عيونه أسد طلعت من مكانها ووجهه صار احمر وكوه لازم روحه وعاصر ايده حاجاني من بين اسنونه
أسد ... وانتي شمعرفج ها شدراج اياني واياج اتفتحين هالموضوع مره ثانيه تحجين وعبالك اتعرفين كولشي

اني من شفته هيج صدك خوفني كمت شردت منه ودفنت راسي باللحاف وغفيت
صارت الساعه ب5 ونص واسمع تلفونات تركع وأسد ايصيح وجلال كاعد بمكانه على القنفه ولا مهتز ويباوع على أسد بستهزاء

جلال .. ولله يا أسد هذا عمك لا ابيعه ولا اشتريه مخليها عده امانه هيج ايسوي بيها لك انت بعدك متعرفهم لك قبل كلساع وكمز هشام رهف كبرت رهف انخطبت خنزوجها ل...

قاطعه أسد ... لك جلال مهما ايكون هذا ابوك لازم اتشوفه وتاخذها اله

صاح جلال بصوت يرعد رعد ... لك أسد عسى مايموت ماتوصله رهف بعد
رهف ...شكو شصاير شبي بابا
خفت حيل وكلبي كام ايدك بسرعه بعد شصار ياربي
أسد ... رهف ابوج انجلط وطالب ايشوفج وجلال معند
من نطق اسد كلمة انجلط ماعرف شصار بيه كلني اهتزيت مهما ايكون ومهما  ظلمني اني وجلال وقبل ببعد جلال عنه يبقى بابا
نزلت دموعي بدون سابق أنذار ولزمت جلال من أيده وكتله

رهف جنت احجي وياه ودموعي تنزل ... جلال عفيه جلال خلي انروح انشوفه أخاف يروح واحنا مزاعلينه عفيه جلال خلي انروح

جلال .. لج براسج ما ضل بي عقل هسه ابوج بين الحيا والموت ويتذكرج انتي انتي يتذكرج لج اتعلميني بيهم كله جذب تلكينه اساسا ما خطرتي على باله هذا هشام هشام النذل خطه منه هاي وشوفو اذا ماطلعت خطه منه
توه ابوج اتذكرج واتذكر ايشوفج ويبجي عليج ايريد ايصالحج قبل ليموت خاب دروحيي
اتضحكبن على روحج
رهف

جنت اسمع كلامه وعيوني تنزل ماعرف شنو ارد اساسا ماعندي رد عليه كل الي حجاه صدك بس اني من اوصله يصير  كلبي رچيج  وابسرعه يحن اله هوه بابا صح ماشفت منه حنان وماهتم بيه بكد منى ومريم وما يوم من الايام اجه ورايه للمدرسه او كالي عفيه بابا
بس اني اني معندي غيره هوه وجلال
حتى ماما ماعرفها ماعندي ذكره وحده عنها ولدتني وماتت ومحد سولفلي عنها جلال كلما اجيب طاريها يكلب خلقته ويسد الموضوع اعرف هالموضوع عنده حساس. ويجرحه ويألمه هواي بس ماعندي احد غيره اسئله نوبات الكاه بوحده صافن وضايج حيل من اسئله بسرعه ايضل ايسولف عليه عنها سوالف شنو جانت اتسوي وشنو شكلها
مرات اتخيل شكلها تشبه جلال ومرات تشبهني ماعندي حتى الها صور هوايه
كل صوري ويه بابا ماعندي صوره وياها
ولا صوره وحده وياها ولا وحده ابد ولا حده