بين نيران أستاذي والظابط .؟؟:(

بارت 12

رهف
مر هذا الاسبوع بين التجهيزات والسوك مالت العرس جانت عمه ام انمار تجينا هيه وايه وياخذنا أسد للسوك

اشترينا كولشي يخص النيشان جنت فرحانه حيل بس بكلبي غصه اتمنيت وياي اخت او امي
مريم ما اجتني ولا اتصلت بحجة تبقى يم بابا صحته ماتسمح ومنى اساسا هيه مامكلبتني حتى هسه تجي ويايه
كل مره انروح للسوك عمه ان انمار لازم لازم اتغثني بحجايه السانه ينكطه سم
لوما آيه ويانه جان تهجم عليه وتخنكني طبعا كلش خوفتني وحسيت هالزواج اكبر غلط

اشترينا ملابس وذهب واسد ابدا وما بخل عليه بشئ جان كولش كريم ويايه وكلساع ماخذني لفلان مول او محل يشتريلي منه احسه ايغطي على امه الي تحجي كله من وره خشمها وجنها  مجبوره وجايه بس آيه خطيه جانت كولش حبابه وياي
وساعدتني هوايه بشراء الاشياء حتى المكياج هيه اشترتلي اياه كوله لان اني ماعرف هواي بالمكياج وكعدنا ساعه بالمحل انجرب بالحمر وتعارك ويانه اسد لان انجرب ايصيح منا العالم عيب وكلما اسحب لون حمره ايكلي هاي غامقه هاي اتبين هاي عيب

اخر شئ زعلت وعفتهن وبالكوه رجعوني واشترتلي آيه واخذت الحمره الحمره الغامقه الي رجعها أسد عناد عليه ههههه

سوينا عقد هوه حنه وبسيط  صغيرون اجت أخت أسماعيل وامها  وصديقاتي وعمه و آيه وأجت مريم بس منى  ما اجت كالت بالعرس تجي ماعرف ليش ضجت على الرغم من اني ما متوقعتها اساسا يجب ولا منتظرتها شغلت آيه اغاني وكضتها ركص بس هيه اتكمز بالنص هههه سوينا الحنه بيت بابا طبعا لان بابا ماقبل انزفف من شقة جلال

صرنا بالصاله وهمه بالديوان عمامي وبابا وربع اسد وجلال اخوي حبيبي

صار وقت العقد ولبستني مريم حرام الصلاة وكفت وره الباب وبديت اردد
واني اتناكت وخايفه كولش والدمعه بطرف عيني بس واحد ايسويلي جك ابجي
اتمنيت هسه جلال يدخل يمي ويكضني يمه اشكد خفت اديه ترجف عبالك موديني للموت مو عقد

كمت اكرر كلام الشيخ واخر شئ لازم انطي موفقتي بس كلت نعم اقبل نزلت ادموعي
سمعته من وره الباب وهوه ايردج الكلام بصوته الخشن والرجولي بس سمعته كال نعم زدت بجي واشتغلت الهلاهل واسمع صحبان اسد كلبو الجو بالرمي والهوسات

رجعني البنات للصاله وعدلت مكياجي
طبعا مارحت للصالون بس سوتلي آيه مكياج هيه اتعرف مكياج ناعم حلو وفتحت شعري طويل ينزل جوه خصري ولفيته من اطرافه وشلت خصل منه ولبست تاج ناعم طلع شكله فد شئ ماقبلت اصبغ لان لون شعري عاجبني وماريد اغيره بعدين خفت على شعري ايطيح

ولبست بدله هوه جابها بدله قصيره جنهل مالت باؤبي ولبست كعب عالي بلون البدله حمره وحطيت من الحمره الي اتعاركنا عليها وماقبل ايحيبها بعدين جبتها وهوه ماراضي هههه
خلصت الحفله والبنات ابدا ما قصرن وصار لازم يدخل ايلبسني الذهب ودخلو عليه عمامي وجلال حطيت شال على زنودي وصدري لان الأمه العربيه كلها طالعه هههههههه