بين نيران أستاذي والظابط .؟؟:(

بارت 14

  هلو هلو

___________________________________________________

بارت جديد

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

صوتو قبل لاتقرون النجمه النجمه

☆☆☆☆☆☆☆☆☆☆☆☆☆☆☆☆☆☆☆☆☆☆☆☆

عدلت مكياجي وطلعت  كعدت يم النسوان لان عمتي ام انمار وآيه ملتهيات بالمطبخ
النسوان مايدرن ايباركلي لو يتحمدلي على سلامة اسد
قدمت عصير وماي الهم 

بعدين رحت ساعدتهم اشويه بالمطبخ ولني اشوفلك منى شاده احزامها وتطبخ

ضليت فاتخه حلمي 3 امتار لكدام ها ها هاي اشعدها ملتهيه بس تتلوك لو مامزوجه
جان كلت اتدورلها على رجل بس هيه اتدور عفيات احب الواحد يكلها عفيه وايضل

يمدح بيها

ساعدتهم اشويه وصاحتني آيه كلتلي صديقتح اجت عيب روحي كعدي يمها واني اكمل الي بأيدج

رحت للصاله وصار وجهي بوجهه انمار جان نازل من الدرج سلم عليه وسلمت عليه

وكفت اسولف وياه ولني اسمع صوت زهراء حبيبتي صارلي هواي مشايفتها اشتاقيتلها

وانوب انمار ضل مسطور بمكانه حتى ماراح ضل واكف حتى زهراء استحت

كالت اسفه اذا قاطعتكم اني رايحه بالصاله رهف من تخلصين تعاليلي بس انمار

وكفها وكلها لا اساسا اني جنت اريد اروح

وطلع وهوه عيونه عليهه هيه خطيه ارتبكت حيل من نظراته

  اخذتها ورحنا للصاله سلمت على امها لان جايه ويه امها وبقينا انسولف

وامها رادت اتروح اترخصت بس اني مخليتهم كلتلهم هسه انصب الغده ماكو روحه

وبالكوه يله قبلت
صبينا الغده وساعدتهم هواي بعدها اتغدو وراحو نص العالم بقو بس اقاربنا القريبين
كولش يعني بين عمامي  وخوالهم  اقاربنا القريبين

غسلت اماعين وياهم وآيه كلساع مكعدتني اتكلي هاي غير عروسه

اني اضحك عليها وكلتلها هيه بقت عروسه

وامها كلساع ذابتلها حجايه اتغث بيه واتكول بعدها ما حاطه رجلها ببيتنا فكرتنا جا

من تجي وتكعد عدنا وتعيش ويانه شتسوي..... غثتني ولله انوب ماتستحي تطيها  طك بطك 

بس آيه جانت تتلافى الموضوع بسرعه وتضحك وتتشاقه

خفت العالم وما ضل احد بس الزلم كلساع واحد طاب واحد طالع
وكلساع كامزه وحده منا جاي ماي عصير

صارت الساعه ب7 اذن وصلينا واني بعدني ماشايفته هنا كمت احوس الا ادخل عليه بس اشلون ياربي بعد ماتحمل