بين نيران أستاذي والظابط .؟؟:(

بارت 11

هلو كيك اشلونكم شخباركم
طبعا اتاخرت عليكم بالبارت بس وربي جان عدنا خطار وماكدرت اكتب

قبل اشوي طلعو واجيت رتبت البارت وردت انشره غلسو عن السحكات لان مالحكت اصحح

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♥♡♡♡♡♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♡♡♡♡♡♡♡♡♡♡♡♡♡♡♡♡♥

والجكاره بحلك أسد وهوه يلهب لهب وهيونه يطلع منهن شرار صار عباره عن كتلت عصبيه تمشي على الارض
خوب فؤاد
فؤاد بعد ما تركه اسد ودوه ربعه للمستشفى لان انكسر خشمه على كد البوكسيات الي اكلهن

اسد
ماتوقعتها من فؤاد هاي اشلون ايسوي بيه هالشكل معقوله معقوله هيج ايسوي بيه اني صديق عمره وسفه عليك يا فؤاد ولله وسفه باخوي يا حزام ضهري من الحادث واني نسيت شئ اسمه فؤاد ومحيته من ذاكرتي وخليتله تأنيب الضمير ايعيش وياه هالحقير ولو ماعنده ضمير هوه لو عنده ضمير جان مل خان اخوه وحزام ضهره ولله  هسه لو اقتل فؤاد ومادلين اثنينهم ماينشفي غليلي  بس اخ اخ  وين الكاها مادلين هسه وين سافرت ويه رجلها وهاجر. للخارج ولله لو  بعدها بالسليمانيه لو اعرفها ةين بالضبط الا اطيحه الحضها لهالعار الحقيره اخ. منها
مر اسبوع واني مقاطع العالم كوله لسبوع كامل لا رحت لجلال ولا اعرف اخبار رهف
ومر هذا الاسبوع مثل السم بسبب امي الي ماترضى تتقبل فكرة زواجي من رهف ابدا
بس ابوي جان واكف بصفي وامي حتى السلام صارت ماتسلم
لذلك قررت قرار اني ارجع انتقل للسليمانيه اساسا اني شرجعني شجابني هنانه شجابني شرجعني جنت هناك بالي صافي شرجعني
فاتحت بابا بالموضوع وعارض بالبدايه بعدين من شافني مصر جدا وافق بس  مايريدني ارجع واعوفهم
راح اتخلص العطله ويبتدي الدوام قررت نعرس عرس اصغيرون  قبل لتخلص العطله واخذ رهف وانتقل للسليمانيه وانقل رهف واخليها اتكمل السنه هناك
كلت اليوم اروح لشقة جلال دكيت عليه وبلغته وكتله عندي حجي وياك وهوه ماكال لا بالعكس  رحب بيه جلال صار صديق واخ واﻻنعم منه سديت الجهاز ورحت سبحت
بعدين لبست بنطلون نيلي وقميص ابيض وستره زركه قامقه وطكيت العطر ومشطت شعراتي وطلعت

رهف
من اليوم الي ع ف بي اسد بالموضوع وهوه مامكلب خلقتي ضليت اكل بل نفسي كل الفتره الي راحت هالسبوع مر عليه مثل السم لا نوم ولا اكل مثل العالم خايفه لا اخسر اسد هم وابقه تحت رحمة هشام جلال لازم يرجع هذا الشهر ايكمل دراسته ومايكدر يتركني وخطيه محد كاسر ظهره غيري لو مو سالفتي جان جلال رجع من زمانن
بهاي الفتره زرت بابا مره وحده واصلن هوه مامقلدلي مارجعتله بعد اساسا طاب مابي شئ بس خبصونا خبص اعرف بابا عده سبع ارواح مثل البزون ميموت بهاي السهوله
اكلني القلق كولش هالسبوع ماعرف ليش هيج خفت على اسد
وهم اشتاقيت اسمع صوته بس ماكو طول هالسبوع مطنشني  لحد اليوم جنت نايمه على التخم بالصاله والكفشه شكبرها هههه لا لا اني شعري ناعم جان مفتوح ونازل من التخم والتخم اساسا مو كلش عالي يعني شعري نازل من التخم وطايح بالكاع جنت لابسه برموده حمره وبيها صورت لولو كاتي والغطه طايح وضال بس على رجليه
حسيت بشي يمشي على شعري فتحت اعيوني بتثاقل ولني اشوف ........